କନକ ବ୍ୟୁରୋ: ୧୭ ତମ ଲୋକସଭା ପାଇଁ ବିଜୁ ଜନତା ଦଳ ନେତାଙ୍କ ମଧ୍ୟରେ ଦାୟିତ୍ୱ ବଂଟନ କରିଛନ୍ତି ସୁପ୍ରିମୋ ନବୀନ ପଟ୍ଟନାୟକ । ପିନାକୀ ମିଶ୍ରଙ୍କୁ ଲୋକସଭାରେ ସଂସଦୀୟ ଦଳ ନେତା ଭାବେ ନିଯୁକ୍ତି ଦିଆଯାଇଛି । ପୂର୍ବରୁ ଏହି ଦାୟିତ୍ୱ ଭର୍ତୃହରି ମହତାବ ନିର୍ବାହ କରୁଥିଲେ । ବଡ କଥା ହେଉଛି , ଭର୍ତୃହରି ମହତାବଙ୍କୁ ଷ୍ଟାଣ୍ଡିଂ କମିଟିର ଅଧ୍ୟକ୍ଷ ଭାବେ ନିଯୁକ୍ତି ଦେଇଛନ୍ତି ନବୀନ । ବିଜୁ ଜନତା ଦଳ ପକ୍ଷକୁ ଯେଉଁ କମିଟି ଆସିବ, ତାର ଅଧ୍ୟକ୍ଷ ହେବେ ଭର୍ତୃହରି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଅଚ୍ୟୁତ ସାମନ୍ତଙ୍କୁ ବିଜେଡି ସଂସଦୀୟ ଦଳର ମୁଖ୍ୟ ସଚେତକ ଦାୟିତ୍ୱ ମିଳିଥିବା ବେଳେ ଅନୁଭବ ମହାନ୍ତିଙ୍କୁ ବିଜେଡି ସଂସଦୀୟ ଦଳର ଉପମୁଖ୍ୟ ସଚେତକ ଦାୟିତ୍ୱ ମିଳିଛି । ଅନ୍ୟପଟେ ଜାତୀୟ ଗଣମାଧ୍ୟମ ସୂଚନା ମୁତାବକ, ଆସନ୍ତା ୧୭ ତାରିଖରୁ ଜୁଲାଇ ୨୬ ତାରିଖ ପର୍ଯ୍ୟନ୍ତ ୧୭ତମ ଲୋକସଭା ଅଧିବେଶନ ବସିବ । ତେବେ ବିଜୁ ଜନତା ଦଳ ତରଫରୁ ୧୨ ସାଂସଦଙ୍କ ସହ ଏଥର ଲୋକସଭାରେ କିଭଳି ରାଜ୍ୟର ଦାବି ଉପସ୍ଥାପନ କରିବ ବିଜେଡି ସେନେଇ ସଂସଦୀୟ ଦଳଙ୍କୁ ବିଭିନ୍ନ ଦାୟିତ୍ୱରେ ନିଯୁକ୍ତ କରିଛନ୍ତି ବିଜେଡି ସଭାପତି ନବୀନ ପଟ୍ଟନାୟକ ।