କନକ ବ୍ୟୁରୋ : ଦିଲ୍ଲୀ ଅବକାରୀ ନୀତି ସହିତ ଜଡିତ ଅର୍ଥ ହେରଫେର ମାମଲାରେ ଆପର ରାଜ୍ୟସଭା ସାଂସଦ ସଂଜୟ ସିଂ କୋର୍ଟ ତରଫରୁ ଅକ୍ଟୋବର ୨୭ ତାରିଖ ପର୍ଯ୍ୟନ୍ତ ନ୍ୟାୟିକ ହେପାଜତକୁ ପଠାଇ ଦେଇଛନ୍ତି । କୋର୍ଟରେ ଶୁଣାଣି ବେଳେ ସଂଜୟ ସିଂ ମଧୁମେହ ରୋଗୀ ହୋଇଥିବା କାରଣରୁ ଔଷଧ ପାଇଁ ଭିନ୍ନ ଭାବେ ଏକ ଆପ୍ଲିକେଶନ ଫାଇଲ କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
କୋର୍ଟ ତରଫରୁ ଅକ୍ଟୋବର ୧୦ ତାରିଖରେ ସମାନ ମାମଲାରେ ଗିରଫ ହୋଇଥିବା ସଂଜୟ ସିଂଙ୍କୁ ଅକ୍ଟୋବର ୧୩ ତାରିଖ ପର୍ଯ୍ୟନ୍ତ ଇଡି ହେପାଜତକୁ ପଠାଇ ଦେଇଥିଲେ । ହେପାଜତ ଅବଧୀ ସମାପ୍ତ ହେବା ପରେ ତାଙ୍କୁ ଆଜି ପୁଣି କୋର୍ଟରେ ହାଜର କରାଯାଇଥିଲା । ଇଡି ଅଭିଯୋଗ କରିଛି କି, ଦିଲ୍ଲୀ ଅବକାରୀ ନୀତିରେ ଅନିୟମିତତା କରାଯାଇଛି ।
ସେପଟେ ଏହି ମାମଲାକୁ ନେଇ ସଂଜୟ ସିଂ ଦିଲ୍ଲୀ ହାଇକୋର୍ଟରେ ଅଭିଯୋଗ କରିଛନ୍ତି । ସଂଜୟ ସିଂଙ୍କ ଓକିଲ ଏହି ମାମଲାର ତୁରନ୍ତ ଶୁଣାଣି କରିବାକୁ ମୁଖ୍ୟ ବିଚାରପତି ଜଷ୍ଟିସ ସତୀଶ ଚନ୍ଦ୍ର ଶର୍ମା ଓ ବିଚାରପତି ଜଷ୍ଟିସ ସଞ୍ଜୀବ ନରୂଲାଙ୍କ ପୀଠରେ ଆବେଦନ କରିଛନ୍ତି । ସେ କୋର୍ଟଙ୍କୁ କହିଛନ୍ତି କି, ଇଡି ଭୂଲ ତରିକାରେ ସଂଜୟ ସିଂଙ୍କୁ ଗିରଫ କରିଛି ।