କନକ ବ୍ୟୁରୋ: ଷୋଡ଼ଶ ବିଧାନସଭାରେ ରାଜ୍ୟପାଳ ଗଣେଷୀ ଲାଲଙ୍କ ଅଭିଭାଷଣ ଉପରେ ଧନ୍ୟବାଦ ପ୍ରସ୍ତାବକୁ ନେଇ ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ନବୀନ କହିଛନ୍ତି କି, ରାଜ୍ୟର ବିକାଶ ଏବଂ ସାଢ଼େ ୪କୋଟି ରାଜ୍ୟବାସୀଙ୍କ କଲ୍ୟାଣ ସରକାରଙ୍କ ଏକମାତ୍ର ଏଜେଣ୍ଡା । ଯୁବକଙ୍କୁ ନିଯୁକ୍ତି ବିଜେଡିର ନିର୍ବାଚନୀ ଇସ୍ତାହାରରେ ମୂଳ ଏଜେଣ୍ଡା ଥିବାବେଳେ ଏହାକୁ ଗୁରୁତ୍ୱ ଦେଉଛନ୍ତି ରାଜ୍ୟ ସରକାର ।
ସେହିପରି ରାଜ୍ୟର ବିକାଶ ପାଇଁ ରାଜ୍ୟ ସରକାର କେନ୍ଦ୍ର ସରକାରଙ୍କ ସହ ଗଠନମୂଳକ ସହଯୋଗ ନୀତି ଅବଲମ୍ବନ କରିବେ। ଏହାର ସୂଚନା ନିର୍ବାଚନ ଇସ୍ତାହାରରେ ନିଆଯାଇଥିଲା ବୋଲି ଅଭିଭାଷଣରେ କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଅନ୍ୟପଟେ ‘ଫୋନି’ ମୁକାବିଲା କ୍ଷେତ୍ରରେ ସଫଳ ହୋଇଛି । ଯେଉଁଥି ପାଇଁ ଜାତୀୟ ସ୍ତରରେ ଓଡ଼ିଶାକୁ ପ୍ରଶଂସା କରାଯାଇଛି । ତେବେ ଏକ ସଶକ୍ତ ଓଡ଼ିଶା ଗଠନ ସରକାରଙ୍କ ଲକ୍ଷ୍ୟ ଏବଂ ଏହି ଲକ୍ଷ୍ୟ ପୂରଣ ପାଇଁ ରାଜ୍ୟବାସୀ ଜନାଦେଶ ଦେଇଛନ୍ତି।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଲା, କି ଏହି ସବୁ ଲକ୍ଷ୍ୟ ପୂରଣ ପାଇଁ ରାଜ୍ୟ ସରକାର ସବୁମତେ ଉଦ୍ୟମ କରିବେ । ଗତ ସୋମବାର ଦିନ ରାଜ୍ୟପାଳ ଗୃହରେ ଦେଇଥିବା ଅଭିଭାଷଣ ପାଇଁ ତାଙ୍କୁ ଧନ୍ୟବାଦ ଦେବା ଲାଗି ଆଗତ ପ୍ରସ୍ତାବ ଉପରେ ଆଲୋଚନାର ଉତ୍ତର ରଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।