କନକ ନ୍ୟୁଜରେ ଖବର ପ୍ରସାରଣ ପରେ ଡାକ୍ତର ନିଯୁକ୍ତି ନେଇ ମିଳିଲା ପ୍ରତିଶ୍ରୁତି । ୭ ଦିନ ପରେ ଆନ୍ଦୋଳନରୁ ଓହରିଲେ ଆନ୍ଦୋଳନକାରୀ ।
କନକ ବ୍ୟୁରୋ: ଖବର ବାଜିଲା ପ୍ରଭାବ ପଡିଲା । କନକ ନ୍ୟୁଜରେ ଖବର ପ୍ରସାରଣ ପରେ ଡାକ୍ତର ନିଯୁକ୍ତ ହେବାର ମିଳିଲା ପ୍ରତିଶ୍ରୁତି । ଆଉ ଡାକ୍ତର ନିଯୁକ୍ତି ଦାବି ନେଇ ୭ ଦିନ ହେଲା ଆମରଣ ଅନଶନରେ ବସିଥିବା ଆନ୍ଦୋଳନକାରୀ ଧାରଣାରୁ ହଟିଛନ୍ତି । କିଛି ଦିନ ତଳେ ରାଜକନିକା ଓଳାଭରରେ ଥିବା ରାଧାନାଥ ରଥ ହସପିଟାଲରେ ଫାର୍ମାାସିଷ୍ଟ ଚିକିତ୍ସା କରୁଥିବା ଖବର ପ୍ରସାରଣ ହୋଇଥିଲା । ଏହାର ବିରୋଧ କରି ଆମରଣ ଅନଶନ କରିଥିଲେ କିଛି ସାମାଜିକ କର୍ମୀ । ଚିକିତ୍ସା ବିଭାଗରେ ମହିଳା ୱାର୍ଡରୁ ନେଇ ଗୁରୁତ୍ୱପୁର୍ଣ୍ଣ ବିଭାଗ ଗୁଡିକରେ ଝୁଲୁଛି ତାଲା । ସନ୍ଧ୍ୟା ହେଲେ ମେଡିକାଲ ବି ବନ୍ଦ ରହୁଥିଲା । କୌଣସି ଗୁରୁତର ରୋଗୀଟିଏ ଆସିଲେ ଚିକିତ୍ସା ଟିକେ ମିଳିପାରୁନି । ସମସ୍ୟା ନେଇ ବହୁବାର ଅଭିଯୋଗ କରାଯାଇଥିଲେ ବି କୌଣସି ପ୍ରକାରର ସମାଧାନ ହୋଇପାରିନଥିଲା । ଏନେଇ ଆମରଣ ଅନଶନ କରିବା ସହ ଡାକ୍ତର ନିଯୁକ୍ତି ନଦେବା ପର୍ଯ୍ୟନ୍ତ ଏହି ଅନଶନ ଜାରି ରଖିବାକୁ ଦିଆଯାଇଥିଲା ଚେତାବନୀ ।
Kanak News is now on WhatsApp
Join and get latest news updates delivered to you via WhatsApp
ତେବେ ଘଟଣା ନେଇ ଖବର କନକ ନ୍ୟୁଜରେ ପ୍ରସାରଣ ହେବା ପରେ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଅଧିକାରୀ ପହଞ୍ଚି ପ୍ରତିଶ୍ରୁତି ଦେଇଛନ୍ତି । ଖୁବଶୀଘ୍ର ଡାକ୍ତରଖାନାରେ ଡାକ୍ତର ନିଯୂୁକ୍ତି କରାଯିବା ସହ ଲୋକଙ୍କୁ ସବୁ ସମୟରେ ଚିକିତ୍ସା ମିଳିବ । ଯାହାକୁ ନେଇ ସ୍ଥାନୀୟ ଅଞ୍ଚଳରେ ବେଶ ଖୁସି ଦେଖିବାକୁ ମିଳିଛି।