ମଧ୍ୟପ୍ରଦେଶ: ଗ୍ୱାଲିୟର ମହାରାଜ ବାଡାରେ ତ୍ରୀରଙ୍ଗା ଲଗାଇବା ବେଳେ ଦୁର୍ଘଟଣା, ୩ କର୍ମଚାରୀ ମୃତ
କନକ ବ୍ୟୁରୋ : ମଧ୍ୟପ୍ରଦେଶ ଗ୍ୱାଲିୟର ନିକଟରେ ଥିବା ଐତିହାସିକ ମହାରାଜା ବାଡାରେ ହାଇଡ୍ରୋଲିକ ଫାୟାର ବ୍ରିଗେଡ ତରଫରୁ ନଗର ନିଗମ କୋଠା ଉପରେ ତ୍ରୀରଙ୍ଗା ଲଗାଇବା ବେଳେ ବଡ ଦୁର୍ଘଟଣା ଘଟିଛି । ଏହି ଦୁର୍ଘଟଣା ଫଳରେ ନଗର ନିଗମର ୩ ଜଣ କର୍ମଚାରୀ ମୃତ୍ୟୁବରଣ କରିଛନ୍ତି । ଏହି କର୍ମଚାରୀମାନେ ସ୍ୱାଧୀନତା ଦିବସ ପାଇଁ ରାଷ୍ଟ୍ରୀୟ ପତାକା ଲଗାଉଥିବା ବେଳେ ହାଇଡ୍ରୋଲିକ ମେସିନର ଏକ ଭୂଲ ସ୍ୱିଚ୍ ମାରିଦେବାରୁ ଏଭଳି ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ନଗର ନିଗମର ଚୌକିଦାର ଓ ୨ ଜଣ ଅଗ୍ନିସମ ବିଭାଗର କର୍ମଚାରୀ ମୃତ୍ୟୁବରଣ କରିଛନ୍ତି । ଏହାସହ ଫାୟାର ବ୍ରିଗେଡର ଗାଡି ଚାଳକ ଗୁରୁତର ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନଗର ନିଗମ ହାଇଡ୍ରୋଲିକ ଟ୍ରଲିରେ ୩ ଜଣ କର୍ମଚାରୀ ବସି ପୋଷ୍ଟ ଅଫିସ ବିଲ୍ଡିଂରେ ପତାକା ଲଗାଇବାକୁ ଚେଷ୍ଟା କରୁଥିଲେ ସେତେବେଳେ ଏଭଳି ଦୁର୍ଘଟଣା ଘଟିଛି । କହିରଖୁ କି, ପ୍ରତିବର୍ଷ ସ୍ୱଧୀନତା ଦିବସରେ ଏହି ଐତିହାସିକ କୋଠାକୁ ସଜା ଯାଇଥିାଏ ।
Madhya Pradesh | 3 killed as trolley of crane breaks while installing national flag in Gwalior
“Three people died in the incident. Govt will provide support to families of deceased,” State Minister Tulsi Ram Silawat pic.twitter.com/MiD6HQ3MxC
— ANI (@ANI) August 14, 2021
ଏହି ଘଟଣାକୁ ନେଇ ମୁଖ୍ୟମନ୍ତ୍ରୀ ଶିବରାଜସିଂ ଚୌହାନ ଦୁଖ ପ୍ରକାଶ କରିବା ସହ ମୃତକଙ୍କ ପରିବାରକୁ ସମବେଦନା ଜଣାଇଛନ୍ତି । ଏପଟେ ପୂର୍ବତନ ମୁଖ୍ୟମନ୍ତ୍ରୀ କମଲ ନାଥ ଏହି ଘଟଣାରେ ଦୁଖ ପ୍ରକାଶ କରିବା ସହ ଯାଂଚ ନିର୍ଦ୍ଦେଶ ଦେବାକୁ ରାଜ୍ୟ ସରକାରଙ୍କୁ ଅନୁରୋଧ କରିଛନ୍ତି ।