ବିଦ୍ରୋହୀଙ୍କୁ ଆଦିତ୍ୟ ଠାକରେଙ୍କ ଖୋଲା ଚ୍ୟାଲେଞ୍ଜ । କହିଲେ ସାହସ ଅଛି ତ ନିର୍ବାଚନ ଲଢ
କନକ ବ୍ୟୁରୋ : ଶିବସେନାର ବଦ୍ରୋହୀ ଗୋଷ୍ଠୀ ସରକାର ଗଠନ କରିବାରେ ସଫଳ ହୋଇଥିଲେ ବି ମହାରାଷ୍ଟ୍ର ରାଜନୀତିରେ ଏବେ ବି ଭରି ରହିଛି ଉଷ୍ମତା । ଏହି ଲଢେଇ ପ୍ରଥମେ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କ ଇସ୍ତଫା ପର୍ଯ୍ୟନ୍ତ ସୀମିତ ଥିବା ବେଳେ ଏବେ ଏହା ଶିବସେନାର ସମ୍ମାନ ପର୍ଯ୍ୟନ୍ତ ଆସିଯାଇଛି । ଗୋଟିଏ ପଟେ ମୁଖ୍ୟମନ୍ତ୍ରୀ ଏକନାଥ ସିନ୍ଦେ ବାରମ୍ବାର ଦାବି କରୁଛନ୍ତି କି ଅସଲି ଶିବସେନା ତାଙ୍କ ପାଖରେ ରହିଛି ତ ସେପଟେ ଉଦ୍ଧବ ଠାକରେ କହିଛନ୍ତି କି, କୌଣସି ପରିସ୍ଥିତିରେ ଶିବସେନାକୁ ସିନ୍ଦେଙ୍କ ହାତକୁ ଯିବାକୁ ଦିଆଯିବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏସବୁ ଭିତରେ ଆଜି ଉଦ୍ଧବ ଠାକରେଙ୍କ ପୁଅ ତଥା ମହାରାଷ୍ଟ୍ରର ପୂର୍ବତନ ମନ୍ତ୍ରୀ ଉଦ୍ଧବ ଠାକରେ ବିଦ୍ରୋହୀ ମାନଙ୍କ ଖୋଲା ଚ୍ୟାଲେଞ୍ଜ ଦେଇଛନ୍ତି । ସେ କହିଛନ୍ତି ଅସଲି ଶିବସେନା ନେତାମାନେ ଏବେ ଦଳରେ ରହିଛନ୍ତି । କେବଳ ନକଲିମାନେ ଏକ ଗୋଷ୍ଠୀ ଗଠନ କରି ଦଳକୁ ଧୋକ୍କା ଦେଇଛନ୍ତି । ଏହାସହ ସେ ବିଦ୍ରୋହୀମାନଙ୍କୁ ଚେତାବନୀ ଦେଇ କହିଛନ୍ତି କି ଯଦି ସାହସ ଅଛି ତେବେ ନିର୍ବାଚନ ଲଢି ନିଜକୁ ପ୍ରମାଣିତ କର । ଏହାସହ ଏବେ ବି ଯେଉଁମାନେ ପୁଣି ଦଳକୁ ଫେରିବାକୁ ଚାହୁଁଛନ୍ତି ସେମାନଙ୍କ ପାଇଁ ଦ୍ୱାର ଖୋଲାଅଛି ବୋଲି ଆଦିତ୍ୟ ସ୍ପଷ୍ଟ କରିଛନ୍ତି ।
କହିରଖୁ କି ଆଦିତ୍ୟ ଠାକରେ ଏବେ ବି ଆଶା ରଖିଛନ୍ତି କି ବିଦ୍ରୋହୀ ବିଧାୟକଙ୍କ ମଧ୍ୟରୁ କିଛି ବିଧାୟକ ପୁଣି ଦଳକୁ ଫେରିବେ । ସେପଟେ ଏବେ ଉଦ୍ଧବଙ୍କ ପାଇଁ ମୁଖ୍ୟ ଚ୍ୟାଲେଞ୍ଜ ହେଉଛି ବିଏମସି ନିର୍ବାଚନ । କାରଣ ବିଏମସି ସର୍ବଦା ଶିବସେନା ଦଖଲରେ ରହି ଆସିଛି । ହେଲେ ଏବେର ପରିସ୍ଥିତିରେ ଉଦ୍ଧବ ବିଏମସି ନିର୍ବାଚନରେ ସଫଳ ହେଲେ ତାହା ହିଁ ତାଙ୍କ ଲୋକପ୍ରିୟତାର ପ୍ରମାଣ ହେବ ।