ବିବାଦରେ କ୍ରାଇମବ୍ରାଂଚ୍ ଡିଜି ବିକେ ଶର୍ମା ! ଡ୍ୟୁଟିରେ ଥାଇ କିଭଳି ନିୟମିତ କରୁଥିଲେ ଲ କ୍ଲାସ୍
କନକ ବ୍ୟୁରୋ : ବିବାଦରେ କ୍ରାଇମବ୍ରାଂଚ ସ୍ପେଶାଲ୍ ଡିଜି ବି.କେ. ଶର୍ମା । ଡ୍ୟୁଟିରେ ଥାଇ ଉତ୍କଳ ବିଶ୍ୱବିଦ୍ୟାଳୟର ଆଇନ କଲେଜରେ ନିୟମିତ କ୍ଲାସ୍ କଲେ କିଭଳି? ଚଂଚକତା କରି ଶ୍ରୀ ଶର୍ମା ୨୦୧୧ରୁ ୨୦୧୪ ଭିତରେ ଆଇନ କ୍ଲାସରେ ୭୫ରୁ ୮୫ ପ୍ରତିଶତ ପର୍ଯ୍ୟନ୍ତ ଉପସ୍ଥିତ ଥିବା ଅଭିଯୋଗ ରହିଛି । ଆରଟିଆଇରୁ ମିଳିଥିବା ଏହି ତଥ୍ୟ ଆଧାରରେ କେନ୍ଦ୍ର ଗୃହ ମନ୍ତ୍ରାଳୟ ବି.କେ.ଶର୍ମାଙ୍କ ବିରୋଧରେ ତଦନ୍ତ କରିବାକୁ ଫେବ୍ରୁଆରୀ ୮ ତାରିଖରେ ରାଜ୍ୟ ଗୃହ ବିଭାଗକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବିକେ ଶର୍ମା ଆଇନରେ ସର୍ବୋଚ୍ଚ ମାର୍କ ରଖି ୨୦୧୩ ମସିହାରେ ଉତ୍କଳ ବିଶ୍ୱବିଦ୍ୟାଳୟର ସମାବର୍ତନ ଉତ୍ସବରେ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କଠାରୁ ସ୍ୱର୍ଣ୍ଣ ପଦକ ପାଇଥିଲେ । ସୂଚନା ଅଧିକାର ଆଇନରେ ମିଳିଥିବା ତଥ୍ୟ ଆଧାରରେ ଶ୍ରୀ ଶର୍ମା ଉପସ୍ଥାନ ନେଇ ଚଂଚକତା କରିଥିବା ଅଭିଯୋଗ ଆଣିଥିଲେ ସୂଚନାଧିକାର କର୍ମୀ ଜୟନ୍ତ ଦାସ । ଏହାପରେ କେନ୍ଦ୍ର ଗୃହ ମନ୍ତ୍ରଣାଳୟ ଏହାର ତଦନ୍ତ ପାଇଁ ରାଜ୍ୟ ଗୃହ ବିଭାଗକୁ ତଦନ୍ତ ନିର୍ଦ୍ଦେଶ ଦେଇଛନ୍ତି ।