ଛତିଶଗଡରୁ କୋରାପୁଟ ଆସୁଥିବା ସ୍କର୍ପିଓରୁ ଲକ୍ଷ ଲକ୍ଷ ଟଙ୍କା ଜବତ କଲେ ବିଏସଏଫ୍ ଯବାନ୍ । ୨ ଜଣଙ୍କୁ ଅଟକ ରଖି ଓଡିଶା ପୁଲିସକୁ କଲେ ହସ୍ତାନ୍ତର ।
କନକ ବ୍ୟୁରୋ: ଛତିଶଗଡରୁ କୋରାପୁଟ ଆସୁଥିବା ଏକ ସ୍କର୍ପିଓରୁ ୫୧ ଲକ୍ଷ ୧୬ ହଜାର ୬୫୦ ଟଙ୍କା ଜବତ ହୋଇଛି । ବିଏସଏଫ ଜବାନମାନେ କୋରାପୁଟ ଜିଲ୍ଲା ଲମତାପୁଟ ବ୍ଲକ ମାଛକୁଣ୍ଡ ପୁଲିସ ଥାନାର କୋଡ୍ରିମାଳପୁଟ ନିକଟରେ ଏହି ଟଙ୍କା ଜବତ କରିଛନ୍ତି । ବିଏସଏଫ ଏହି ଟଙ୍କା, ୪ଟି ମୋବାଇଲ ଓ ସ୍କର୍ପିଓ ଜବତ କରିବା ସହ ୨ ଜଣ ଲୋକଙ୍କୁ ଅଟକ ରଖି ଓଡିଶା ପୁଲିସକୁ ହସ୍ତାନ୍ତର କରିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ବିଏସଏଫ ଯବାନମାନେ ଡ୍ୟୁଟିରେ ଥିବା ବେଳେ ରାସ୍ତାରେ ଯାଉଥିବା ସ୍କର୍ପିଓକୁ ଦେଖି ସନ୍ଦେହ କରିଥିଲେ । ଗାଡିକୁ ଯାଂଚ କରିବା ସମୟରେ ଏତେ ପରିମାଣର ଟଙ୍କା ମିଳିଥିଲା । ପୁଲିସ ୨ ଜଣଙ୍କୁ ଅଟକ ରଖି ପଚରା ଉଚୁରା କରୁଛି । ଘଟଣା ସଂପର୍କରେ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି କୋରାପୁଟ ଅତିରିକି ଏସପି । ଗଂଜେଇ ମାଫିଆଙ୍କ ଦ୍ୱାରା ଏହି ଟଙ୍କା ଚାଲାଣ ହେଉଥିବା ଆଡିସନାଲ ଏସପି କହିଛନ୍ତି ।