ନୁପୂର ଶର୍ମାଙ୍କୁ ନେଇ ଆଜମେର ଦରଘା ପରିଚାଳକଙ୍କ ହିଂସା ଉଦ୍ରେକକାରୀ ଭିଡିଓ ଜାରୀ, ଜାଣନ୍ତୁ ନୁପୂରଙ୍କ ନେଇ କଣ କହିଲେ ସଲମାନ
କନକ ବ୍ୟୁରୋ : ଦେଶରେ ମହଙ୍ଗାମାଡ, ରାଜନୈତିକ ଅସ୍ଥିରତା, ବେରୋଜାଗରୀ , ଭୋକ ଉପରେ ଏବେ ଭାରି ପଡୁଛି ଧାର୍ମିକ ଉନ୍ମାଦନା । ଦେଶର ୮୦ କୋଟି ଜନତା ସରକାରଙ୍କ ହାତଟେକା ରାସନ ସାମଗ୍ରୀକୁ ଭରଶା କରି ଜୀବନ ଜୀଉଁଥିବା ବେଳେ କିଛି ଧାମିର୍କ ମୌଳିବାଦୀ ଧର୍ମନାମରେ ଜାତି ନାମରେ ହିଂସା ଭିଆଇ ବାସ୍ତବ ସମସ୍ୟା ଉପରୁ ଲୋକଙ୍କ ଦୃଷ୍ଟି ଫେରାଇ ନେବାକୁ ଚେଷ୍ଟା କରୁଛନ୍ତି । ଏହି କ୍ରମରେ କିଛିଦିନ ହେବ ଦେଶରେ ବିଜେପିର ପୂର୍ବ ପ୍ରବକ୍ତା ନୁପୂର ଶର୍ମାଙ୍କ ବୟାନ ନିଆଁ ଲଗାଇ ଦେଇଛି । ଜଣଙ୍କ ପରେ ଜଣେ ଏହି ନିଆଁରେ ଜଳି ଯାଉଛନ୍ତି । ଉଦୟପୁରର କହ୍ନେୟାଲାଲ ଓ ଅମରାବତୀରେ ଜଣେ ମେଡିସିନ ବ୍ୟବସାୟୀଙ୍କୁ ନିର୍ମମ ଭାବେ ହତ୍ୟା କରିଛନ୍ତି ଏହି ଧାର୍ମିକ ମୌଳବାଦୀମାନେ । ହେଲେ ଏବେ ନୁପୂରଙ୍କ ନିଆଁରେ ପୁଣି ଘିଅ ଢାଳିଛନ୍ତି ଆଜମେର ଦରଘାର ଜଣେ ପରିଚାଳକ ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଆଜମେର ଦରଘାର ପରିଚାଳକ ସଲମାନ ଚିସ୍ତି ଏକ ଭିଡିଓ ଜାରୀ କରି କହିଛନ୍ତି କି ଜିଏ ନୁପୂରଙ୍କ ମୁଣ୍ଡକାଟି ଆଣିପାରିବ ସେ ତାଙ୍କୁ ଆଜମେରର ଗୋଟିଏ ଦୋକାନ ମାଗଣାରେ ଦେଇଦେବେ । କହିରଖୁ କି ସଲମାନ ପୂର୍ବରୁ ବି କିଛି ଅପରାଧରେ ସାମିଲ ଅଛନ୍ତି । ଏହି ଭିଡିଓରେ ସଲମାନ କହୁଛନ୍ତି କି, ଆରମ୍ଭରୁ ସେମାନଙ୍କୁ ଚେକ୍ ଦେଇଥିଲେ ସେମାନେ ଏଭଳି କଥା କହିବାକୁ ସାହସ କରିପାରି ନଥାନ୍ତେ । ଏହାସହ ସେ ତାଙ୍କ ମାଙ୍କ ନାମରେ ନିୟମ ଦେଇ କହିଛନ୍ତି କି ନୁପୂର ଶର୍ମା ତାଙ୍କ ସାମ୍ନାକୁ ଆସିଲେ ସେ ତାଙ୍କୁ ଗୁଳିମାରି ହତ୍ୟା କରିଦେବେ ।
ସଲମାନଙ୍କ ଏଭଳି ଭିଡିଓ ଭାଇରାଲ ହେବା ପରେ ଅଲବର ଗେଟ୍ ଥାନାରେ ମାମଲା ରୁଜୁ ହୋଇଛି । ଅଜମେର ଏସପି ବିକାଶ ସାଂଗବନ କହିଛନ୍ତି କି ଏହି ମାମଲାରେ ପୋଲିସ କଡା କାର୍ଯ୍ୟାନୁଷ୍ଠାନ ନେବାକୁ ପ୍ରସ୍ତୁତ ହେଉଛି । ଏହି ଭିଡିଓରେ ସଲମାନ ନିଶାରେ ଥିବା ଭଳି ନଜର ଆସୁଥିବା କଥା ଏସପି କହିଛନ୍ତି ।