ପୋଲିସର ଅପରେସନ କ୍ଲିନ ଅଭିଯାନ ! ଏନକାଉଣ୍ଟରରେ ଦୁର୍ଦ୍ଦାନ୍ତ ଅପରାଧୀ କିଶନ ପାତ୍ର ଗୁରୁତର, କମିଶନରେଟ୍ ପୋଲିସ ଗୁଳିରେ କୁଖ୍ୟାତ ଅପରାଧୀ କାଳନ୍ଦି ଆହତ
କନକ ବ୍ୟୁରୋ : ପୁଣି ଗର୍ଜିଲା ବନ୍ଧୁକ । ପୋଲିସର ଅପରେସନ କ୍ଲିନ ଅଭିଯାନରେ ଆଉ ଏକ ଏନକାଉଣ୍ଟର । ଗଞ୍ଜାମ ଜିଲ୍ଲା ଆସିକା ଚାରମାଇଲ୍ ଛକରେ ଏନକାଉଣ୍ଟର । ଆସିକା ପୁଲିସର ଏନକାଉଣ୍ଟରରେ ଦୁର୍ଦାନ୍ତ ଅପରାଧୀ କିଶନ ପାତ୍ର ଗୁରୁତର ହୋଇଛନ୍ତିି । କିଶନର ବାମ ଗୋଡରେ ଗୁଳି ବାଜିଛି । ଗୁରୁତର ଅବସ୍ଥାରେ କିଶନକୁ ମେଡିକାଲରେ ଭର୍ତି କରାଯାଇଛି । ତାଙ୍କ ନିକଟରୁ ଗୋଟିଏ ମାଉଜର ଓ ୨ଟି ଜୀବନ୍ତ ଗୁଳି ଜବତ କରିଛି ଆସିକା ପୋଲିସ୍ । କିଶନ ନାଁରେ ବିଭିନ୍ନ ଥାନାରେ ଏକାଧିକ ମାମଲା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ପୂଜା ପୂର୍ବରୁ ଅପରାଧୀଙ୍କୁ ସାବାଡ କରିବା ପାଇଁ କମିଶନରେଟ ପୋଲିସ ମଧ୍ୟ ଏନକାଉଣ୍ଟର ଅଭିଯାନ ଆରମ୍ଭ କରିଛି । ଆଉ ଏହାର ଝଲକ ପ୍ରତି ଦୁଇ ତିନ ଦିନ ଅନ୍ତରାଳରେ କଟକରେ ଦେଖିବାକୁ ମିଳୁଛି ।ଗତକାଲି ପୂଜା ପୂର୍ବରୁ କଟକରେ ଆଉ ଏକ ଏନକାଉଣ୍ଟର କରିଛି କମିଶନରେଟ୍ ପୋଲିସ୍ । ଦୁର୍ଦାନ୍ତ ଅପରାଧୀ କାଳନ୍ଦୀ ଖୁଂଟିଆକୁ ଗୁଳି କରିଛି କମିଶନରେଟ୍ ପୋଲିସ । କାଳନ୍ଦୀର ଗୋଡରେ ଗୁଳି ବାଜିଛି । ଚିକିତ୍ସା ପାଇଁ ତାକୁ ଏସ୍ସିବି ବଡ ମେଡିକାଲରେ ଭର୍ତି କରାଯାଇଛି । କାଳନ୍ଦୀକୁ ଧରିବା ପାଇଁ ଅନେକ ଦିନ ହେଲାଣି ପୋଲିସ ଜାଲ ବିଛାଇ ବସିଥିଲା । ଖାନନଗର ଅଂଚଳରେ ପୋଲିସର ସ୍ପେଶାଲ୍ ସ୍କ୍ୱାର୍ଡ ସୋମବାର ରାତିରେ କାଳନ୍ଦୀଙ୍କୁ ଟାର୍ଗେଟ୍ କରିଥିଲା ।
କିଛି ଦିନ ତଳେ ବାଦାମବାଡିରେ ହୋଇଥିବା ବୋମାମାଡରେ ତାର ସଂପୃକ୍ତି ଥିବା ପୋଲିସ କହିଛି । ଏଥିସହ ଅନେକ ହତ୍ୟା ଓ ଦାଦାବଟି ଆଦାୟ ଭଳି ଗୁରୁତର ଅଭିଯୋଗ ରହିଛି କାଳନ୍ଦୀ ନାଁରେ । ତେବେ ଏନକାଉଣ୍ଟର ବେଳେ ବାଦାମବାଡି ଆଇଆଇସି ବିରଂଚି ପତି ମଧ୍ୟ ସାମାନ୍ୟ ଆହତ ହୋଇଛନ୍ତି । କାଳନ୍ଦୀଙ୍କୁ ଧରିବା ବେଳେ ଧସ୍ତାଧସ୍ତିରେ ସେ ଆହତ ହୋଇଛନ୍ତି ।