ଓଲା ଓ ବଜାଜକୁ ଟକ୍କର ଦେବାକୁ ବଜାରକୁ ଆସିଲା ବାଜ୍ ର ଇଲେକ୍ଟ୍ରିକ ସ୍କୁଟର, ଶସ୍ତା ଦାମ ସାଂଗକୁ ଅଧିକ ମାଇଲେଜ୍
କନକ ବ୍ୟୁରୋ : ଦେଶରେ ଦିନକୁ ଦିନ ବିଦ୍ୟୁତ ଚାଳିତ ଯାନର ବ୍ୟବହାର ବଢିବାରେ ଲାଗିଛି । କିଛି ଛୋଟ ଛୋଟ ଅସୁବିଧାକୁ ବାଦଦେଲେ ବିଦ୍ୟୁତ ଚାଳିତ ଯାନ ପ୍ରତି ଲୋକମାନଙ୍କର ଆଗ୍ରହ ବି ବଢିବାରେ ଲାଗିଛି । ଏସବୁକୁ ନଜରରେ ରଖି ବିଦ୍ୟୁତ୍ ଚାଳିତ ଗାଡି ନିର୍ମାତାମାନଙ୍କ ମଧ୍ୟରେ ପ୍ରତିଦ୍ୱନ୍ଦିତା ବଢୁଛି । ଭାରତୀୟ ବଜାରରେ ବିଶେଷ ଭାବେ ଓଲା ଓ ବଜାଜର ଇଲେକ୍ଟ୍ରିକ ସ୍କୁଟର ଚାଲୁଥିବା ବେଳେ ଏବେ ଏହାକୁ ଟକ୍କର ଦେବାକୁ ବାଜ୍ ନାମକ ଏକ କମ୍ପାନୀ ନିଜର ସ୍କୁଟର ଲଂଚ୍ କରିଛି । ସାଧାରଣ ଭାବେ ବଜାର ଓ ଓଲାର ଇଲେକ୍ଟ୍ରିକ୍ ସ୍କୁଟର ୭୦ ହଜାର ଟଙ୍କା ରେଞ୍ଜରୁ ଆରମ୍ଭ ହେଉଥିବା ବେଳେ ବାଜ୍ କମ୍ପାନୀ ମାତ୍ର ୩୫ ହଜାର ଟଙ୍କାରେ ସ୍କୁଟର ଲଂଚ କରିଛି ।
Kanak News is now on WhatsApp
Join and get latest news updates delivered to you via WhatsApp
ଆଇଆଇଟି ଦିଲ୍ଲୀ ସ୍ଥିତ ଇଲେକ୍ଟ୍ରିକସ୍ ମୋବିଲିଟି ଷ୍ଟାଟଅପ୍ କମ୍ପାନୀ ବାଜ୍ ବାଇକ୍ସ ତରଫରୁ ବଜାରରେ ଜୋରଦାର ପ୍ରବେଶ ହୋଇଛି । କମ୍ପାନୀ ତରଫରୁ ନୂଆ ଇଲେକ୍ଟ୍ରିକ୍ ସ୍କୁଟର ବାଜ୍ ଲଂଚ କରାଯାଇଛି । ଏହି ସ୍କୁଟରରେ ବ୍ୟାଟେରୀ ସ୍ୱାଇପିଂର ସୁବିଧା ରହିଛି । ଏଥିରେ ଜଣେ ଗ୍ରାହକ ଏକାଥରକେ ୯ ଟି ବ୍ୟାଟେରୀ ଫିକ୍ସ କରିପାରିବ ।
କମ୍ପାନୀ ତରଫରୁ କୁହାଯାଇଛି ଯେ ସ୍ୱାଇପିଂ ଷ୍ଟେସନରେ ବ୍ୟାଟେରୀ ବଦଳାଇ କେହି ବି ଦୀର୍ଘ ଦୂରତା ରାସ୍ତା ଯାଇପାରିବ । ଏହି ସ୍ୱାଇପିଂ ଷ୍ଟେସନ ଭିନ୍ନ ଭିନ୍ନ ପାଗକୁ ନଜରରେ ରଖି ଡିଜାଇନ କରାଯାଇଛି । ଏହି ସ୍କୁଟରକୁ ଆପଣ ସର୍ବାଧିକ ୨୫ କିଲୋମିଟର ଘଂଟାପ୍ରତି ବେଗରେ ଚଳାଇ ପାରିବେ ।