ହିଣ୍ଡାଲକୋ ପକ୍ଷରୁ ‘ଡାଉନଷ୍ଟ୍ରିମ୍ ଆଲୁମିନିୟମ ଶିଳ୍ପରେ ଏମଏସଏମଇ ପାଇଁ ବିନିର୍ମାଣ ସୁଯୋଗ’ ଶୀର୍ଷକ କର୍ମଶାଳା ଆୟୋଜିତ
କନକ ବ୍ୟୁରୋ: ଆଦିତ୍ୟ ବିର୍ଲା ଗ୍ରୁପ ଏକ ଫ୍ଲାଗସିପ କମ୍ପାନୀ ହିଣ୍ଡାଲକୋ ପକ୍ଷରୁ ଉତ୍କଳ ଚାମ୍ବର ଅଫ କମର୍ସ ଆଣ୍ଡ ଇଣ୍ଡଷ୍ଟ୍ରି ଲିମିଟେଡ, କନଫେଡେରେସନ ଅଫ ଇଣ୍ଡିଆନ ଇଣ୍ଡଷ୍ଟ୍ରି ଏବଂ ୟୁସିସିଆଇଏଲ୍ ସହଯୋଗୀତାରେ ଏକ ଗୁରୁତ୍ୱପୂର୍ଣ୍ଣ କର୍ମଶାଳା ଆୟୋଜିତ ହୋଇଯାଇଛି । କର୍ମଶାଳାରେ ‘ଡାଉନଷ୍ଟ୍ରିମ୍ ଆଲୁମିନିୟମ ଶିଳ୍ପରେ ଏମଏସ୍ଏଟମ୍ଇହ ପାଇଁ ବିନିର୍ମାଣ ସୁଯୋଗ’ ଉପରେ ଦୃଷ୍ଟିନିବଦ୍ଧ କରାଯାଇଥିବାବେଳେ ଆଲୁମିନିୟମ ବିନିର୍ମାଣ ନିମନ୍ତେ ଏକ ବୈଷୟିକ ପେଣ୍ଠସ୍ଥଳ ଭାବରେ ଓଡ଼ିଶାର ବର୍ଦ୍ଧିତ ପ୍ରାଧାନ୍ୟ ଉପରେ ଆଲୋକପାତ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି କର୍ମଶାଳାରେ ନିଜର ଉଦଘାଟନୀ ଅଭିଭାଷଣ ପ୍ରଦାନ କରି ଏସାର ମିନେଟ୍ ଲିମିଟେଡ ସିଇଓ, ଶଶି ଶେଖର ମହାନ୍ତି ଆଲୁମିନିୟମ ଶିଳ୍ପର ମୂଲ୍ୟ ଶୃଙ୍ଖଳରେ ଏମଏସଏମଇ ଗୁଡିକର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଜୋର୍ ଦେଇଥିଲେ । “ଏମଏସ୍ଏମ୍ଇଗୁରଡିକ ମୂଲ୍ୟ ଶୃଙ୍ଖଳ ପୂର୍ଣ୍ଣାଙ୍ଗ କରିବାକୁ କଞ୍ଚାମାଲ ଗତ ନିରାପତ୍ତା, ପ୍ରଯୁକ୍ତିଗତ ସମର୍ଥନ, ପରିଚାଳନାଗତ ପାରଦର୍ଶିତା, ଆର୍ଥିକ ସମର୍ଥନ ଏବଂ ସଫଳ ବଜାର ବ୍ୟବସ୍ଥା ଆବଶ୍ୟକ କରୁଛନ୍ତି । ବୃହତ୍ ଆଲୁମିନିୟମ ଡାଉନଷ୍ଟ୍ରିମ୍ ଶିଳ୍ପଗୁଡିକ ଏହି ସମସ୍ତ ଗୁରୁତ୍ୱପୂର୍ଣ୍ଣ ଉପାଦାନ ଯୋଗାଇ ଦେଇପାରିବେ ଏବଂ ଏମଏସ୍ଏମଇଗୁଡିକୁ ଆଗକୁ ବଢିବାକୁ ସମର୍ଥନ କରାଇପାରିବେ,” ବୋଲି ସେ କହିଥିଲେ ।
