ପ୍ରେମ ବ୍ୟାପାର ସନ୍ଦେହ : ହ୍ୱାଟ୍ସଆପରେ ଷ୍ଟାଟସ ଦେଲେ … ଆତ୍ମହତ୍ୟା କଲେ ଯୁବକ
କନକ ବ୍ୟୁରୋ : ହ୍ୱାଟସଅପରେ ଷ୍ଟାଟସଦେଇ ଯୁବକଙ୍କ ଆତ୍ମହତ୍ୟା । ଏଭଳି ଅଭାବନୀୟ ଘଟଣା କଳାହାଣ୍ଡି ଜିଲ୍ଲା କୋକସରା ଥାନା ଭାଲୁଚୁଆଁ ଗାଁରେ ଦେଖିବାକୁ ମିଳିଛି । ପ୍ରେମରେ ଧୋକା ମିଳିବା ପରେ ଯୁବକ ଜଣଙ୍କ ଆତ୍ମହତ୍ୟା କରିଥିବା ତାଙ୍କ ହ୍ୱାଟ୍ସଆପ୍ ଷ୍ଟାଟସ ଦେଖି ସନ୍ଦେହ କରାଯାଉଛି । ମୃତ ଯୁବକ ଜଣଙ୍କ ହେଲେ ଧର୍ମଗଡ଼ ଥାନା ଅଏଁଲାଜୋର ଗାଁର ହିମାଂଶୁ ଭଇଁସାଲ । ଆତ୍ମହତ୍ୟା କରିବା ପୂର୍ବରୁ ନିଜ ହ୍ୱାଟ୍ସ ଆପ୍ ଷ୍ଟାଟସ୍ରେ ତାଙ୍କ ମୃତ୍ୟୁ ପାଇଁ କେହି ଦାୟୀ ନଥିବା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ନିଜ ହାତ କାଟି ସେହି ଯୁବତୀଙ୍କ ନାଁ ମଧ୍ୟ ଲେଖିଥିବା ହ୍ୱାଟ୍ଆପ୍ ଷ୍ଟାଟସରେ ଏକ ଫଟୋରେ ଦେଖିବାକୁ ମିଳିଛି । ଏଭଳି କିଛି ଷ୍ଟାଟସ୍ ଦେବା ପରେ ନିଜ ବେକରେ ରଶି ଲଗାଇ ଏକ ଗଛରେ ଝୁଲି ପଡିଥିବା ଦେଖିବାକୁ ମିଳିଛି । ଖବର ପାଇ କୋକସରା ପୁଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ କୋକସରା ଡ଼ାକ୍ତରଖାନାକୁ ପଠାଇଛି । ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ସତ ଜଣାପଡ଼ିବ ବୋଲି ପୋଲିସ ସୂଚନା ଦେଇଛି । ସେପଟେ ମୃତ ଯୁବକଙ୍କ ଷ୍ଟାଟସ୍ ଭାଇରାଲ୍ ହେଉଥିବାରୁ ଏହା ଏକ ପ୍ରେମ ଜନିତ ଆତ୍ମହତ୍ୟା ଘଟଣା ବୋଲି ସନ୍ଦେହ କରାଯାଉଛି ।