ବାରବାଟୀ ମ୍ୟାଚରେ ନକଲି ଟିକେଟ । ସୋସିଆଲ ମିଡିଆରେ ଭାଇରାଲ ହେଲା ଫଟୋ, ଜଣଙ୍କୁ ଗିରଫ କରିଛି ପୋଲିସ ।
କନକ ବ୍ୟୁରୋ : ବାରବାଟୀ ମ୍ୟାଚ ପାଇଁ ବଜାରରେ ବୁଲିଲା ଡୁପ୍ଲିକେଟ୍ ଟିକେଟ । ଅସଲିରେ ହୋଲୋଗ୍ରାମ ଥିବାବେଳେ ନକଲିରେ ନାହିଁ ହୋଲୋଗ୍ରାମ ଚିହ୍ନ । ବାରବାଟୀ ମ୍ୟାଚ ପାଇଁ ନକଲି ଟିକେଟ ବିକ୍ରି ହୋଇଥିବା ଖବର ସୋସିଆଲ ମିଡିଆରେ ଭାଇରାଲ ହେଉଛି । ସୋସିଆଲ ମିଡିଆରେ ଦୁଇଟି ଟିକେଟ ଭାଇରାଲ ହେଉଛି । ଗୋଟିଏକୁ ଅସଲି ଟିକେଟ କୁହାଯାଉଥିବା ବେଳେ ଅନ୍ୟଟିକୁ ନକଲି କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗୋଟିଏ ଟିକେଟରେ ହୋଲୋଗ୍ରାମ ଥିବାବେଳେ ଅନ୍ୟଟିରେ ହୋଲୋଗ୍ରାମ ନାହିଁ । ଆଉ ହୋଲୋଗ୍ରାମ ନଥିବା ଟିକେଟଟି ନକଲି ଟିକେଟ ବୋଲି କୁହାଯାଉଛି । ଏପରିକି ଏହି ଡୁପ୍ଲିକେଟ୍ ଟିକେଟ ଧାରୀଙ୍କୁ ପୋଲିସ ଷ୍ଟାଡିୟମକୁ ପ୍ରବେଶ ଅନୁମତି ଦେଇନଥିବା ଜଣାପଡିଛି । ଏହାକୁ ନେଇ ଫ୍ୟାନଙ୍କ ଭିତରେ ଅସନ୍ତୋଷ ସୃଷ୍ଟି ହୋଇଛି । ଏହା ସହିତ ଏହି ମାମଲାରେ ମଧ୍ୟ ଜଣଙ୍କୁ ଗିରଫ କରାଯାଇଥିବା ଜଣାପଡିଛି । ଗୋଟିଏ ପଟେ ଟିକେଟ କଳାବଜାରୀ ନେଇ ଖବର ସାମ୍ନାକୁ ଆସୁଥିବା ବେଳେ ଏବେ ନକଲି ଟିକେଟ ଦେଇ କ୍ରିକେଟପ୍ରେମୀଙ୍କୁ ଭୁଆଁ ବୁଲାଯାଇଥିବା ଅଭିଯୋଗ ସାମ୍ନାକୁ ଆସିଛି ।