ଦିବ୍ୟାଙ୍ଗ ହେଲେ ବି ମାନି ନାହାନ୍ତି ହାର୍: ଗୀତ ଗାଇ ଲୋକଙ୍କ କରୁଛନ୍ତି ମନୋରଞ୍ଜନ, ପୋଷୁଛନ୍ତି ପେଟ
କନକ ବ୍ୟୁରୋ: ଆଖିକୁ ଦେଖାଯାଉନି, ହେଲେ ଏମାନେ ହାରମାନି ନାହାନ୍ତି । ମନରେ ଦୃଢ଼ ଇଛାଶକ୍ତି ରଖି କିଛି କରି ଦେଖାଇବାକୁ ଆଗେଇ ଆସିଛନ୍ତି । ନିଜ କଳା କୌଶଳରେ ଲୋକଙ୍କ ମନ ଜିଣି ପେଟ ପୋଷୁଛନ୍ତି । ଦେଖାଯାଉନଥିଲେ ବି କେସିଓ, ତବଲା, ତାସାରେ ଯେପରି କଳାକାରୀ ଦେଖାଉଛନ୍ତି ସକ୍ଷମ କଳାକାର ଟିଏ ବି ହାର ମାନି ଯିବ । ବାଜାର ତାଳେ ତାଳେ ଭଜନ ଗାଇ ଲୋକଙ୍କ ମନରଞ୍ଜନ କରୁଥିବା ଏହି ଦିବ୍ୟାଙ୍ଗ କଳାକାରମାନେ ହେଉଛନ୍ତି ସୁନ୍ଦରଗଡ ଉକ୍ରଳ ଜ୍ୟୋତି ଦିବ୍ୟାଙ୍ଗ ଭଜନ ସଂଧ୍ୟାର କଳାକାର । କିଏ ଟ୍ରେନରେ ଭିକ ମାଗୁଥିଲା ତ ଆଉ କିଏ ଦୋକାନ ଦୋକାନ ବୁଲି ଭିକ୍ଷାବୃତି କରୁଥିଲା । କିନ୍ତୁ ଏମାନଙ୍କ ଜୀବନ କୁ ବଦଳାଇ ଦେଇ ସମ୍ମାନ ର ସହ ଜିଇଁବା ଶିଖାଇଲେ ଏହି ଅନୁଷ୍ଠାନ ର ମୁଖ୍ୟ ଅକ୍ଷୟ ତିଓାରୀ ।
Kanak News is now on WhatsApp
Join and get latest news updates delivered to you via WhatsApp
ଏବେ ଏହି କଳାକାରମାନେ ସହର ସହର ଗାଁ ଗାଁ ବୁଲି ନିଜର କଳାର ପ୍ରଦର୍ଶନ କରି ଯାହା ପାଆନ୍ତି ସେଥିରେ ନିଜର ଗୁଜୁରାଣ ମେଂଟାନ୍ତି । ସୁନ୍ଦରଗଡ ସାର୍ଥକ ଅନ୍ଧମୁକ ବଧିର ବିଦ୍ୟାଳୟ ରୁ ଏମାନେ ସମସ୍ତେ ଶିକ୍ଷାଲାଭ କରି କିଛି କାମଧନ୍ଦା ନପାଇ ଭିକ୍ଷାବୃତି କରି ପେଟ ପୋଶୁଥିଲେ କିନ୍ତୁ ଶେଷ ରେ ତାଙ୍କୁ ରୋଜଗାର ର ବାଟ ଦେଖାଇଛି ତାଙ୍କର କଳାସାଧନା । ପଢିଲା ବେଳେ ଯାହା ଶିଖିଥିଲେ ଆଜି ସେତିକି ରେ ବାଜାବଜାଇ ଗୀତଗାଇ ଲୋକଙ୍କ ମନୋରଞ୍ଜନ କରିବା ସହ ନିଜର ପ୍ରତିପୋଷଣ କରୁଛନ୍ତି । ଘର ଖଣ୍ଡିଏ ଏବଂ ବାଦ୍ୟ ଯନ୍ତ୍ର ଆଦି ଯଦି ସହଯୋଗ ମିଳିଯାଆନ୍ତା ତାହା ହେଲେ ସେମାନେ ଆନନ୍ଦ ରେ ଜୀବନ ବିତାନ୍ତେ ବୋଲି କହିଛନ୍ତି ।