କନକ ବ୍ୟୁରୋ: ଓଡିଶାରେ ପୁଞ୍ଜି ନିବେଶ ପାଇଁ ମୁମ୍ବାଇରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କ୍ୟାମ୍ପେନ । ମେକ୍ ଇନ୍ ଓଡିଶା କନକ୍ଲେଭ ପୂର୍ବ ପ୍ରସ୍ତୁତି ନେଇ ଇନଭେଷ୍ଟର୍ସଙ୍କୁ ଆକୃଷ୍ଠ କରିବା ପାଇଁ ଆହ୍ୱାନ କଲେ ମୁଖ୍ୟମନ୍ତ୍ରୀ । ମେକ୍ ଇନ ଓଡିଶା ଇନଭେଷ୍ଟର୍ସ ମିଟ୍ କାର୍ଯ୍ୟକ୍ରମ ଜରିଆରେ ନିବେଶକରୀଙ୍କୁ ସମ୍ବୋଧିତ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଏହି ଅବସରରେ ମୁଖ୍ୟମନ୍ତ୍ରୀ କହିଛନ୍ତି ଯେ, “ ରାଜ୍ୟରେ ପୁଞ୍ଜି ନିବେଶ ପାଇଁ ବ୍ୟାପକ ସୁବିଧା ରହିଛି । ତେଣୁ ପୁଞ୍ଜି ନିବେଶ ପାଇଁ ନିବେଶକାରୀ ଆସନ୍ତୁ ଏବଂ ଓଡିଶରେ ନିବେଶ କରନ୍ତୁ । ଆସନ୍ତା ନଭେମ୍ବର ୧୧ ତାରିଖରୁ ୧୫ ତାରିଖ ପର୍ଯ୍ୟନ୍ତ ଭୁବନେଶ୍ୱରରେ ହେବାକୁଥିବା ମେକ୍ ଇନ୍ ଓଡିଶା କନକ୍ଲେଭରେ ସମସ୍ତ ପୁଞ୍ଜିନିବେଶକାରୀଙ୍କୁ ଭେଟିବାକୁ ଆଶା ପ୍ରକାଶ କରିଛନ୍ତି ବୋଲି ନିଜ ଅଭିଭାଷଣରେ କହିଛନ୍ତି ମୁଖ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ମେକ୍ ଇନ୍ ଓଡିଶାର ଦ୍ୱିତୀୟ ସଂସ୍କରଣ ଆସନ୍ତା ନଭେମ୍ବର ମାସରେ ଅନୁଷ୍ଠିତ ହେବାକୁଥିବାବେଳେ ମୁଖ୍ୟମନ୍ତ୍ରୀ ନବୀନଙ୍କ ଏହି କ୍ୟାମ୍ପେନରେ ନିବେଶକାରୀଙ୍କୁ ଆକୃଷ୍ଠ କରିବା ପାଇଁ ପ୍ରୟାସ । ଯେଉଁଥିପାଇଁ ୨ ଦିନିଆ ମୁମ୍ବାଇ ଗସ୍ତରେ ଯାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ୨୦୧୬ରେ ମଧ୍ୟ ରୋଡ ଶୋ’ କାର୍ଯ୍ୟକ୍ରମ ସଫଳତା ଆଣିଥିଲା । ବର୍ତ୍ତମାନ ସୁଦ୍ଧା ୨୫୦ଟି ଷ୍ଟାର୍ଟଅପ ପଞ୍ଜିକୃତ ହୋଇଛି । ଓଡିଶରେ ପୁଞ୍ଜି ନିବେଶ ପାଇଁ ଅନୁକୂଳ ପାରିବେଶ ରହିଛି ବୋଲି କହିଛନ୍ତି ମୁଖ୍ୟମନ୍ତ୍ରୀ । କେବଳ ଏତିକି ନୁହେଁ ଓଡିଶା ଆସି ଶିଳ୍ପାୟନ ସମ୍ପର୍କରେ ଅନୁଧ୍ୟାନ କରିବା ପାଇଁ ନିବେଶକାରୀଙ୍କୁ ଆମନ୍ତ୍ରଣ କରିଛନ୍ତି ମୁଖ୍ୟମନ୍ତ୍ରୀ ନବୀନ । ୨୦୧୬ ମସିହାରେ ଆରମ୍ଭ ହୋଇଥବା ସ୍ୱତନ୍ତ୍ର ଷ୍ଟାର୍ଟଅପ ଓଡିଶା ପଲିସି ଉଲ୍ଲେଖନୀୟ ସଫଳତା ଆଣିଛି ବୋଲି କହିଛନ୍ତି ନବୀନ ।