କନକ ବ୍ୟୁରୋ: ପୁଣି ମହାରାଷ୍ଟ୍ରର ମଙ୍ଗ ଧରିପାରେ ବିଜେପି । ଆଉ ପୁର୍ନବାର ଦେବେନ୍ଦ୍ର ଫଡନଭିସଙ୍କ ଦବଦବା ବଜାୟ ରହିପାରେ ବୋଲି ପ୍ରାଥମିକ ଟ୍ରେଣ୍ଡରୁ ଜଣାପଡୁଛି । ୨୮୮ଟି ବିଧାନସଭା ଆସନ ପାଇଁ ଭୋଟ୍ ଗଣତି ଚାଲିଥିବାବେଳେ ବର୍ତ୍ତମାନ ସୁଦ୍ଧା ବିଜେପି-ଶିବସେନା ମେଣ୍ଟ ଦଳ ଆଗୁଆ ଥିବାବେଳେ କଂଗ୍ରେସ ଓ ଏନସିପି ଗଠବନ୍ଧନ ପଛରେ ପଡ଼ିଥିବା ପ୍ରାଥମିକ ଟ୍ରେଣ୍ଡରୁ ଜଣାପଡୁଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼କଥା ହେଲା, ବିଜେପି ପାଇଁ ୨୦୧୪ ୧୩ତମ ବିଧାନସଭା ନିର୍ବାଚନରେ ପ୍ରଥମଥର ପାଇଁ ସରକାର ଗଢ଼ିବାକୁ ସାଥ୍ ଦେଇଥିବା ଦେବେନ୍ଦ୍ର ପୁଣିଥରେ ମହାରାଷ୍ଟ୍ରର ମଙ୍ଗ ଧରିପାରନ୍ତି । ଆଉ ସେଥିପାଇଁ ତ ନିର୍ବାଚନର ଠିକ୍ କେଇ ମାସ ପୁର୍ବରୁ ବିଜେପିର ପୁରୁଣା ସାଥି ଶିବସେନା ଶକ୍ତି ଦେବାକୁ ଘୋଷଣା କରିଥିଲା । ଏପରିକି କଂଗ୍ରେସ ସହ ଆଞ୍ଚଳିକ ଦଳ ଏନସିପିର ଗଠବନ୍ଧନକୁ ଦେଖି ବିଜେପି ଚାଣକ୍ୟ ଅମିତ ଶାହା ଏବଂ ଶିବସେନା ମୁଖ୍ୟ ଉଦ୍ଧବ ଠାକରେଙ୍କୁ ବୁଝାସୁଝା କରି ପୁଣି ହାତ ମିଳାଇବାକୁ ଅନୁରୋଧ କରିଥିଲେ । ଯାହାର ପ୍ରତିଫଳନ ଏବେ ଦେଖିବାକୁ ମିଳୁଛି ।
ସେପଟେ ମୋଦି ସରକାର ଜାମ୍ମୁକାଶ୍ମୀରରୁ ଧାରା ୩୭୦ ଉଛେଦ ପରେ ପରେ ମହାରାଷ୍ଟ୍ର ପରୀକ୍ଷା ଫଳ ମୋଦିଙ୍କ ପାଇଁ ବଡ଼ ପରୀକ୍ଷା ବୋଲି ଜାତୀୟ ରାଜନୀତିରେ ଚର୍ଚ୍ଚା ହେଉଛି । ତେବେ ମହାରାଷ୍ଟ୍ରର ଭୋଟର ମୋଦିଙ୍କ ଏହି ପଦକ୍ଷେପ ସପକ୍ଷରେ କେତେ ପରିମାଣରେ ଭୋଟ ଦେଇଛନ୍ତି ତାହା ସ୍ପଷ୍ଟ ହେବ । ସେହିପରି ମୋଦି ସରକାର ଦ୍ୱିତୀୟ ଥର ପାଇଁ ସରକାର ଗଠନ କରିବା ହେବ ବଡ ପରୀକ୍ଷା । ତେଣୁ ଏହି ରେଜଲ୍ଟରୁ ଭୋଟରଙ୍କ ମୁଡ ଜଣାପଡିବ ।
ଅନ୍ୟପଟେ ସାଧାରଣ ନିର୍ବାଚନରେ ବିପର୍ଯ୍ୟୟର ସମ୍ମୁଖୀନ ହୋଇଥିବା କଂଗ୍ରେସ ପାଇଁ ଏହି ନିର୍ବାଚନର ସମ୍ମାନର ପ୍ରଶ୍ନ । ଦେଶରେ ଆର୍ଥିକ ମାନ୍ଦାବସ୍ଥା, ଦରଦାମ ବୃଦ୍ଧି, ବେକାରୀ ସମସ୍ୟା କଂଗ୍ରେସକୁ କେତେ ଫାଇଦା ଉଠାଇବାରେ ହୁଏତ ପୁଣି କଂଗ୍ରେସ ମାଟିକାମୁଡ଼ି ପାରେ ବୋଲି ପ୍ରାଥମିକ ଟ୍ରେଣ୍ଡରୁ ଜଣାପଡୁଛି । ହେଲେ ଏଗଜିଟ୍ ପୋଲ୍ ସର୍ଭେରେ ଯେଉଁଭଳି ବିଜେପି-ଶିବସେନା ମେଂଟ ମହାନାୟକ ସାଜିଥିଲେ ଠିକ୍ ସେହି ଅଙ୍କ ବର୍ତ୍ତମାନ ଭୋଟ୍ ଗଣତିବେଳେ ଦେଖିବାକୁ ବିଳୁଛି । ଆଉ ଏକକ ସଂଖ୍ୟାଗରିଷ୍ଠତା ହାସଲ କରି ବିଜେପି ଦ୍ୱିତୀୟଥର ପାଇଁ ମହାରାଷ୍ଟ୍ରରେ ସରକାର ଗଢ଼ିବେ ବୋଲି କୁହାଯାଉଛି ।