ଲୋୟର ପିଏମଜିରେ ବିକ୍ଷୋଭ ବେଳେ ପୋଲିସ ଉପରକୁ ଆକ୍ରମଣ : ରକ୍ତମୁଖା ହେଲେ ବିଜେପି ଯୁବମୋର୍ଚ୍ଚା କର୍ମୀ; ପୋଲିସ ସୂତ୍ରରୁ ସାମ୍ନାକୁ ଆସିଲା ଭିଡିଓ
କନକ ବ୍ୟୁରୋ : ଗତକାଲି ଭୁବନେଶ୍ୱର ଲୋୟର ପିଏମ୍ଜିରେ ଖଣ୍ଡଯୁଦ୍ଧ ଦେଖିବାକୁ ମିଳିଥିଲା । ମୁହାଁମୁହିଁ ହୋଇଥିଲେ ପୋଲିସ ଓ ବିଜେପି ଯୁବମୋର୍ଚ୍ଚା କର୍ମୀ । ରାଜ୍ୟରେ ଅପରାଧ ବଢିବା, ବିପର୍ଯ୍ୟସ୍ତ ଆଇନଶୃଙ୍ଖଳା ଓ ନବ ଦାସଙ୍କ ହତ୍ୟା ଘଟଣାର ସିବିଆଇ ତଦନ୍ତ ଦାବି କରି ବିଜେପି ଯୁବ ମୋର୍ଚ୍ଚା ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ହଜାର ହଜାର ବିକ୍ଷୋଭକାରୀ ବ୍ୟାରିକେଡ୍ ଭାଙ୍ଗି ବିଧାନସଭା ଆଡକୁ ଯିବାକୁ ଚେଷ୍ଟା କରିବାରୁ ଅଟକାଇବାକୁ ଉଦ୍ୟମ କରିଥିଲା ପୁଲିସ । ଏହାକୁ ନେଇ ରଣକ୍ଷେତ୍ରରେ ପରିଣତ ହୋଇଥିଲା ଲୋୟର ପିଏମ୍ଜି । ବିକ୍ଷୋଭକାରୀଙ୍କୁ ଗହଳି ଭିତରୁ ପୋଲିସ ଉପରକୁ ଟେକା, ଅଣ୍ଡା, ଜୋତା, ପାଣିପାଉଚ୍ ମାଡ ହୋଇଥିଲା । କିଛି ବିକ୍ଷୋଭକାରୀ ପାଖରେ ଥିବା ପୋଲିସ ଗାଡିକୁ ଭାଙ୍ଗିବା ସହ ନିଆଁ ଲଗାଇ ଦେବାକୁ ଉଦ୍ୟମ କରିଥିଲେ । ପୋଲିସ ପକ୍ଷରୁ ମୃଦୁ ଲାଠି ଚାଳନା କରାଯାଇଥିଲା ।
ବିକ୍ଷୋଭକାରୀଙ୍କ ଆକ୍ରମଣରେ ୨୧ ଜଣ ପୋଲିସ ଆହତ ହୋଇଛନ୍ତି । ଟେକା ପଥର ମାଡରେ ପୁଲିସ କର୍ମଚାରୀଙ୍କ ମୁଣ୍ଡ ଫାଟିଛି, କାହାର ଆଘାତ ଲାଗିଛି । ଉତ୍ୟକ୍ତ ଆନ୍ଦୋଳନକାରୀ ପୁଲିସ କର୍ମଚାରୀଙ୍କୁ ଗଡେଇ ତଡେଇ ବିଧା ଗୋଇଠା ମାରୁଥିବା ଦେଖିବାକୁ ମିଳିଛି । ସେହିପରି ପୋଲିସ ମାଡରେ ଆନ୍ଦୋଳନକାରୀ ମଧ୍ୟ ଆହତ ହୋଇଛନ୍ତି । ବିଜେପି ନେତା କହିଛନ୍ତି ଯେ, ଆହତଙ୍କ ସଂଖ୍ୟା ୫୦ରୁ ଅଧିକ ହେବ ।