କେନ୍ଦ୍ର କ୍ୟାବିନେଟର ବଡ ନିଷ୍ପତ୍ତି । ବଢିବନାହିଁ ସାରର ଦାମ, ଚାଷୀଙ୍କ ପାଇଁ ଜାରି ରହିବ ସାର ଉପରେ ରିହାତି
କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ବୁଧବାର ଦିନ କେନ୍ଦ୍ର କ୍ୟାବିନେଟର ଏକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ କୃଷକମାନଙ୍କ ପାଇଁ ବଡ ନିଷ୍ପତ୍ତି ନିଆଯାଇଛି । କ୍ୟାବିନେଟ ବୈଠକରେ ହୋଇଥିବା ନିଷ୍ପତ୍ତି ବାବଦରେ କେନ୍ଦ୍ରମନ୍ତ୍ରୀ ଅନୁରାଗ ଠାକୁର ସୂଚନା ଦେଇଛନ୍ତି । ସେ କହିଛନ୍ତି କି କେନ୍ଦ୍ର ସରକାର କୃଷକମାନଙ୍କ ସାର ଉପରେ ଯେଉଁ ରିହାତି ପ୍ରଦାନ କରୁଥିଲେ ତାହା ଜାରି ରହିବ । ଏହାସହ ସାର ଉପରେ କୌଣସି ଦାମ ବଢିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
କ୍ୟାବିନେଟ ବୈଠକ ନିଷ୍ପତ୍ତିକୁ ଅନୁରାଗ ଠାକୁର କହିଛନ୍ତି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଅନୁଷ୍ଠିତ ହୋଇଥିବା କ୍ୟାବିନେଟ ବୈଠକରେ ନିଷ୍ପତ୍ତି ନିଆଯାଇଛି କି କୌଣସି ପ୍ରକାର ସାରର ଦାମ ବୃଦ୍ଧି କରାଯିବ ନାହିଁ । ଚାଷୀମାନଙ୍କୁ ପୂର୍ବବର୍ଷ ଭଳି ସାର ଉପରେ ରିହାତି ମିଳିବା ଜାରି ରହିବ ।
ଅନୁରାଗ ଠାକୁର କହିଛନ୍ତି କି, ପୁଣିଥରେ କେନ୍ଦ୍ର ସରକାର ଚାଷୀଙ୍କ ସ୍ୱାର୍ଥରେ ନିଷ୍ପତ୍ତି ନେଇଛନ୍ତି । ଅର୍ନ୍ତରାଷ୍ଟ୍ରୀୟ ବଜାରରେ ସାର ଦର ବଢୁଥିଲେ ବି ଚାଷୀମାନଙ୍କ ଉପରେ ଏହାର ପ୍ରଭାବ ପଡିବ ନାହିଁ । ରବି ଋତୁରେ ନ୍ୟୁଟ୍ରାଣ୍ଟ ରିହାତି ଜାରି ରହିବ । ଏହାସହ ୟୁରିଆ ଉପରେ କୌଣସି ଦାମ ବଢିବ ନାହ. ପଟାଶ ସାର ଗତବର୍ଷ ତୁଳନାରେ କୁଇଣ୍ଟାଲ ପ୍ରତି ୪୫ ଟଙ୍କା କମରେ ମିଳିବ ।
#WATCH | Union Minister Anurag Thakur says, “Subsidy for the Rabi season from 1st October 2023 till 31st March 2024 will be like this. For the nitrogen, it will be Rs 47.2 per Kg, phosphorus will be Rs 20.82 per Kg, potash subsidy will be Rs 2.38 per Kg. And the Sulphur subsidy… pic.twitter.com/wRko0XNMKF
— ANI (@ANI) October 25, 2023
ଅନୁରାଗ ଠାକୁର କହିଛନ୍ତି କି ରବି ଚାଷ ପାଇଁ ଅକ୍ଟୋବର ୨୦୨୩ ଅକ୍ଟୋବର ପହିଲାରୁ ୨୦୨୪ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଏହି ପ୍ରକାରର ରିହାତି ମିଳିବ । ନାଇଟ୍ରୋଜେନ ପାଇଁ ୪୭.୨ ଟଙ୍କା ପ୍ରତି କିଲୋଗ୍ରାମ, ଫସଫରସ ପାଇଁ ୨୦.୮୨ ଟଙ୍କା ପ୍ରତି କିଲୋଗ୍ରାମ, ପୋଟାସ ଉପରେ ୨.୩୮ ଟଙ୍କା ପ୍ରତି କିଲୋଗ୍ରାମ ରିହାତି ମିଳିବ ।