କନକ ବ୍ୟୁରୋ : ଅଯୋଧ୍ୟାରେ ବଢୁଛି ହୋଟେଲ, ଧର୍ମଶାଳା ଓ ଗେଷ୍ଟହାଉସ ଚାହିଦା । ଏଠାରେ ଚାଲିିଥିବା ଭବ୍ୟ ରାମମନ୍ଦିର ପ୍ରତିଷ୍ଠା ଖୁବ ଶିଘ୍ର ହେବାକୁ ଯାଉଛି । ଉତ୍ସବରେ ଯୋଗଦେବା ପାଇଁ ଶ୍ରଦ୍ଧାଳୁମାନେ ଏବେଠାରୁ ହିଁ ହୋଟେଲ, ଧର୍ମଶାଳା, ଗେଷ୍ଟହାଉସ ବୁକ କରିବାରେ ଲାଗିପଡିଲେଣି । ତେଣୁ ଏଗୁଡିକର ଦାମ ହଠାତ ବଢିବାରେ ଲାଗିଛି । ୨୦୨୪ ଜାନୁଆରୀ ମାସରେ ରାମଲାଲାଙ୍କ ମୂର୍ତି ଗର୍ଭଗୃହରେ ପ୍ରାଣପ୍ରତିଷ୍ଠା ହେବ । ଏହି ଉତ୍ସବରେ ସାମିଲ ହେବାକୁ ବେଶ ଉତ୍ସାହ ସହ ଅପେକ୍ଷା କରିଛନ୍ତି ଶ୍ରଦ୍ଧାଳୁ ।
Kanak News is now on WhatsApp
Join and get latest news updates delivered to you via WhatsApp
ତେଣୁ କିଭଳି ଅଯୋଧ୍ୟା ଆସିବେ, ଭିଡ ଭିତରେ ରହିବାକୁ ଜାଗା ଖଣ୍ଡେ ପାଇବେ ଏନେଇ ଯୋଜନା ଆରମ୍ଭ କଲେଣି । ଦେଶର ବିଭିନ୍ନ ପ୍ରାନ୍ତରେ ଥିବା ଲୋକମାନେ ଟ୍ରାଭେଲ ଏଂଜେଟଙ୍କୁ ଯୋଗାଯୋଗ କରୁଛନ୍ତି । ବିଶେଷ କରି ଜାନୁଆରୀ ୨୦ରୁ ୨୬ ପାଇଁ ଅଧିକ ବୁକିଂ କରିବାକୁ ଚାହୁଁଛନ୍ତି ଲୋକେ । ଶ୍ରୀରାମ ମନ୍ଦିର ଉଦଘାଟନ ପାଇଁ ପ୍ରଧାନମନ୍ତ୍ରୀ ମୋଦୀଙ୍କୁ ନିମନ୍ତ୍ରଣ ପଠାଯାଇଥିବା ଟ୍ରଷ୍ଟ ପକ୍ଷରୁ କୁହାଯିବା ପରେ ଶ୍ରଦ୍ଧାଳୁଙ୍କ ମଧ୍ୟରେ ଅଯୋଧ୍ୟା ଆସିବାକୁ ଆଗ୍ରହ ବେଶ ବୃଦ୍ଧି ପାଇଛି । ପ୍ରାଣପ୍ରର୍ତିଷ୍ଠା ସମୟରେ ଅଯୋଧ୍ୟାରେ ଲକ୍ଷାଧିକ ଶ୍ରଦ୍ଧାଳୁଙ୍କ ଭିଡ ସମ୍ଭାବନା ରହିଛି ।
ସୂଚନା ଅନୁସାରେ ଅଯୋଧ୍ୟାରେ ବର୍ତମାନ ଶହେରୁ ଅଧିକ ହୋଟେଲ ରହିଛି । ସେଥିମଧ୍ୟରେ ହାତଗଣତି ତାରକା ହୋଟେଲ ରହିଛି । ୫୦ଟି ଗେଷ୍ଟ ହାଉସ ଓ ୬୦ଟି ଧର୍ମଶାଳା ରହିଛି । ଏସବୁ ବ୍ୟତିତି ସ୍ଥାନୀୟ ବାସିନ୍ଦାମାନେ ନିଜଘରକୁ ଅସ୍ଥାୟୀ ଭବେ ଷ୍ଟେ ହୋମରେ ପରିଣତ କରି ଭଡା ଲଗାଇବା ନଜୀର ମଧ୍ୟ ରହିଛି ।