କେନ୍ଦ୍ର ସରକାରଙ୍କ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ! ଦେଶର ସମସ୍ତ ଜିଲ୍ଲା ହସ୍ପିଟାଲରେ ସ୍ଥାପନ ହେବ ସ୍ବତନ୍ତ୍ର ବର୍ଣ୍ଣ ୱାର୍ଡ
କନକ ବ୍ୟୁରୋ : ଦେଶର ସମସ୍ତ ଜିଲ୍ଲାର ହସପିଟାଲମାନଙ୍କରେ ସ୍ବତନ୍ତ୍ର ଏକ୍ସଟେନସିଭ୍ କେୟାର ୟୁନିଟ୍ ଅନ୍ତର୍ଗତ ବର୍ଣ୍ଣୱାର୍ଡ ସ୍ଥାପନ କରାଯିବ। ଏନେଇ କେନ୍ଦ୍ର ସରକାରଙ୍କ ଦ୍ବାରା ଗୁରୁତ୍ବପର୍ଣ୍ଣ ନିଷ୍ପତ୍ତି ନିଆଯାଇଛି। ନ୍ୟାସନାଲ ହେଲଥ ମିଶନ କାର୍ଯ୍ୟକ୍ରମ ଅନ୍ତର୍ଗତ ଜିଲ୍ଲା ହସପିଟାଲ ମାନଙ୍କରେ ସ୍ବତନ୍ତ୍ର ବର୍ଣ୍ଣ ୱାର୍ଡ ପ୍ରତିଷ୍ଠା କରାଯାଇ ଚିକିତ୍ସାର ବ୍ୟବସ୍ଥା କରାଯିବ। ସ୍ବତନ୍ତ୍ର ବର୍ଣ୍ଣୱାର୍ଡରେ ଅତ୍ୟାଧୁନିକ ଚିକିତ୍ସା ଉପକରଣ ସହ ଅଭିଜ୍ଞ ଚିକିତ୍ସକ ମାନଙ୍କୁ ମଧ୍ୟ ନିୟୋଜିତ କରାଯିବ।
Kanak News is now on WhatsApp
Join and get latest news updates delivered to you via WhatsApp
ଦେଶରେ ବର୍ତ୍ତମାନ ଅନେକ ଜିଲ୍ଲା ହସପିଟାଲ ମାନଙ୍କରେ ବର୍ଣ୍ଣୱାର୍ଡ ନଥିବା ଯୋଗୁଁ ପୋଡ଼ିଯାଇଥିବା ମାମଲାରେ ଡାକ୍ତରମାନଙ୍କ ଦ୍ବାରା ରାଜ୍ୟ ସ୍ତରୀୟ ହସପିଟାଲ ନଚେତ୍ ସ୍ବତନ୍ତ୍ର ବର୍ଣ୍ଣୱାର୍ଡ ଥିବା ପ୍ରତିଷ୍ଠିତ ହସପିଟାଲ ମାନଙ୍କୁ ରେଫର କରାଯାଇଥାଏ। ହେଲେ ଚିକିତ୍ସା ଅତ୍ୟନ୍ତ ମହଙ୍ଗା ହୋଇଥିବାରୁ ତଥା ଗରିବ ଓ ସାଧାରଣ ବର୍ଗ ଲୋକମାନଙ୍କ ପାଇଁ ଏହା ପ୍ରତିବନ୍ଧକ ସାଜିଥିବାରୁ ସରକାରଙ୍କ ଦ୍ବାରା ଜିଲ୍ଲା ହସପିଟାଲ ମାନଙ୍କରେ ଏହାକୁ କିପରି ଉପଲବ୍ଧ କରାଯିବ ସେନେଇ ନିଷ୍ପତ୍ତି ନିଆଯାଇଛି। କେନ୍ଦ୍ର ସରକାରଙ୍କ ଦ୍ବାରା ନ୍ୟାସନାଲ ହେଲଥ ମିଶନ ଯୋଜନା ଅନ୍ତର୍ଗତ ରାଜ୍ୟ ମାନଙ୍କୁ ସ୍ବତନ୍ତ୍ର ବର୍ଣ୍ଣୱାର୍ଡ ସ୍ଥାପନ କରିବା ପାଇଁ ଆବଶ୍ୟକୀୟ ପାଣ୍ଠିର ବ୍ୟବସ୍ଥା କରାଯିବ, ଯାହାଦ୍ବାରା ରାଜ୍ୟ ମାନଙ୍କ ଦ୍ବାରା ଜିଲ୍ଲା ହସପିଟାଲରେ ସ୍ବତନ୍ତ୍ର ବର୍ଣ୍ଣୱାର୍ଡ ଖୋଲାଯାଇ ପାରିବ।