ସ୍ୱାଧୀନତାର ୭୫ ବର୍ଷ ପରେ ପ୍ରଥମଥର ପାଇଁ ଏହି ଗୁରୁତ୍ୱପୂର୍ଣ୍ଣ ପଦରେ ଅବସ୍ଥାପିତ ହେଲେ ଜଣେ ମହିଳା , ଜାଣନ୍ତୁ କେଉଁ ମହିଳାଙ୍କୁ ମିଳିଲା ଏଭଳି ପଦବୀ
କନକ ବ୍ୟୁରୋ : ଦେଶର ବରିଷ୍ଠ ବୈଜ୍ଞାନିକ ନଲ୍ଲାଥମ୍ବୀ କଲାଇସେଲବୀଙ୍କ ବୈଜ୍ଞାନିକ ଏବଂ ଉଦ୍ୟୋଗିକ ଅନୁସନ୍ଧାନ ପରିଷଦ (ସିଏସଆଇଆର) ର ପ୍ରଥମ ମହିଳା ମହାନିର୍ଦ୍ଦେଶକ ପଦରେ ଅବସ୍ଥାପିତ କରାଯାଇଛି । ସୂଚନା ଥାଉକି ସିଏସଆଇଆର ହେଉଛି ସାରା ଦେଶରେ ୩୮ ଟି ଅନୁସନ୍ଧାନ ସଂସ୍ଥାର ଏକ ସଂଘ । କେନ୍ଦ୍ର କର୍ମଚାରୀ ମନ୍ତ୍ରଣାଳୟ ପକ୍ଷରୁ ଶନିବାର ଦିନ ଜାରି କରାଯାଇଥିବା ଏକ ଆଦେଶ ମୁତାବକ ନାଲ୍ଲାଥମ୍ବୀଙ୍କୁ ଶେଖର ମାଣ୍ଡେଙ୍କ ସ୍ଥାନରେ ଅବସ୍ଥାପିତ କରାଯାଇଛି । ଶେଖର ମାଣ୍ଡେ ଏପ୍ରିଲ ମାସରେ ଅବସର ନେଇଥିଲେ । ଏହାପରେ ତାଙ୍କ ସ୍ଥାନରେ ଜୈବପ୍ରଦ୍ୟୋଗିକ ବିଭାଗର ସଚିବ ରାଜେଶ ଗୋଖଲେଙ୍କୁ ଅତିରିକ୍ତ ଦାୟୀତ୍ୱ ଦିଆଯାଇଥିଲା । ସେପଟେ ଲିଥିୟମ ଓ ଆଇରନ ବ୍ୟାଟେରୀ କ୍ଷେତ୍ରରେ ନିଜ କାମକୁ ନେଇ ସୁଖ୍ୟାତି ଅର୍ଜନ କରିଥିବା ନଲ୍ଲାଥମ୍ବୀ ଏହା ପୂର୍ବରୁ ତାମିଲନାଡୁର କରଇକୁଡ୍ଡୀ ଠାରେ ଥିବା ସିଏସଆଇଆର –କେନ୍ଦ୍ରୀୟ ବିଦ୍ୟୁତ୍ ରାଶାୟନିକ ଅନୁସନ୍ଧାନ ସଂସ୍ଥାନର ନିର୍ଦ୍ଦେଶକ ଥିଲେ ।
Kanak News is now on WhatsApp
Join and get latest news updates delivered to you via WhatsApp
କେବଳ ସେତିକି ନୁହେଁ ନଲ୍ଲାଥାମ୍ବୀ ସିଏସଆଇଆରର ମହାନିର୍ଦ୍ଦେଶକ ପଦ ସହ ଔଦ୍ୟୋଗିକ ଅନୁସନ୍ଧାନ ବିଭାଗର ସଚିବ ଭାବେ ମଧ୍ୟ ଦାୟୀତ୍ୱ ତୁଲାଇବେ ବୋଲି କୁହାଯାଇଛି । ତାଙ୍କୁ ୨ ବର୍ଷ ପାଇଁ ଏହି ପଦରେ ନିଯୁକ୍ତି ଦିଆଯାଇଛି ।
ସୂଚନା ଥାଉକି, ନଲ୍ଲାଥମ୍ବୀ ଦୀର୍ଘ ୨୫ ବର୍ଷ ହେବ ଅନୁସନ୍ଧାନ କାର୍ଯ୍ୟରେ ଲିପ୍ତ ରହିଛନ୍ତି । ସେ ବିଦ୍ୟୁତ୍ ରାଶାୟନିକ ଶକ୍ତି ପ୍ରଣାଳୀ ଉପରେ ବିଶେଷ ଭାବେ କାର୍ଯ୍ୟ କରୁଛନ୍ତି । ସେ ଏବେ ଲିଥିୟମ, ଆୟନ, ସଲଫର ବ୍ୟାଟେରୀ ଓ ସୁପରଫସପେଟର ବିକାଶ ଉପରେ କାର୍ଯ୍ୟ ଜାରି ରଖିଛନ୍ତି ।