ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇ ପାରନ୍ତି ହେମନ୍ତ ସୋରେନ, ୨ ସପ୍ତାହ ମଧ୍ୟରେ ଆସିପାରେ ନିର୍ବାଚନ କମିଶନଙ୍କ ରାୟ !
କନକ ବ୍ୟୁରୋ : ଝାଡଖଣ୍ଡ ମୁଖ୍ୟମନ୍ତ୍ରୀଙ୍କ ପାଇଁ ଅଡୁଆ ବଢିବାରେ ଲାଗିଛି । ଖଣି ଖୋଳିବା ପାଇଁ ଦେଇଥିବା ଲିଜ୍ ମାମଲାରେ ୧୦-୧୫ ଦିନ ମଧ୍ୟରେ ନିର୍ବାଚନ କମିଶନ ନିଷ୍ପତ୍ତି ଶୁଣାଇପାରନ୍ତି ବୋଲି ଏକ ସୂତ୍ର ସୂଚନା ମାଧ୍ୟମରେ କୁହାଯାଇଛି । ସୁତ୍ର ସୂଚନା ମୁତାବକ ଯଦି ହେମନ୍ତ ସୋରେନଙ୍କ ବିରୋଧରେ ହୋଇଥିବା ଅଭିଯୋଗ ପ୍ରମାଣିତ ହୁଏ ତେବେ ତାଙ୍କ ମୁଖ୍ୟମନ୍ତ୍ରୀ ପଦ ଯାଇପାରେ ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ବିରୋଧରେ ନିର୍ବାଚନ କମିଶନଙ୍କ ନିଟକରେ ଖନନ ଲିଜ ମାମଲାକୁ ନେଇ ହୋଇଥିବା ଅଭିଯୋଗର ଶୁଣାଣି ଶେଷ ହୋଇଛି । ଏହା ପୂର୍ବରୁ ନିର୍ବାଚନ ଆୟୋଗଙ୍କ ନିକଟକରେ ହେମନ୍ତ ସୋରେନଙ୍କ ବିରୋଧରେ ହୋଇଥିବା ଅଭିଯୋଗର ଶୁଣାଣି ଚଳିତମାସ ୧୨ ତାରିଖରେ ହୋଇଥିଲା । ଏହି କ୍ରମରେ ନିର୍ବାଚନ କମିଶନର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କ ଓକିଲଙ୍କ ଠାରୁ ଏକ ଲିଖିତ ଦାଖଲ ଲୋଡାଯାଇଥିଲା । ବରିଷ୍ଠ ଓକିଲ ମିନାକ୍ଷୀ ଆରୋରାଙ୍କ ତରଫରୁ ନିର୍ବାଚନ ଆୟୋଗଙ୍କ ସମ୍ମୁଖରେ ଦୁଇଘଣ୍ଟା ଧରି ହେମନ୍ତ ସୋରେନଙ୍କ ସପକ୍ଷରେ ନିର୍ବାଚନ ଆୟୋଗଙ୍କ ନିକଟରେ ଯୁକ୍ତି ବାଢିଥିଲେ । ସେ କହିଥିଲେ ଯେ, ରାଞ୍ଚିର ଆନାଗାଡାରେ ହେମନ୍ତ ସୋରେନଙ୍କ ନାମରେ ଆବଣ୍ଟିତ ପଥର ଖଣି ମାମଲା ଜନପ୍ରତିନିଧି ଆଇନ ୧୯୫୧ ର (୯ଏ) ଅଧିନରେ ଆସେନାହିଁ ।
ଅନ୍ୟପଟେ ହେମନ୍ତ ସୋରେନଙ୍କ ଭାଇ ଏବଂ ଦୁମକା ବିଧାୟକ ବସନ୍ତ ସୋରେନଙ୍କ ଜେଏମଏମ ବିଧାୟକଙ୍କ ସହ ଜଡିତ ମାମଲା ମଧ୍ୟ ନିର୍ବାଚନ ଆୟୋଗଙ୍କ ସମ୍ମୁଖରେ ରହିଛି । ଏନେଇ ଝାଡଖଣ୍ଡ ବିଜେପି ପକ୍ଷରୁ ହେମନ୍ତ ସୋରେନ ଓ ତାଙ୍କ ଭାଇ ବସନ୍ତ ସୋରେନଙ୍କ ନାମରେ ପଥର ଖଣି ଲିଜ ବିଷୟକୁ ନେଇ ନିର୍ବାଚନ ଆୟୋଗଙ୍କ ନିକଟରେ ଅଭିଯୋଗ କରିଥିଲେ । ଏହାସହ ଜନପ୍ରତିନିଧି ଆଇନର ଧାରା ୯(ଏ) ମୁତାବକ ମୁଖ୍ୟମନ୍ତ୍ରୀଙ୍କୁ ବିଧାନସଭାରୁ ଅଯୋଗ୍ୟ ଘୋଷଣା କରିବାକୁ ରାଜ୍ୟପାଳଙ୍କୁ ଏକ ସ୍ମାରକପତ୍ର ପ୍ରଦାନ କରିଥିଲେ ।