ୟୁପିର ପୂର୍ବ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଓ ଝିଅ କରୋନା ସଂକ୍ରମିତ, କାଲି କରାଇଥିଲେ କୋଭିଡ ଟେଷ୍ଟ
କନକ ବ୍ୟୁରୋ : ଉତ୍ତର ପ୍ରଦେଶର ପୂର୍ବ ମୁଖ୍ୟମନ୍ତ୍ରୀ ଅଖିଳେଶ ଯାଦବଙ୍କ ପତ୍ନୀ ଡିମ୍ପଲ ଓ ତାଙ୍କ ଝିଅ କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇଛନ୍ତି । ଏନେଇ ନିଜେ ଡିମ୍ପଲ ଯାଦବ ଟ୍ୱିଟ ଯୋଗେ ସୂଚନା ଦେଇଛନ୍ତି । ଡିମ୍ପଲ କହିଛନ୍ତି କି ଟିକାର ୨ ଟି ଖୋରାକ ନେବା ପରେ ବି ସେ କରୋନା ଭୂତାଣୁ ଦ୍ୱାରା ସଂକ୍ରମିତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଡିମ୍ପଲ ତାଙ୍କ ଟ୍ୱିଟର ହ୍ୟାଣ୍ଡଲରେ ଲେଖିଛନ୍ତି କି, “ମୋର କୋଭିଡ ଟେଷ୍ଟ ରିପୋର୍ଟ ପଜିଟିଭି ଆସିଛି , ମୁଁ ଟିକାର ଉଭୟ ଖୋରାକ ନେଇଛି, ନିଜର ଓ ଅନ୍ୟର ସୁରକ୍ଷାକୁ ଦୃଷ୍ଟିରେ ରଖି ମୁଁ ନିଜ ରୁମରେ ଏକୁଟିଆ ରହୁଛି, ଏବେ ଓ ପୂର୍ବରୁ ମୋ ସହିତ ମିଶିଥିବା ସମସ୍ତ ଲୋକ କୋଭିଡ ଟେଷ୍ଟ କରାଇ ନିଅନ୍ତୁ”
କହିରଖୁ କି ଆଗାମୀ ବିଧାନସଭା ନିର୍ବାଚନ ପାଇଁ ଅଖିଳେଶ ଯାଦବ ଓ ତାଙ୍କ ପତ୍ନୀ ଡିମ୍ପଲ ଯାଦବ ରାଜ୍ୟସାରା ବୁଲି ବୁଲି ବିଜୟ ଯାତ୍ରା କରୁଛନ୍ତି । ଏହି କାର୍ଯ୍ୟକ୍ରମରେ ସମାଜବାଦୀ ପାର୍ଟିର ହଜାର ହଜାର କାର୍ଯ୍ୟକର୍ତ୍ତା ଯୋଗ ଦେଉଥିବା ଦେଖିବାକୁ ମିଳିଛି । ଅନ୍ୟପଟେ ମୁଲାୟମ ସିଂ ଯାଦବ ଦିଲ୍ଲୀରେ ଏକ ବିବାହ କାର୍ଯ୍ୟକ୍ରମରେ ଆରଏସଏସ ମୁଖ୍ୟ ମୋହନ ଭାଗବତ ସମେତ ଅନେକ ନେତାଙ୍କ ସହ ସାକ୍ଷାତ କରିଥିଲେ । ତେଣୁ ଡିମ୍ପଲ ଓ ତାଙ୍କ ଝିଅଙ୍କ କୋଭିଡ ରିପୋର୍ଟ ପଜିଟିଭ ଆସିବା ପରେ ପୁରା ପରିବାର ଓ ତାଙ୍କ ସହିତ ମିଶିଥିବା ଲୋକମାନେ ତୁରନ୍ତ ସେମାନଙ୍କ କୋଭିଡ ଟେଷ୍ଟ କରାଇ ନିଅନ୍ତୁ ବୋଲି ସେ ଅନୁରୋଧ କରିଛନ୍ତି ।
मैंने कोविड टेस्ट कराया जिसकी रिपोर्ट पॉजिटिव है।
मैं पूरी तरह से वैक्सिनेटेड हूं और कोई भी लक्षण अभी दिखाई नहीं दे रहे है।
अपनी और दूसरों की सुरक्षा की दृष्टि से मैंने खुद को अलग कर लिया है।
हाल फिलहाल मुझसे मिलने वाले सभी लोगों से अनुरोध है कि वे अपना टेस्ट जल्द कराएं।
— Dimple Yadav (@dimpleyadav) December 22, 2021
ସୂଚନା ଥାଉକି କରୋନାର ନୂଆ ଭାରିଆଣ୍ଟ ଓମିକ୍ରନ ସଂକ୍ରମଣ ଏବେ ଦେଶରେ ତୀବ୍ର ଗତିରେ ବଢିଚାଲିଛି । ଏପର୍ଯ୍ୟନ୍ତ ଦେଶର ୧୫ ଟି ରାଜ୍ୟରେ ୨୨୯ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।