କନକ ବ୍ୟୁରୋ: ଉତ୍ତର ଭାରତରେ ପ୍ରବଳ ଗ୍ରୀଷ୍ମ ପ୍ରବାହ ଜାରି ରହିଛି। ତାପମାତ୍ରା ପ୍ରତିଦିନ ରେକର୍ଡ ଭାଙ୍ଗିବାରେ ଲାଗିଛି। ଉତ୍ତର ଭାରତ ଏବଂ ଦିଲ୍ଲୀର ଅଧିକାଂଶ ଅଞ୍ଚଳରେ ତାପମାତ୍ରା ୫୦ ଡିଗ୍ରି ପାଖାପାଖି ପହଞ୍ଚିଛି। ପ୍ରବଳ ଗରମ ଯୋଗୁଁ କେବଳ ଉତ୍ତରପ୍ରଦେଶରେ ୩୩ ଜଣଙ୍କ ମୃତ୍ୟୁ ହୋଇଛି । ସେହିପରି ବିହାରରେ ଗ୍ରୀଷ୍ମପ୍ରବାହ ୧୨୮ ବର୍ଷର ରେକର୍ଡ ଭାଙ୍ଗିଛି । ସକାଳ ୧୦ଟାରୁ ଅପରାହ୍ନ ୪ଟା ମଧ୍ୟରେ ଘରୁ ନ ବାହାରିବାକୁ ଡାକ୍ତରମାନେ ପରାମର୍ଶ ଦେଉଛନ୍ତି। କିନ୍ତୁ ଜୀବିକା ପାଇଁ ଲୋକମାନଙ୍କୁ ଘରୁ ବାହାରିବାକୁ ପଡ଼ୁଛି । ସବୁଠାରୁ ଅସହାୟ ହେଉଛି ଦେଶର ରାଜଧାନୀ, ଯେଉଁଠାରେ ଏହି ପ୍ରବଳ ଗ୍ରୀଷ୍ମ ପ୍ରବାହ ଚାଲିଥିବା ବେଳେ ବିଜୁଳିକାଟ ଲୋକଙ୍କୁ ସମସ୍ୟାରେ ପକାଇଦେଇଛି ।
Kanak News is now on WhatsApp
Join and get latest news updates delivered to you via WhatsApp
ଦେଶର ସର୍ବବୃହତ ରାଜ୍ୟ ଉତ୍ତରପ୍ରଦେଶ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଥିବା ବେଳେ ସେଠାରେ ଗରମ ଯୋଗୁଁ ୩୩ରୁ ଅଧିକ ଲୋକଙ୍କ ମୃତ୍ୟୁ ଘଟିଛି। ଏଥିରେ ଶନିବାର କାନପୁର ଓ ବୁନ୍ଦେଲଖଣ୍ଡରେ ୨୦ ଜଣଙ୍କ ମୃତ୍ୟୁ ଘଟିଛି। ହମିରପୁର ୪୬.୨ ଡିଗ୍ରୀ ସେଲସିୟସ, ବାରଣାସୀ ୪୬ ଡିଗ୍ରୀ, ଗୋରଖପୁର ୪୬ ଡିଗ୍ରୀ, ଗୋରଖପୁର ୪୬.୩ ଡିଗ୍ରୀ , ଗୋରଖପୁର ୪୬.୩ ଡିଗ୍ରୀ ସେଲସିୟସ ଏବଂ ବାରଣାସୀ ୪୬ ଡିଗ୍ରୀ ସହ ରାଜ୍ୟର ସବୁଠାରୁ ଉତ୍ତପ୍ତ ସ୍ଥାନ ଥିଲା ।