କନକ ବ୍ୟୁରୋ: ଗାଡ଼ି ଡିକି ଭାଙ୍ଗି ୨ଲକ୍ଷ ଲୁଟିନେଲେ ଦୁର୍ବୃତ । କୋଣାର୍କ ଗୋପ ଥାନା ନିକଟ ଲକ୍ଷ୍ମୀବଜାରରେ ଏଭଳି ଘଟଣା ଘଟିଛି । ଝିଅ ବାହାଘର ପାଇଁ ଗୋପ ଥାନା ବେଦପୁର ପଂଚାୟତ ମଲ୍ଲିକ ସାହିର ତପନ ବୋଷ ମଲ୍ଲିକ ୨ଲକ୍ଷ ଟଙ୍କା ଉଠାଇଥିଲେ । ଗୋପ ବଜାର ଉପରେ ଥିବା ଷ୍ଟେଟବ୍ୟାଙ୍କରୁ ୨ ଲକ୍ଷ ଟଙ୍କା ଉଠାଇଥିଲେ ତପନ । ବାହାଘର ପାଇଁ କିଛି ଜିନିଷ ପତ୍ର କିଣି ଗାଡ଼ି ନିକଟକୁ ଫେରିଲା ବେଳକୁ ଗାଡ଼ିର ଡିକି ଭାଙ୍ଗି ଟଙ୍କା ନେଇ ଫେରାର ହୋଇଯାଇଛନ୍ତି ଦୁର୍ବୃତ । ଘଟଣାକୁ ନେଇ ଗୋପ ଥାନାରେ ଅଭିଯୋଗ ପରେ ପୋଲିସ ଏହାର ତଦନ୍ତ କରୁଛି । ସେପଟେ ଆଉ ଏକ ଲୁଟ୍ ଘଟଣାରେ ଟଙ୍କା ଫେରିପାଇଛନ୍ତି ଯାଜପୁର ଅଂଚଳର ଜଣେ ବୃଦ୍ଧ ବ୍ୟକ୍ତି । ଯାଜପୁର ଜିଲ୍ଳା ଧର୍ମଶାଳା ପୋଲିସ ସହାୟତାରେ ଲୁଟ ହୋଇଥିବା ଟଙ୍କା ବୃଦ୍ଧ ଜଣଙ୍କ ଫେରିପାଇଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ଏନେଇ ଆଜି ଧର୍ମଶାଳା ଥାନା ପରିସରରେ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ଯାଜପୁରର ଅତିରିକ୍ତ ଏସପି ନାରାୟଣ ବାରିକ । ପୁଲିସ ସୂଚନା ଅନୁଯାୟୀ ବ୍ରହ୍ମବରଦା ସାହାପଡା ଅଂଚଳର ଇନ୍ଦ୍ରମଣି ପରିଡା ଗତ ୧୪ ତାରିଖ ଦିନ ନିକଟସ୍ଥ ବ୍ୟାଙ୍କରୁ ଝିଅ ବାହାଘର ପାଇଁ ୪ଲକ୍ଷ ୨୦ ହଜାର ଟଙ୍କା ଉଠାଇ ନିଜ ପୁଅ ସହ ଘରକୁ ଫେରୁଥିଲେ । ହଠାତ ପଛରୁ ଦୁଇଟି ବାଇକରେ ଚାରିଜଣ ଲୁଟେରା ଆସି ଟଙ୍କାକୁ ଝାମ୍ପି ନେଇ ଫେରାର ହୋଇଯାଇଥିଲେ । ଲୁଟେରା ମାନେ ଟଙ୍କା ଲୁଟି ନେଇ ଯାଉଥିବା ବେଳେଜଣେ ବୃଦ୍ଧଙ୍କୁ ନାଳକୂଳ ଗାଁ ନିକଟରେ ଧକ୍କା ଦେଇ ତଳେ ପଡିଯାଇଥିଲେ । ଖବର ପାଇ ସ୍ଥାନୀୟ ଲୋକେ ଲୁଟେରାଙ୍କୁ କାବୁ କରିବା ପରେ ଧର୍ମଶାଳା ପୁଲିସ ତଦନ୍ତ କରି ଗଂଜାମ ଜିଲ୍ଳା ଅସିକା ନିକଟ ତୁମ୍ବା ଯାଙ୍ଗାପାଲି ଗ୍ରାମର ଏମ ଚନ୍ଦୁ, ଜେ ରାଜେଶକୁ ଗିରଫ କରିଛି । ଏହା ସହ ଲୁଟ ଟଙ୍କାକୁ ଉଦ୍ଧାର କରି ଇନ୍ଦ୍ରମଣି ପରିଡାଙ୍କୁ ହସ୍ତାନ୍ତର କରିଛି ପୋଲିସ । ଆଜି ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଛି । ଅନ୍ୟଦୁଇ ଲୁଟେରା ଫେରାର ଅଛନ୍ତି । ଏମାନେ ଦୀର୍ଘ ଦିନ ହେବ ବାଲିଚନ୍ଦ୍ରପୁରଠାରେ ଭଡାଘର ରହି ବ୍ୟାସନଗର, କୁଆଖିଆ, ଜାରକା ପ୍ରଭୃତି ଅଂଚଳରେ ବ୍ୟାଙ୍କରୁ ଟଙ୍କା ଉଠାଉଥିବା ଲୋକଙ୍କୁ ଟାର୍ଗେଟ କରୁଥିଲେ । ଟଙ୍କା ଲୁଟ୍ ସହ ମୋବାଇଲ ମଧ୍ୟ ଲୁଟ୍ କରୁଥିଲେ ଏହି ଦୁର୍ବୃତ ମାନେ ।