୩ସାଙ୍ଗ ଓ ୨୩ ବର୍ଷ ପୁରୁଣା କାରର କାହାଣୀ । ଦେଶରୁ ଦେଶ ବୁଲିବା ଏମାନଙ୍କ ସ୍ୱପ୍ନ
କନକ ବ୍ୟୁରୋ : ୩ସାଙ୍ଗ ଓ ୨୩ ବର୍ଷ ପୁରୁଣା କାର୍, କାହାଣୀ ଶୁଣିଲେ ଆଶ୍ଚର୍ଯ୍ୟ ହେବେ । ବର୍ତ୍ତମାନ ଯୁଗରେ ଯୁବପୀଢିମାନେ ବିଭିନ୍ନ ନୂଆ ନୂଆ ସ୍ଥାନ ବୁଲିବାକୁ ବେସ୍ ପସନ୍ଦ କରୁଛନ୍ତି । ନୂଆ ଗାଡି ଖଣ୍ଡେ ମିଳିଗଲେତ ବୁଲିବାର ମଜା ଆହୁରି ବଢିଯାଏ । କିନ୍ତୁ କିଏ କେବେ ଦେଖିଛନ୍ତି କି, ୨୩ରୁ ୨୫ବର୍ଷ ପୁରୁଣା ଗାଡିକୁ ଧରି କିଏ ଦେଶ ବିଦେଶ ବୁଲିବା କଥା । ଏବେ ଆମେ କହିବାକୁ ଯାଉଛି ୩ଜଣ ସାଙ୍ଗଙ୍କ କଥା ଯିଏ ୨୩ବର୍ଷ ପୁରୁଣା ଏକ କାରକୁ ଧରି ୯ଟି ଦେଶ ବୁଲିସାରିଲେଣି । ଆଗକୁ ମଧ୍ୟ ଆହୁରି ଦେଶ ବୁଲିବାର ଯୋଜନା ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଇଂଲଣ୍ଡରେ ଜନ୍ମଗ୍ରହଣ କରିଥିବା ତିନି ସାଙ୍ଗ ଡ୍ୟାନିୟଲ୍ ପେଟର୍ନ, ଜୋଏ ଫିସର ଏବଂ କ୍ୟାଲମ କିଷ୍ଟନ ଏକ ଆଡଭେଞ୍ଚର ଟ୍ରିପରେ ବାହାରିପଡିଥିଲେ । ଏହି ତିନିଜଣ ସ୍କଟଲ୍ୟାଣ୍ଡରୁ ଯାତ୍ରା ଆରମ୍ଭ କରିଥିଲେ । ଏବଂ ୨୦ ଦେଶ ବୁଲିବାର ଯୋଜନା ରଖିଛନ୍ତି । ପାଖାପାଖି ୧୫ହଜାର କିମି ଦୂର ଅତିକ୍ରମ କରି ଭାରତ ପହଞ୍ଚିବାର ଲକ୍ଷ ରଖିଛନ୍ତି । ଭାରତରେ ପହଞ୍ଚି ଏମାନେ ଦିଲ୍ଲୀ ଓ ମୁମ୍ବାଇରେ ବୁଲିବାକୁ ଚାହୁଁଛନ୍ତି ।
ଏହି ଲମ୍ବା ଯାତ୍ରାରେ ୩ଜଣ ସାଙ୍ଗ ତାଙ୍କ ସାଙ୍ଗରେ ନେଇଯାଇଛନ୍ତି ୩ଟି ସ୍ଲିପିଂ ବେଡ୍, ୨୧ ବକ୍ସର ଏବଂ ଆଉ କିଛି ସାର୍ଟ ଓ ଟିସର୍ଟ । ଏହି ଲମ୍ବା ଯାତ୍ରାରେ ଆନୁମାନିକ ମୂଲ୍ୟ ୧୫ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ୩ସାଙ୍ଗ କହିଛନ୍ତି । ଖାଇବା ପିଇବା, ଗାଡିରେ ତେଲ ପକାଇବା, ସର୍ଭିସ କରିବା, ଡ୍ରେସ୍ କିଣିବା ଏବଂ ସଫା କରିବା ସହିତ ମୋବାଇଲ ଡାଟାକୁ ମିଶାଇ ୧୫ଲକ୍ଷ ଟଙ୍କା ଖର୍ଚ୍ଚ ହେବ ବୋଲି ସେ କହିଛନ୍ତି ।
ତେବେ ବର୍ତ୍ତମାନ ସୁଦ୍ଧା ଏହି ତିନି ସାଙ୍ଗ ପ୍ରାୟ ୯ଟି ଦେଶ ବୁଲିସାରିଲେଣି । ସେହି ଦେଶଗୁଡିକ ହେଉଛି, ୟୁକେ, ଫ୍ରାନ୍ସ, ବେଲଜିୟମ୍, ଜର୍ମାନୀ, ଲକ୍ଜମବର୍ଗ, ଚେକ୍ ଗଣରାଜ୍ୟ, ଅଷ୍ଟ୍ରିୟା, ସ୍ଲୋବେନିୟା ଏବଂ କ୍ରୋଏସିଆ ସାମିଲ ରହିଛି । ଏହି ତିନି ସାଙ୍ଗ ଦେଶରୁ ଆଉ ଏକ ଦେଶ ବୁଲିବା ଭିତରେ କୌଣସି ହୋଟେଲରେ ରହିନାହାନ୍ତି । ପାର୍କିଂରେ କାର ପାର୍କ କରି କାରରେ ହିଁ ଶୋଇଯାଆନ୍ତି । ସବୁଠୁ ବଡକଥା ହେଉଛି ଏମାନେ ଯେଉଁ ଗାଡି ନେଇ ଯାତ୍ରା ଆରମ୍ଭ କରିଛନ୍ତି ସେହି ଗାଡି ୨୩ବର୍ଷ ପୁରୁଣା ହୋଇଥିବା ବେଳେ ସେଥିରେ ଏସି ନାହିଁ । ତଥାବି ଏମାନେ ସେହି ପୁରୁଣା କାରକୁ ଧରି ଗୋଟେ ଦେଶରୁ ଆଉ ଗୋଟେ ଦେଶ ବୁଲିବାର ସାହସ ଦେଖାଇଛନ୍ତି ।