କେନ୍ଦୁଝରରୁ ଆସିଲା ଛାତିଥରା ଶୀତର କାହାଣୀ: ୫ ଡିଗ୍ରୀ ତଳେ ଜିଲ୍ଲାର ଏକାଧିକ ସ୍ଥାନ, ୧୦ ବର୍ଷର ରେକର୍ଡ ଭାଂଗିଲା ପାରଦ
କନକ ବ୍ୟୁରୋ: କେନ୍ଦୁଝରରୁ ଆସିଲା ଛାତିଥରା ଶୀତର କାହାଣୀ । ୫ ଡିଗ୍ରୀ ତଳେ ଜିଲ୍ଲାର ଏକାଧିକ ସ୍ଥାନ । କେନ୍ଦୁଝରରେ ଶୀତ ଗତ ୧୦ ବର୍ଷର ରେକର୍ଡ ଭାଂଗିଥିବା ବେଳେ ଗତ ୪ ଦିନ ହେଲା କେନ୍ଦୁଝର ଗଡ଼ ସହରର ତାପମାତ୍ରା ୭ ଡିଗ୍ରୀ ତଳେ ରହିଛି । ସେହିପରି କାଂଜିପାଣି, କାଦକଳା, କିରିବୁରୁ ଓ ବଲାଣିରେ ତାପମାତ୍ରା ୫ଡିଗ୍ରୀ ତଳକୁ ଖସିଥିବା ଜଣାପଡ଼ିଛି । ପ୍ରବଳ ଶୀତ ଯୋଗୁ ଜନଜୀବନ ଅସ୍ତବ୍ୟସ୍ତ ହୋଇପଡ଼ିଥିବା ବେଳେ କେନ୍ଦୁଝର ସହର ରାତି ୮ଟା ବେଳକୁ ଶୂନଶାନ୍ ହୋଇପଡୁଛି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ, ଅପରାହ୍ନ ୫ଟାରୁ ବିନା ଶୀତବସ୍ତ୍ରରେ ପଦାକୁ ବାହାରିବା ମୁସ୍କିଲ ହୋଇ ପଡିଛି। ପୂର୍ବଭଳି ଶୀତ ସହ ସକାଳ ୯ଟା ପର୍ୟ୍ୟନ୍ତ ଘନ କୁହୁଡି ବି ଲାଗି ରହୁଛି। ରାସ୍ତାଘାଟ ଓ ବଜାର ଶୂନଶାନ ହୋଇ ପଡୁଛି। କେବଳ ଚା’ ଦୋକାନରେ ଭିଡ଼ ଜମୁଥିବା ଦେଖିବାକୁ ମିଳୁଛି। ଶୀତ ଯୋଗୁ କନ୍ଧମାଳ ବି ଜନଜୀବନ ଅସ୍ତବ୍ୟସ୍ତ ହୋଇ ପଡିଛି। ଶୀତରୁ ତ୍ରାହି ନିମନ୍ତେ କିଏ ନିଆଁ ପୁହାଁକୁ ସାହା କରୁଛି ତ ଆଉ କିଏ ଟାୟାର ଜାଳୁଛନ୍ତି। ଆହୁରି ୪-୫ ଦିନ ଶୀତ ଲାଗି ରହିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଉଥିବା ବେଳେ ଏହାକୁ ନେଇ ସମଗ୍ର କନ୍ଧମାଳବାସୀ ଆତଙ୍କିତ ହୋଇ ପଡିଛନ୍ତି। ଶୀତରୁ ମଜା ଉଠାଇବା ନିମନ୍ତେ ଫୁଲବାଣୀ,ଦାରିଙ୍ଗବାଡି ସହ ବିଭିନ୍ନ ପର୍ୟ୍ୟଟନ କ୍ଷେତ୍ରକୁ ଲୋକଙ୍କ ସୁଅ ଛୁଟିବାରେ ଲାଗିଛି।