କନକ ବ୍ୟୁରୋ : ଆମେରିକା ପରେ ଏବେ ୟୁରୋପରେ ବ୍ୟାଙ୍କିଙ୍ଗ୍ ସେପ୍ଟରେ ଦେଖାଦେଇଛନ୍ତି ସଙ୍କଟ । ଆମେରିକାର ସିଲିକନ ଭାଲି ବ୍ୟାଙ୍କ ବୁଡିଯିବା ପରେ ୟୁରୋପର ଦ୍ୱିତୀୟ ବୃହତ କ୍ରେଡିଟ୍ ସୁଇଜ୍ ବ୍ୟାଙ୍କ ଘାଟାରେ ପଡିଯାଇଛି । ଏହି ବ୍ୟାଙ୍କର ସେୟାର ମୂଲ୍ୟ ୨୫ ପ୍ରତିଶତରୁ ଅଧିକ ଖସିଯାଇଥିବା ବେଳେ ଏଥିରେ ଟଙ୍କା ରଖିଥିବା ଅବା ନିବେଶ କରିିଥିବା ଲୋକେ ଏଥିରୁ ନିଜର ପୁଞ୍ଜି ପ୍ରତ୍ୟାହାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବ୍ୟାଙ୍କ ବଞ୍ଚାଇବା ପାଇଁ କ୍ରେଡିଟ୍ ସୁଇଜ୍ ବ୍ୟାଙ୍କ ସୁଇସ୍ ନ୍ୟାସନାଲ ବ୍ୟାଙ୍କରୁ ୫୪ ବିଲିୟନ ଡଲାର ଅର୍ଥାତ୍ ପ୍ରାୟ ୪ ଲକ୍ଷ ୪୬ ହଜାର କୋଟି ଟଙ୍କାର ଋଣ ଆଣିଛି । ୯ ଦଶମିକ୍ ୯ ପ୍ରତିଶତ ସେୟାର ସହ ଏହି ବ୍ୟାଙ୍କର ସବୁଠୁ ବଡ ନିବେଶକ ସାଉଦି ସେଟ୍ରାଂଲ ବ୍ୟାଙ୍କ ଏଥିରେ ଆଉ ନିବେଶ କରିବ ନାହିଁ ବୋଲି ଘୋଷଣା କରିଥିଲା । ଏହାପରେ ବ୍ୟାଙ୍କରୁ ନିବେଶକମାନେ ପୁଞ୍ଜି ପ୍ରତ୍ୟାହାର କରୁଛନ୍ତି । କ୍ରେଡିଟ୍ ସୁଇଜ୍ ବ୍ୟାଙ୍କ ଭାରତର ୧୨ ତମ ବୃହତ ବିଦେଶୀ ବ୍ୟାଙ୍କ ଭାବେ ଜଣା । ଭାରତରେ ଏହାର ୨୦ ହଜାର ୭୦୦ କୋଟି ଟଙ୍କା ରହିଛି । ହେଲ ସିଲିକନ ଭାଲି ପରି କ୍ରେଡିଟ୍ ସୁଇଜ୍ ବ୍ୟାଙ୍କ ବୁଡିଗଲେ ଭାରତ ଉପରେ ଏତେ ପ୍ରଭାବ ପଡିବ ନାହିଁ । କାରଣ ଏହି ବ୍ୟାଙ୍କ ଭାରତୀୟମାନେ ଏତେଟା ନିବେଶ କରିନାହାଁନ୍ତିି ।
କିନ୍ତୁ ସିଲିକନ ଭାଲିରେ ଭାରତୀୟମାନେ ପ୍ରାୟ ୧ ବିଲିୟନ ଡଲାର ଅର୍ଥାତ୍ ୮, ୨୪୫ କୋଟି ଟଙ୍କା ବିନିଯୋଗ କରିଛନ୍ତି ଭାରତୀୟ ଷ୍ଟାର୍ଟଅପ୍ । ବଡ ବଡ ଷ୍ଟାର୍ଟଅପ କମ୍ପାନୀଗୁଡିକୁ ଋଣ ଅବା ସେଥିରେ ନିବେଶ କରି ଘାଟାରେୂ ପଡିଯାଇଥିଲା ସିଲିକନ ଭାଲି । ୨୦୨୨ରେ ୨୦୯ ବିଲିୟନ ଅର୍ଥାତ୍ ୧୭ ଲକ୍ଷ ୨୬ ହଜାର କୋଟି ସମ୍ପତି ଥିବା ଏହି ବ୍ୟାଙ୍କ ମାର୍ଚ୍ଚ ୧୦ ତାରିଖରେ ବନ୍ଦ ହୋଇଯାଇଥିଲା