କନକ ବ୍ୟୁରୋ : କିଛି ପିଲା ମାନସିକ ଭାବେ ଏତେ ତୀବ୍ର ଯେ ଖେଳକୁଦ ବୟସରେ ବି ସେମାନଙ୍କୁ ବଡ ବଡ କମ୍ପାନୀମାନେ ଚାକିରି ଅଫର ଦେଇଥାନ୍ତି । ଆଗରୁ ମଧ୍ୟ ଏଭଳି ଅନେକ ପିଲାଙ୍କ କ୍ଷେତ୍ରରେ ଦେଖିବାକୁ ମିଳିଛି । ଏସବୁ ଦେଖିବା ପରେ ସେହି ଯେଉଁ କଥା ଅନେକ ପିଲା କହନ୍ତି କି ବଡ ହେବା ପରେ କିଛି ବଡ କରିବି ତାହା ଭୂଲ ପ୍ରମାଣିତ ହୋଇଛି । ଏବେ କୈରନ କାଜି ନାମକ ଏକ ୧୪ବର୍ଷର ବାଳକକୁ ଏଲନମସ୍କ ତାଙ୍କ ସ୍ପସେକ୍ସ କମ୍ପାନୀରେ ଚାକିରି କରିବାକୁ ଅଫର ଦେଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କୈରନ କାଜି ଏକ ଏଭଳି ପ୍ରତିଭାଶାଳୀ ପିଲା ଯାହାଙ୍କର ଟ୍ୟାଲେଣ୍ଟ ଦେଖି ଏବେ ଏଲନ ମସ୍କ ତାଙ୍କୁ ସ୍ପସେକ୍ସରେ ଚାକିରି ଅଫର କରିଛନ୍ତି । ସ୍ପସେକ୍ସ ତରଫରୁ କୈରନ କାଜିଙ୍କୁ ସଫ୍ଟୱେୟର ଇଂଜିନିୟର ପଦରେ ଚାକିରି କରିବାକୁ ଅଫର ଦିଆଯାଇଛି । ଏହି ପଦରେ କୈରନ ଖୁବଶୀଘ୍ର ଯୋଗଦେବେ ବୋଲି କୁହାଯାଉଛି । ସବୁଠାରୁ ଆଶ୍ଚର୍ଯ୍ୟର କଥା କି କୈରନ ଏବେ ମାତ୍ର ୧୪ ବର୍ଷରେ ପାଦ ଥାପିଛନ୍ତି । ଏହି ବୟସରେ ଅଧିକାଂଶ ପିଲା ଖେଳକୁଦ ଭଳି ଗତିବିଧି ଉପରେ ଅଧିକ ଫୋକସ କରିଥାନ୍ତି । ହେଲେ କୈରନ ଛୋଟବେଳୁ ମଧ୍ୟ କିଛି କରିବାର ସ୍ୱପ୍ନ ଦେଖୁଥିଲେ । ହେଲେ ଏବେ ବିଶ୍ୱର ସବୁଠାରୁ ଧନୀବ୍ୟକ୍ତି ଏଲନମସ୍କଙ୍କ ତରଫରୁ ଚାକିରି ଅଫର ଆସିବା ପରେ କୈରନ ଖୁସିବ୍ୟକ୍ତ କରିଛନ୍ତି ।
କୈରନଙ୍କୁ ଲିଙ୍କଡଇନ ମାଧ୍ୟମରେ ସ୍ପସେକ୍ସ ତରଫରୁ ଚାକିରି ଅଫର କରାଯାଇଛି । ଏହି ଅଫର ପାଇବା ପରେ କୈରନ କହିଛନ୍ତି କି, ସେ ଷ୍ଟାରଲିଙ୍କର ଇଂଜିନିୟରିଂ ଟିମରେ ଜଣେ ସପ୍ଟୱେୟାର ଇଂଜିନିୟର ଭାବେ ଯୋଗ ଦେବାକୁ ଯାଉଛନ୍ତି । କହିରଖୁ କି କୈରନ ଖୁବଶୀଘ୍ର ସାନ୍ତା କ୍ଲାରା ବିଶ୍ୱବିଦ୍ୟାଳୟର ଇଂଜିନିୟରିଂ ସ୍କୁଲରୁ ଗ୍ରାଜୁଏସନ ସାରିବାକୁ ଯାଉଛନ୍ତି । କହିରଖୁ କି ଏତେ କମ୍ ବୟସରେ ଏଭଳି ସଫଳତା ହାସଲ କରିବାରେ କୈରନ ପ୍ରଥମ ପିଲା ।