ଟ୍ରେନ୍ ଶୌଚାଳୟରୁ ମୃତଦେହ ମିଳିବା ଘଟଣା : ପରିଚୟ ଜାଣିବା ପାଇଁ ବିଭିନ୍ନ ସ୍ଥାନରେ ମୃତ ମହିଳାଙ୍କ ପୋଷ୍ଟର ଲଗାଇଲା ଜିଆରପି, ତଥ୍ୟଦେଲେ ମିଳିବ ପୁରସ୍କାର
କନକ ବ୍ୟୁରୋ : ସତ୍ୟନଗର କୋଚିଂୟାର୍ଡରେ ଟ୍ରେନ୍ ଶୌଚାଳୟରୁ ମହିଳାଙ୍କ ମୃତଦେହ ମିଳିବା ଘଟଣାରେ ପୋଲିସର ଛାନଭିନ୍ । ମୃତ ମହିଳାଙ୍କ ପୋଷ୍ଟର ଲଗାଇଲା ଜିଆରପି । ଭୁବନେଶ୍ୱର ରେଳ ଷ୍ଟେସନ, ରାଜ୍ୟ ବାହାରର ଷ୍ଟେସନ ଓ ଜନଗହଳିପୂର୍ଣ୍ଣ ଜାଗାରେ ପୋଷ୍ଟର ଲଗାଇଛି ଜିଆରପି । ମୃତ ମହିଳାଙ୍କ ବିଷୟରେ ଯେଉଁ ବ୍ୟକ୍ତି ଖବର ଦେବେ ତାଙ୍କୁ ପୁରସ୍କାର ଦିଆଯିବ ବୋଲି ପୋଷ୍ଟରରେ ଉଲ୍ଲେଖ ରହିଛି । ତଥ୍ୟ ଦେଇଥିବା ବ୍ୟକ୍ତିଙ୍କ ପରିଚୟ ଗୋପନ ରଖାଯିବ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ମୃତ ମହିଳାଙ୍କ ପରିଚୟ ଜାଣିବା ପାଇଁ ଜିଆରପି ସବୁ ପ୍ରକାର ଉଦ୍ୟମ କରୁଥିବା ବେଳେ ଆଜି ସତ୍ୟନଗର ଶ୍ମସାନରେ ହେବ ଶେଷକୃତ୍ୟ । ଅଧିକ ଅନୁସନ୍ଧାନ ପାଇଁ ମୃତଦେହ ଦାହ ହେବା ପୂର୍ବରୁ ମହିଳାଙ୍କ ହାଡ଼, ଚୁଟି ଓ ପୋଷାକର ଫଟୋ ଉଠାଇ ରଖିବ ପୋଲିସ । ଗତ ୨୦ ତାରିଖରେ ଧାନବାଦ୍-ଭୁବନେଶ୍ୱର ଟ୍ରେନରୁ ଜଣେ ଅଜଣା ମହିଳାଙ୍କ ମୃତଦେହ ଉଦ୍ଧାର ହୋଇଥିଲା । ମହିଳାଙ୍କ ବୟସ ପାଖାପାଖି ୩୦ ବର୍ଷ ହେବ । ସେ ବିବାହିତା ବୋଲି ଅନୁମାନ କରାଯାଉଛି ।