କନକ ବ୍ୟୁରୋ : ଏଲନ ମସ୍କ ଟ୍ୱିଟରର ମାଲିକ ହେବା ପରେ ହିଂସା ଉସୁକାଇବା ପାଇଁ ବ୍ୟାନ ହୋଇଥିବା ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଆକାଉଣ୍ଟ ପୁଣି ସକ୍ରିୟ ହୋଇଯାଇଛି । ଆକାଉଣ୍ଟ ସକ୍ରିୟ ହେବା ପରେ ଖୁସି ବ୍ୟକ୍ତ କରିବା ସହ ମସ୍କଙ୍କୁ ଧନ୍ୟବାଦ ଜଣାଇଛନ୍ତି ଟ୍ରମ୍ପ । ସମସ୍ତ ବିରୋଧୀ ଏବଂ ପରାଜିତମାନେ ତାଙ୍କୁ ମନେପକାଇବେ ବୋଲି ଟୁଇଟ୍ କରି କହିଛନ୍ତି ଟ୍ରମ୍ପ । ଆଉ ଟ୍ରମ୍ପଙ୍କ ଆକଉଂଟର ବ୍ୟାନ ହଟିବା ପରେ ବଲିଉଡ ଅଭିନେତ୍ରୀ କଙ୍ଗନା ରଣାୱତଙ୍କ ରଦ୍ଦ ଆକାଉଂଟ ପୁଣି ଥରେ ସକ୍ରିୟ ହେବ ବୋଲି କୁହାଯାଉଛି । ଟ୍ୱିଟରର ମାଲିକ ପରିବର୍ତ୍ତନ ହେବା ପରେ ଟ୍ୱିଟରର ପୁରୁଣା ଟିମ୍ ଉପରେ ବର୍ଷିଥିଲେ ଡୋନାଲ୍ଡ ଟ୍ରମ୍ପ । ଉଗ୍ର, ପାଗଳ ବାମପନ୍ଥୀଙ୍କ ହାତରେ ଥିବା ଟ୍ୱିଟରର ଏବେ ସୁସ୍ଥ ଏବଂ ସ୍ଥିର ହାତରେ ଥିବା କହିଥିଲେ ଟ୍ରମ୍ପ । ଆଉ ଏହାର କିଛି ସମୟ ପରେ ଟମ୍ପଙ୍କ ଆକାଉଂଟ ସକ୍ରିୟ ହୋଇଯାଇଛି ।
Kanak News is now on WhatsApp
Join and get latest news updates delivered to you via WhatsApp
ବହୁ ବାଦ ବିବାଦ ପରେ ଶେଷରେ ବିଶ୍ୱର ସବୁଠୁ ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ କିଣିଛନ୍ତି ବିଶ୍ୱର ସବୁଠୁ ଧନୀ ଏଲନ ମସ୍କ । ପୂର୍ବରୁ ଟ୍ୱିଟରରେ ପରିବର୍ତ୍ତନ କରିବାକୁ ଇସାରା ଦେଇଥିବା ମସ୍କ । ହେଲେ ଟ୍ୱିଟରରେ କ’ଣ ପରିବର୍ତନ କରୁଛନ୍ତି ତାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି ।
କ’ଣ ହେବ ପରିବର୍ତ୍ତନ ?
-ଟ୍ୱିଟରରେ ଏବେ ସର୍ବାଧିକ ୨୮୦ ଶବ୍ଦରେ ଟ୍ୱିଟ କରିବା ଧାର୍ଯ୍ୟ କରାଯାଇଥିବା ବେଳେ ଏଥିରେ ଅଧିକ ଶବ୍ଦର ବ୍ୟବହାର ପାଇଁ ଅନୁମତି ମିଳିପାରେ
-ଘୃଣା ଏବଂ ଉତେଜିତ ଭାଷଣ ପାଇଁ ବ୍ୟାନ ହୋଇଥିବା ଟ୍ୱିଟର ଆକାଉଂଟ ବ୍ୟବହାର କରିବାକୁ ପୁଣି ଅନୁମତି ଦିଆଯାଇପାରେ
-ମେସେଜିଙ୍ଗ୍ ଆପ୍ ଉଇ ଚାଟ୍ ଭଳି ଟ୍ୱିଟରରେ ବିଶେଷକରି ଭିଡିଓ କ୍ଷେତ୍ରରେ ପରିବର୍ତନ ହେବାର ସମ୍ଭାବନା ରହିଛି
-ଫଲୋଅର୍ସକୁ ନେଇ ସବୁବେଳେ ବିବାଦୀୟ ରହିଆସିଥିବା ଟ୍ୱିଟରରେ ହଟାଯାଇପାରେ ଫେକ୍ ଆକାଉଂଟ
ଟ୍ରମ୍ପଙ୍କ ଆକାଉଂଟ ଫେରିବା ପରେ ୨୦୨୧ରେ ପଶ୍ଚିମବଙ୍ଗ ଦଙ୍ଗାକୁ ପ୍ରୋତ୍ସାହିତ କରିବା ଅଭିଯୋଗରେ ବ୍ୟାନ ହୋଇଥିବା କଙ୍ଗନାଙ୍କ ଆକାଉଂଟ ମଧ୍ୟ ଖୋଲିପାରେ ବୋଲି କୁହାଯାଉଛି ।