ପୂର୍ବତନ ବିଧାୟକଙ୍କୁ ଆଜୀବନ ଜେଲ: ହତ୍ୟା ମାମଲାରେ ନାରାୟଣ ରେଡ୍ଡୀଙ୍କୁ ଦଣ୍ଡାଦେଶ
କନକ ବ୍ୟୁରୋ: ପୂର୍ବତନ ଛତ୍ରପୁର ବିଧାୟକ ନାରାୟଣ ରେଡ୍ଡୀଙ୍କୁ ଆଜୀବନ କାରାଦଣ୍ଡ । ୨୫ ବର୍ଷ ତଳର ଏକ ମାମଲାର ଶୁଣାଣି କରି ବ୍ରହ୍ମପୁର ଜିଲ୍ଲା ଦୌରା ଜଜ୍ ନାରାୟଣ ରେଡ୍ଡୀଙ୍କ ସମେତ ୧୩ଜଣଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି । ୧୯୯୮ ମସିହାରେ ଟାଟା ଜମି ଅଧିଗ୍ରହଣବେଳେ ସ୍ଥାନୀୟ ଲୋକେ ଓ ପୋଲିସ କର୍ମଚାରୀଙ୍କ ଭିତରେ ସଂଘର୍ଷ ହୋଇଥିଲା । ଆଉ ଏଥିରେ ତକ୍ରାଳୀନ ରିଜର୍ଭ ଇନସ୍ପେକ୍ଟର ବିନୟ ମେହେରଙ୍କ ହତ୍ୟା କରାଯାଇଥିଲା । ଏହି ହତ୍ୟା ଘଟଣାରେ ନାରାୟଣ ରେଡ୍ଡୀ ଓ ଅନ୍ୟମାନଙ୍କୁ ଦୋଷୀ ସାବ୍ୟସ୍ତ କରି ଆଜୀବନ ଦଣ୍ଡାଦେଶ ଶୁଣାଇଛନ୍ତି କୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ସିପିଆଇ ନେତା ତଥା ଛତ୍ରପୁରର ପୂର୍ବତନ ବିଧାୟକ ନାରାୟଣ ରେଡ୍ଡୀଙ୍କୁ ଏକ ହତ୍ୟା ମାମଲାର ଆଜୀବନ ଜେଲ ଦଣ୍ଡାଦେଶ ହୋଇଛି । ୧୯୯୮ ମସିହାରେ ପୁଲିସ ଆରଆଇ ହତ୍ୟା ମାମଲାର ଶୁଣାଣି କରି ବ୍ରହ୍ମପୁର ଜିଲ୍ଲା ଦୌରାଜଜ-୩ ଏହି ରାୟ ଶୁଣାଇଛନ୍ତି । ନାରାୟଣ ରେଡ୍ଡୀଙ୍କ ସହ ଅନ୍ୟ ୧୩ ଜଣଙ୍କୁ ଆଜୀବନ ଜେଲ ଦଣ୍ଡାଦେଶ ଦେଇଛନ୍ତି କୋର୍ଟ । ତଥ୍ୟ ପ୍ରମାଣ ଓ ସାକ୍ଷୀଙ୍କ ଆଧାରରେ କୋର୍ଟ ଏହି ରାୟ ଶୁଣାଇଛନ୍ତି । ଶୁଣାଣିବେଳେ କୋର୍ଟରେ ନାରାୟଣ ରେଡ୍ଡୀ ଓ ଅନ୍ୟମାନେ କୋର୍ଟରେ ଉପସ୍ଥିତ ଥିଲେ । ନିଜ ପ୍ରତିକ୍ରିୟାରେ ନାରାୟଣ ରେଡ୍ଡୀ କହିଛନ୍ତି, ମାମାଲାରେ ତାଙ୍କୁ ଫସାଯାଇଛି ଓ ସେ ରାୟକୁ ଚ୍ୟାଲେଞ୍ଜ କରି ଉପର କୋର୍ଟକୁ ଯିବେ ।
୧୯୯୬ ମସିହାରେ ଛତ୍ରପୁର ଉପକଣ୍ଠ ଚମାଖଣ୍ଡି ଥାନା ଅଂଚଳରେ ଟାଟା ଷ୍ଟିଲ ପ୍ରକଳ୍ପ ପାଇଁ ଉଦ୍ୟମ ହୋଇଥିଲା । ଆଉ ପ୍ରକଳ୍ପ ବିରୋଧୀ ଆନ୍ଦୋଳନରେ ପ୍ରମୁଖ ଭୂମିକା ନେଇଥିଲେ ନାରାୟଣ ରେଡ୍ଡୀ । ପ୍ରକଳ୍ପକୁ ଜୋରଦାର ବିରୋଧ ହୋଇଥିଲା ।
ଜୁଲାଇ ୧୮, ୧୯୯୮
ଟାଟା ପ୍ରକଳ୍ପ ଜମି ଅଧିଗ୍ରହଣ ସମୟରେ ତୁମୁଳକାଣ୍ଡ
ଏହିଦିନ ଗଞ୍ଜାମ ଜିଲ୍ଲୀ ସିନ୍ଧିଗାଁରେ ଟାଟା ପାଇଁ ଜମି ଅଧିଗ୍ରହଣ ବେଳେ ଗଣ୍ଡଗୋଳ ହୋଇଥିଲା ।
ପୋଲିସ-ଜନତା ମଧ୍ୟରେ ସଂଘର୍ଷ ହୋଇଥିଲା
ଜିଲ୍ଲାପାଳ ଓ ଏସପିଙ୍କ ସିକ୍ୟୁରିଟି ଅଧିକାରୀଙ୍କୁ ହତ୍ୟା ଉଦ୍ୟମ ହୋଇଥିଲା
ସଂଘର୍ଷ ବେଳେ ବୋମାମାଡରେ ତକ୍ରାଳୀନ ରିଜର୍ଭ ଇନସ୍ପେକ୍ଟର ବିନୟ ମେହେରଙ୍କ ମୃତ୍ୟୁ ହୋଇଥିଲା
ଘଟଣାରେ ନାରାୟଣ ରେଡ୍ଡୀଙ୍କ ସହ ୨୨ ଜଣଙ୍କ ନାଁରେ ମାମଲା ରୁଜୁ ହୋଇଥିଲା
ବର୍ତମାନ ମୁଖ୍ୟ ଅଭିଯୁକ୍ତଙ୍କ ସହ ୮ ଜଣଙ୍କ ମୃତ୍ୟୁ ହୋଇସାରିଛି ।
ଆଉ ଘଟଣାର ୨୫ ବର୍ଷ ପରେ ମାମଲାର ବିଚାର କରି ନାରାୟଣ ରେଡ୍ଡୀ ଓ ଅନ୍ୟମାନଙ୍କୁ ଆଜୀବନ କାରାଦଣ୍ଡ ଆଦେଶ ଦେଇଛନ୍ତି କୋର୍ଟ ।
କୋର୍ଟଙ୍କ ଆଦେଶ ପରେ ନାରାୟଣ ରେଡ୍ଡୀଙ୍କ ସମେତ ଅନ୍ୟ ଦୋଷୀଙ୍କୁ ଜେଲ ପଠାଇଦିଆଯାଇଛି । ୨୦୦୪ରେ ନାରାୟଣ ରେଡ୍ଡୀ ସିପିଆଇ ଟିକେଟରେ ବିଧାନସଭାକୁ ବି ନିର୍ବାଚିତ ହୋଇଥିଲେ ।