ହିଣ୍ଡାଲକୋ ଆଡଭାଇଜର ବିଭୂ ମିଶ୍ର ଓଡ଼ିଶାରେ କମ୍ପାନୀର ଉଲ୍ଲେଖନୀୟ ଉପସ୍ଥିତି ଏବଂ ବିବିଧ ଶିଳ୍ପ ଉପରେ ତାହାର ପ୍ରଭାବ ସମ୍ପର୍କରେ ଆଲୋକପାତ କରିଥିଲେ । “ଆଲୁମିନିୟମ କ୍ଷେତ୍ରରେ ବିଶ୍ୱସ୍ତରରେ ଏକ ଅଗ୍ରଣୀ କମ୍ପାନୀ ହିଣ୍ଡାଲକୋ ଏଭଳି ଡାଉନଷ୍ଟ୍ରିମ୍ ଉତ୍ପାଦଗୁଡିକ ଉତ୍ପାଦନ କରୁଛି, ଯାହା ଖାଦ୍ୟ ପ୍ୟାକେଜିଂ ଠାରୁ ବ୍ୟାଟେରୀ ଏନକ୍ଲୋଜର ପର୍ଯ୍ୟନ୍ତ ବହୁବିଧ ବ୍ୟବହାର୍ଯ୍ୟ ସାମଗ୍ରୀ ନିମନ୍ତେ ବ୍ୟବହାର କରାଯାଉଛି । ଏହି ସମସ୍ତ ଉତ୍ପାଦଗୁଡିକର ବଜାର ସମ୍ପ୍ରସାରିତ ହେଉଛି ଏବଂ ଏହା ଓଡ଼ିଶାସ୍ଥିତ ବ୍ୟବସାୟ ସଂସ୍ଥାଗୁଡିକ ପାଇଁ ଏହା ଉଲ୍ଲେଖନୀୟ ଅଭିବୃଦ୍ଧି ସୁଯୋଗ ପ୍ରଦାନ କରୁଛି,” ବୋଲି ଶ୍ରୀ ମିଶ୍ର ପ୍ରକାଶ କରିଥିଲେ ।
ହିଣ୍ଡାଲକୋ ଜଏଣ୍ଟ ପ୍ରେସିଡେଣ୍ଟ ସାଗର ଧମୋରିକର୍ ଆଲୁମିନିୟମ୍ରୁ ଅନନ୍ୟ ଗୁଣବତ୍ତା ଏବଂ ତାହାର ବହୁବିଧ ବ୍ୟବହାରିତା ସମ୍ପର୍କରେ କହିଥିଲେ । “ଆଲୁମିନିୟମର ଓଜନ ତୁଳନାରେ ଉଚ୍ଚ ସାମର୍ଥ୍ୟ ଅନୁପାତ, ସୁପରିବାହୀ ଏବଂ ଅଣ-ଅବକ୍ଷୟ ଗୁଣ ଏହାକୁ ଅସଂଖ୍ୟ ବ୍ୟବହାର ନିମନ୍ତେ ଉପଯୁକ୍ତ କରି ଗଢିତୋଳୁଛି । ଏକ ସମର୍ଥନକାରୀ ଫାବ୍ରିକେସନ ପରିବ୍ୟବସ୍ଥା ଭାରତକୁ ଏହାର ବିନିର୍ମାଣ ସାମର୍ଥ୍ୟର ପୂର୍ଣ୍ଣ ଫାଇଦା ନେବାକୁ ସମର୍ଥ କରିବ ଏବଂ ଓଡ଼ିଶାର ଅଭିବୃଦ୍ଧିକୁ ପ୍ରୋତ୍ସାହିତ କରିବ । ହିଣ୍ଡାଲ୍କୋି ଏହି ପାରସ୍ପରିକ ଫାଇଦାଜନକ ସୁଯୋଗକୁ ଅଧିକ ପରିପୋଷଣ କରିବାକୁ ପ୍ରତିବଦ୍ଧ ରହିଛି । ଆଲୁମିନିୟମ ବ୍ୟବହାରର ବ୍ୟାପକତା ଦ୍ୱାରା ନିଯୁକ୍ତି ସୁଯୋଗ, ସାମାଜିକ ଉତଥାନରେ ବୃଦ୍ଧି ଘଟିବା ସହିତ ଆଲୁମିନିୟମର ଅସୀମ ବ୍ୟବହାର ସାମର୍ଥ୍ୟ କାରଣରୁ ଏହା ଏକ ସବୁଜ, ଦୀର୍ଘସ୍ଥାୟୀ ଅର୍ଥନୈତିକ ବିକାଶକୁ ଆଗେଇନେବ,” ବୋଲି ଶ୍ରୀ ଧମୋରିକର୍ କହିଥିଲେ । ସେ ମଧ୍ୟ ଆତ୍ମନିର୍ଭର ଭାରତ ସହିତ ଏହି ପ୍ରୟାସର ସମନ୍ୱୟ ଉପରେ ଗୁରୁତ୍ୱ ଦେଇଥିଲେ ।
କର୍ମଶାଳାରେ ଏସଏନଏମ୍ ଗ୍ରୁପ ଚେୟାରମ୍ୟାନ ପ୍ରଦୀପ୍ତ ମହାନ୍ତି, ଆଇଆଇଏମଟି ଡାଇରେକ୍ଟର ଡ.ରାମାନୁଜ ନାରାୟଣ ଏବଂ ୟୁସିସିଆଇଏଲ ଭାଇସ୍ ପ୍ରେସିଡେଣ୍ଟ ସଞ୍ଜୀବ ମହାପାତ୍ରଙ୍କ ଭଳି ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ । ସେମାନେ ସାମୂହିକ ଭାବରେ ନବସୃଜନ, ନିଯୁକ୍ତି ଏବଂ ଆଞ୍ଚଳିକ ଅର୍ଥନୈତିକ ବିକାଶ ନିମନ୍ତେ ଡାଉନଷ୍ଟ୍ରିମ୍ ଆଲୁମିନିୟମ କ୍ଷେତ୍ରରେ ଏମଏସ୍ଏତମଇର ରହିଥିବା ଗୁରୁତ୍ୱପୂର୍ଣ୍ଣ ଭୂମିକା ସମ୍ପର୍କରେ ଉଲ୍ଲେଖ କରିଥିଲେ ।
ଓଡ଼ିଶା ତାହାର ରଣକୌଶଳାତ୍ମକ ଅବସ୍ଥିତି ଏବଂ ସମୃଦ୍ଧ ପ୍ରାକୃତିକ ସମ୍ପଦ ଏହାକୁ ବିଶ୍ୱ ଆଲୁମିନିୟମ ଶିଳ୍ପରେ ଏକ ପ୍ରମୁଖ ଭୂମିକା ଗ୍ରହଣ କରୁଛି । ଡାଉନଷ୍ଟ୍ରିମ ଆଲୁମିନିୟମ କ୍ଷେତ୍ରର ବିକାଶ ଉପରେ ରାଜ୍ୟର ଦୃଷ୍ଟିନିବଦ୍ଧ ଏମ୍ଏସଏମ୍ଇ ଗୁଡିକ ନିମନ୍ତେ ବିପୁଳ ସୁଯୋଗ ଯୋଗାଇ ଦେଉଛି, ଯାହା ଯୋଗାଣ ଶୃଙ୍ଖଳ ଏବଂ ଆଞ୍ଚଳିକ ଅର୍ଥନୈତିକ ଅଭିବୃଦ୍ଧିରେ ଗୁରୁତ୍ୱପୂର୍ଣ୍ଣ ହେଉଛି । ଏହି କର୍ମଶାଳା ଶିଳ୍ପ ନେତୃତ୍ୱ ଏବଂ ଏମଏସ୍ଏମଇଗୁଡିକୁ ସୁଯୋଗ ଯୋଗାଇବା ସହିତ ଏକ ବିନିର୍ମାଣ ଗନ୍ତାଘର ହେବା ନିମନ୍ତେ ରାଜ୍ୟର ରହିଥିବା ଦୂରଦୃଷ୍ଟିକୁ ଆଗେଇନେବା ନିମନ୍ତେ ଏକ ମଞ୍ଚ ଯୋଗାଇ ଦେଇଥିଲା ।