ପଦ୍ମପୁର ଉପନିର୍ବାଚନ ପାଇଁ ୩ ରାଜନୈତିକ ଦଳର ପ୍ରାର୍ଥୀ ତୟାର: ଶୋଭାଯାତ୍ରା ଆସି ଶକ୍ତି ପ୍ରଦର୍ଶନ କଲେ ପ୍ରଦୀପ ପୁରୋହିତ
କନକ ବ୍ୟୁରୋ: ବିଜେପିର ପ୍ରାର୍ଥୀ ପ୍ରସ୍ତୁତ ଥିଲେ, ଦଳୀୟ ନେତା ଓ କର୍ମୀ ପ୍ରସ୍ତୁତ ଥିଲେ । ହେଲେ ଠିକ୍ ନାମାଙ୍କନ ଦାଖଲ ପୂର୍ବରୁ ପଦ୍ମପୁରରେ ବଦଳିଗଲା ବିଜେପିର ନିଷ୍ପତି । ଚାଷୀଙ୍କ ସାଥୀରେ ବସିପଡ଼ିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ପଦ୍ମପୁର ବିଜେପି ପ୍ରାର୍ଥୀ ପ୍ରଦୀପ ପୁରୋହିତଙ୍କ ସହ ଏକାଧିକ ବରିଷ୍ଠ ନେତା । ଚାଷିଙ୍କ ସ୍ୱରରେ ସ୍ୱର ମିଳାଇ, ବିଜେପି ନେତାମାନେ କହିଲେ, ଚାଷୀ ସମସ୍ୟାର ସମାଧାନ ନହେଲେ ନାମାଙ୍କନ ଦାଖଲ କରିବେ ନାହିଁ ପ୍ରଦୀପ ପୁରୋହିତ । ସ୍ଥଗିତ ହୋଇଗଲା କାର୍ଯ୍ୟକ୍ରମ ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ କିନ୍ତୁ ବିଶାଳ ସମାବେଶ କରି ରାଜ୍ୟ ସରକାରଙ୍କ ଉପରେ ବର୍ଷି ଥିଲେ ଜଣେ ପରେ ଜଣେ ବରିଷ୍ଠ ବିଜେପି ନେତା । ସଭାରେ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ବିଶେଶ୍ୱର ଟୁଡୁଙ୍କ ସମେତ ରାଜ୍ୟ ବିଜେପି ସଭାପତି ସମୀର ମହାନ୍ତି ସ୍ଥାନୀୟ ସାଂସଦ ସୁରେଶ ପୂଜାରୀ, କଳାହାଣ୍ଡି ସାଂସଦ ବସନ୍ତ ପଣ୍ଡା, ବିରୋଧୀ ଦଳ ନେତା ଜୟନାରାୟଣ ମିଶ୍ର, ପ୍ରମୁଖ ଉପସ୍ଥିତ ଥିଲେ ।
ଏଭଳି ଏକାଧିକ ଦାବି ନେଇ ସ୍ଥାନୀୟ ଅଂଚଳରେ ଜନଅସନ୍ତୋଷ ଲାଗି ରହିଥିବା ବେଳେ ବିଜେପି ସଭାରେ ଏହି ସବୁ ପ୍ରସଙ୍ଗକୁ ନେଇ ରାଜ୍ୟ ସରକାରଙ୍କୁ ଟାର୍ଗେଟ୍ କରିଥିଲେ ବିଜେପିର ବରିଷ୍ଠ ନେତୃବୃନ୍ଦ । ପଦ୍ମପୁର ଜନତାଙ୍କ ସମସ୍ତ ଦାବି ସହ ଦଳ ଥିବା କହିବା ସହ ଚାଷୀ ପ୍ରସଙ୍ଗରେ ରାଜ୍ୟ ସରକାରଙ୍କୁ ଟାର୍ଗେଟ୍ କରିଥିଲେ କେନ୍ଦ୍ରମନ୍ତ୍ରୀ ।
ବିଜେପିର ଏହି ପ୍ରସ୍ତୁତି ଭିତରେ କିନ୍ତୁ ପଦ୍ମପୁରର ଖେଳ ବଦଳାଇ ଦେଇ ପାରନ୍ତି କଂଗ୍ରେସ ପ୍ରାର୍ଥୀ ସତ୍ୟଭୂଷଣ ସାହୁ । କାରଣ, ଦୀର୍ଘ ବର୍ଷର ରାଜନୈତି ଅଭିଜ୍ଞତା ଥିବା ସତ୍ୟଭୁଷଣ ସାହୁ, ପଦ୍ମପୁର ଆସନରୁ ୩ଥର ବିଧାୟକ ଭାବେ ନିର୍ବାଚିତ ହୋଇଛନ୍ତି । ୧୯୮୦, ୧୯୮୫ ଏବଂ ୨୦୦୪ରେ କଂଗ୍ରେସ ଟିକେଟରୁ ବିଧାୟକ ହୋଇଥିବା ବେଳେ ୨୦୧୯ରେ ୩୨ ହଜାର ୭୮୭ ଭୋଟ୍ ପାଇଥିଲେ । ଯଦି ସତ୍ୟଭୂଷଣ ଦଳୀୟ ଭୋଟ୍କୁ ନିଜ ହାତ ମୁଠାରେ ରଖନ୍ତି ତେବେ ଉପ-ନିର୍ବାଚନରେ କିଏ ହେବ ବିଜୟୀ, ଚାବି କାଠି ଏବେ କଂଗ୍ରେସ ହାତରେ ।