ଆଦାନୀ-ହିଣ୍ଡେନବର୍ଗ ମାମଲା ସୁପ୍ରିମକୋର୍ଟରେ ଶୁଣାଣି, ନିବେଶକଙ୍କୁ ନେଇ ଚିନ୍ତାପ୍ରକଟ କଲେ କୋର୍ଟ
କନକ ବ୍ୟୁରୋ : ଆଦାନୀ ଗ୍ରୁପ ଉପରେ ହିଣ୍ଡେନବର୍ଗ ରିସର୍ଚ୍ଚ ଫାର୍ମ ଦେଇଥିବା ରିପୋର୍ଟକୁ ନେଇ ସାରା ଦେଶରେ ହୋ ହାଲ୍ଲା ଲାଗି ରହିଛି । ଏନେଇ ଆଦାନୀଙ୍କ ତରଫରୁ ସୁପ୍ରିମକୋର୍ଟରେ ହିଣ୍ଡେନବର୍ଗ ରିପୋର୍ଟ ବିରୋଧରେ ହୋଇଥିବା ମାମଲାର ଆଜି ଶୁଣାଣି କରିଛନ୍ତି କୋର୍ଟ । ଶୁଣାଣି ବେଳେ କୋର୍ଟ ଆଦାନୀ ଗ୍ରୁପରେ ନିବେଶ କରି କୋଟି କୋଟି ଟଙ୍କା ହରାଇଥିବା ନିବେଶକଙ୍କୁ ନେଇ କୋର୍ଟ ଚିନ୍ତାପ୍ରକଟ କରିଛନ୍ତି । ଭବିଷ୍ୟତରେ ଯେମିତି ଏଭଳି ସ୍ଥିତି ନଦେଖାଦିଏ ତାହା ପାଇଁ ସେବି ବା ଭାରତୀୟ ପ୍ରତିବୃତ୍ତି ବିନିମୟ ବୋର୍ଡ ଠାରୁ ପରାମର୍ଶ ମାଗିଛନ୍ତି । ଏହାସହ ଏକ ବିଶେଷଜ୍ଞ କମିଟି ଗଠନ କରିବାକୁ ସଂକେତ ଦେଇଛନ୍ତି । ଏହି ମାମଲାର ପରବର୍ତ୍ତୀ ଶୁଣାଣି ଚଳିତମାସ ୧୩ ତାରିଖରେ ହେବ ବୋଲି କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆବେଦକାରୀଙ୍କ ତରଫରୁ ମାମଲା ଲଢୁଥିବା ଓକିଲ ବିଶାଲ ତିୱାରୀ ଏହି ମାମଲାରେ ଏକ ଯାଂଚ କମିଟି ଗଠନ କରିବାକୁ କୋର୍ଟଙ୍କୁ କହିଥିଲେ । ସେପଟେ ସିଲିସିଟର ଜେନରାଲ କହିଥିଲେ କି ସେ ସେବି ତରଫରୁ କୋର୍ଟରେ ହାଜର ହୋଇଛନ୍ତି । କୋର୍ଟ ଯାହା ପ୍ରଶ୍ନ ପଚାରିବେ ସେ ତାହା ଉପରେ ଉତ୍ତର ରଖିବେ । କୋର୍ଟ କହିଥିଲେ କି ଆମର ଚିନ୍ତା ହେଉଛି କିଭଳି ଭାବେ ଭାରତୀୟ ନିବେଶକଙ୍କୁ ସୁରକ୍ଷା ଦିଆଯାଇପାରିବ ।
ମୁଖ୍ୟ ବିଚାରପତି ଜଷ୍ଟିସ ଡିୱାଇ ଚନ୍ଦ୍ରଚୂଡ କହିଥଲେ କି ୩ରୁ ୪ ମିନିଟରେ କ୍ଷୁଦ୍ର ବିକ୍ରୟ ମାଧ୍ୟମରେ ଅନେକ ବାଣିଜ୍ୟ ହୋଇଥାଏ । ମିଳିଥିବା ସୂଚନା ମୁତାବକ ନିବେଶକମାନେ କୋଟି କୋଟି ଟଙ୍କା ହରାଇଛନ୍ତି । ଏହା ଉପରେ ସଲିସିଟର କହିଛନ୍ତି କି, ଏସବୁ ପାଇଁ ଭାରତ ବାହାରେ ଥିବା ଏକ ସଂସ୍ଥା ଦାୟୀ । ଏନେଇ ଆଗକୁ କିଭଳି ନିବେଶକଙ୍କୁ ସୁରକ୍ଷିତ ରଖାଯାଇପାରିବ ତାହା ନେଇ ଆମେ ଚିନ୍ତିତ, ହେଲେ ତୁରନ୍ତ କିଛି କହିବା ଠିକ୍ ନୁହେଁ ବୋଲି ସଲିସିଟର କହିଛନ୍ତି ।
ମୁଖ୍ୟ ବିଚାରପତି କହିଛନ୍ତି କି ଆସନ୍ତା ସୋମବାରକୁ ଏହି ମାମଲାର ପରବର୍ତ୍ତୀ ଶୁଣାଣି ପାଇଁ ବ୍ୟବସ୍ଥା ହୋଇଛି । ଏଥିରେ କିଭଳି ସୂଧାର ହୋଇପାରିବ ତାହା ଉପରେ ବିଚାର କରାଯିବ । ଏହାସହ ସେ କହିଥିଲେ କି କେବଳ ଧନୀ ଲୋକ ନିବେଶ କରିନାହାଁନ୍ତି, ଏହି ନିବେଶରେ ମଧ୍ୟମବର୍ଗର ଲୋକମଧ୍ୟ ସାମିଲ ଅଛନ୍ତି ।