କଫସିରଫ୍ ମାଫିଆଙ୍କୁ ଧରିଲା ପୁଲିସ । ୮ ହଜାର ୩୮୦ ବୋତଲ କଫ ସିରଫ ଜବତ
କନକ ବ୍ୟୁରୋ: ଆଉ ତିନି କଫ୍ ସିରଫ ମାଫିଆ ଗିରଫ । ଜବତ ହେଲା ୮ ହଜାର ୩୮୦ ବୋତଲ କଫ ସିରଫ । ଗତ ୨୨ ତାରିଖରେ ଜିଲ୍ଲାର ବିଭିନ୍ନ ଥାନା ପକ୍ଷରୁ ଚଢ଼ାଉ କରାଯାଇ ୭ ହଜାର ୮ ଶହ କଫ୍ ସିରଫ ଜବତ କରାଯାଇଥିଲା । ଏହି ଘଟଣାରେ ୫୮ ଜଣକୁ ଗିରଫ କରିଥିବାବେଳେ ପୁଣି ଏହି ଲିଙ୍କରେ ଏବେ ତିନି ଜଣଙ୍କୁ ଗିରଫ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗିରଫ ଅଭିଯୁକ୍ତ ହେଲେ କଟକ ଜିଲ୍ଲା ଚୈାଦ୍ୱାର ଥାନା ଚାରବାଟିଆର ସିଦ୍ଧାନ୍ତ କୁମାର ନାୟକ, କଟକ ଟାଉନର ପୂର୍ଣ୍ଣଚନ୍ଦ୍ର ବେହେରା ଓ ବରଗଡ଼ ଗଙ୍ଗାଧର ନଗରର ଲକ୍ଷ୍ମୀଧର ବେହେରା । ଏମାନେ ସମସ୍ତେ ବିଭିନ୍ନ ଜିଲ୍ଲାକୁ ଏହି କଫ ସିରଫ ଯୋଗାଉଥିବା ସୂଚନା ଦେଇଛନ୍ତି ବରଗଡ଼ ଏସପି ପ୍ରହଲ୍ଲାଦ ସହାୟ ମୀନା । ବରଗଡ଼ ଜିଲ୍ଲାକୁ ସମ୍ପୂର୍ଣ୍ଣ ନିଶାମୁକ୍ତ କରିବା ଲକ୍ଷ୍ୟରେ ଜିଲ୍ଲା ପୁଲିସ ପକ୍ଷରୁ ବିଭିନ୍ନ ସ୍ଥାନରେ ଚଢାଉ କରାଯାଉଛି । ଏହି କ୍ରମରେ ବିଭିନ୍ନ ସମୟରେ ପୋଲିସ ଚଢାଉ କରି ବେଆଇନ କାରବାର ଉପରେ ରୋକ୍ ଲଗାଇବାକୁ ଚେଷ୍ଟା କରୁଛି ।