ଦେଶରେ ନିଅଣ୍ଟିଆ ମୌସୁମୀ ବର୍ଷା । ସାରା ଦେଶରେ କୃଷି କାର୍ଯ୍ୟ ପ୍ରଭାବିତ
କନକ ବ୍ୟୁରୋ: ଚଳିତବର୍ଷ ବତ୍ତର୍ମାନ ସୁଦ୍ଧା ଦେଶରେ ମୌସୁମୀ ବର୍ଷା ନିଅଣ୍ଟିଆ ରହିଛି। ମୁଖ୍ୟତଃ ବର୍ଷାଜଳ ଉପରେ ଚାଷ ନିର୍ଭରଶୀଳ ଚାଷ ବ୍ୟାପକ ଭାବେ ପ୍ରଭାବିତ ହେବା ନେଇ ଆଶଙ୍କା ବ୍ୟକ୍ତ କରାଯାଇଛି। ଆଇଏମଡି ରିପୋର୍ଟ ଅନୁଯାୟୀ , ଦକ୍ଷିଣର ମାତ୍ର ଅଳ୍ପ କିଛି ଅଞ୍ଚଳକୁ ଛାଡ଼ିଦେଲେ ଅନ୍ୟ ସବୁ ଅଞ୍ଚଳରେ ଚଳିତ ଜୁନ୍ ୧ରୁ ସ୍ବାଭାବିକଠାରୁ କମ୍ ବର୍ଷା ହୋଇଛି। କିଛି ଉତ୍ତରପଶ୍ଚିମ ରାଜ୍ୟରେ ଗ୍ରୀଷ୍ମଲହରୀ ଯୋଗୁଁ ଅତି ସାଂଘାତିକ ସ୍ଥିତି ଉପୁଜିଛି।
Kanak News is now on WhatsApp
Join and get latest news updates delivered to you via WhatsApp
ମୌସୁମୀ ବର୍ଷା ସାଧାରଣତଃ ଦକ୍ଷିଣ ଭାରତରେ ପ୍ରାୟ ଜୁନ୍ ୧ରେ ଆରମ୍ଭ ହୁଏ ଏବଂ ଜୁଲାଇ ୮ ସୁଦ୍ଧା ଏହା ଦେଶବ୍ୟାପୀ ପହଞ୍ଚିଥାଏ। ଧାନ, ତୁଳା, ସୋୟାବିନ, ଆଖୁ ଭଳି ଗୁରୁତ୍ବପୂର୍ଣ୍ଣ ଫସଲ ଚାଷ ପାଇଁ ଭାରତକୁ ବର୍ଷାଜଳ ଉପରେ ନିର୍ଭର କରିବାକୁ ପଡ଼େ। ତେଣୁ ନିଅଣ୍ଟିଆ ବର୍ଷାଜଳ ଚାଷ ଉପରେ ବ୍ୟାପକ ପ୍ରଭାବ ପକାଇବ ଏବଂ ଏହାଦ୍ବାରା ଖାଦ୍ୟଶସ୍ୟ ଉତ୍ପାଦନ କମି ଦେଶର ଆର୍ଥିକ ବିକାଶରେ ବାଧା ଉପୁଜାଇପାରେ।