ସରକାରୀ ଯୋଜନାରେ କାହାକୁ ମିଳିଛି ଘର, କିଏ ଅଛି କୁଡିଆରେ? ପ୍ରଧାନମନ୍ତ୍ରୀ ଆବାସ ଘରକୁ ଭଡାରେ ଲଗାଇଛନ୍ତି ହିତାଧିକାରୀ
କନକ ବ୍ୟୁରୋ: ନବରଙ୍ଗପୁର ଜିଲ୍ଲା ଉମରକୋର୍ଟ ପୌର ପାଳିକାରେ ପ୍ରଧାନମନ୍ତ୍ରୀ ଆବାସ ଯୋଜନାରେ ମହାଦୁର୍ନୀତି । ଏଠାରେ ଧନୀ ଲୋକ ଚାଂଚକତା କରି ଆବାସ ଘର ହାତଉଥିବା ବେଳେ ଜଣେ ବିଧବା ଅସହାୟ ମହିଳା ମଜୁରି ଲାଗି ଭଙ୍ଗା କୁଡିଆରେ ନିଜ ଦିବ୍ୟାଙ୍ଗ ଝିଅ ସହ ରହିବାକୁ ବାଧ୍ୟ ହୋଇଛନ୍ତି । ଉମରକୋଟ ପୌରପାଳିକାର ୭ ନମ୍ବର ୱାର୍ଡ କୁସୁମଗୁଡା ସାହିରେ ରହୁଥିବା ସାଇବତୀ ନାମକ ଜଣେ ଅସହାୟ ମହିଳା ୧୮ ହଜାର ଟଙ୍କା ଦେଇନପାରିବାରୁ ଏହି ଯୋଜନାର ଲାଭ ଉଠାଇ ପାରିନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ମହିଳାଙ୍କ ଘର ଠାରୁ ମାତ୍ର ୨ଶହ ମିଟର ଦୂରରେ ଦେଖିବାକୁ ମିଳିଛି ଆବାସ କେଳେଙ୍କାରୀର ନଗ୍ନ ଚିତ୍ର । ଜଣେ ବ୍ୟକ୍ତି ୭୦ ହଜାର ଟଙ୍କାର ଆୟ ପ୍ରମାଣପତ୍ର ଦେଖାଇ ହାତେଇଛନ୍ତି ଆବାସ ଘର । ଘର ମାଲିକ ଭିକାରୀ ଚରଣ ବେହେରାଙ୍କୁ ଏହି ଘର ମିଳିଥିବା ବେଳେ ସେ ଏହି ଘରକୁ ବ୍ୟବସାୟ କାର୍ଯ୍ୟରେ ଲଗାଇଥିବା ଅଭିଯୋଗ ହୋଇଛି ।