ଆଜି ସକାଳେ ଜମ୍ମୁ ଓ କଶ୍ମୀରର ପୁଲଓ୍ଵାମା ଜିଲ୍ଲାରେ ସୁରକ୍ଷା କର୍ମୀ ଓ ଆତଙ୍କବାଦୀମାନଙ୍କ ମଧ୍ୟରେ ଗୁଳି ବିନିମୟ ଘଟିଛି । ଏହି ଗୁଳି ବିନିମୟରେ ଦୁଇଜଣ ଆତଙ୍କବାଦୀଙ୍କ ମୃତ୍ୟୁ ଘଟିଛି । ସୁରକ୍ଷା କର୍ମୀମାନେ ମୃତ ଦୁଇଜଣ ଆତଙ୍କବାଦୀଙ୍କ ମୃତଦେହ ଜବତ କରିଛନ୍ତି । କିନ୍ତୁ ଏ ପର୍ଯ୍ୟନ୍ତ ସେମାନଙ୍କ ପରିଚୟ ମିଳି ପାରି ନାହିଁ । ଆତଙ୍କବାଦୀଙ୍କ ଠାରୁ ଗୋଟିଏ ଲେଖାଁଏ ଇନସାସ୍ ଓ ଏକେଏମ ରାଇଫଲ ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ପୁଲଓ୍ଵାମା ଜିଲ୍ଲାର ଟିକେନ ଗାଁରେ ଆତଙ୍କବାଦୀମାନେ ଛପି ରହିଥିବା ଖବର ପାଇ ୫୫ ରାଷ୍ଟ୍ରୀୟ ରାଇଫଲ, ୧୮୦/୧୮୩ ସିଆରପିଏଫ ଓ ଏସଓଜି ର ଯବାନମାନେ ସମଗ୍ର ଗାଁକୁ ଘେରାଉ କରି ରଖି ସର୍ଚ୍ଚ ଅପରେସନ୍ ଚଳାଇଥିଲେ। ଏଥିରେ ବ୍ୟସ୍ତ ହୋଇ ଆତଙ୍କବାଦୀମାନେ ଯବାନଙ୍କ ଉପରକୁ ଗୁଳି ଚଳାଇଥିଲେ। ଏହାର ଜବାବରେ ଯବାନମାନେ ପାଲଟା ଗୁଳି ଚଳାଇଥିଲେ । ଯବାନଙ୍କ ପାଲଟା ଗୁଳିମାଡ଼ରେ ଘଟଣାସ୍ଥଳରେ ହିଁ ୨ ଜଣ ଆତଙ୍କବାଦୀ ମୃତ୍ୟୁ ବରଣ କରିଛନ୍ତି ।ସୂଚନାଯୋଗ୍ୟ ଯେ ପୁଲଓ୍ଵାମା ଜିଲ୍ଲାର ଟ୍ରାଲଠାରେ ଗତକାଲି ଯବାନଙ୍କ ଗୁଳିବିନିମୟରେ ଜୈଶ ଇ ମହମ୍ମଦର ଜଣେ ଆତଙ୍କବାଦୀ ମୃତ୍ୟୁ ବରଣ କରିଥିଲା। ପାକିସ୍ତାନୀ ନାଗରିକ ଏହି ଜୈଶ ଇ ମହମ୍ମଦର ଆତଙ୍କବାଦୀର ନାମ ଅନଓ୍ଵାର ବୋଲି ଚିହ୍ନଟ କରାଯାଇଥିଲା ବୋଲି ଜଣେ ସୁରକ୍ଷା କର୍ମୀ ସୂଚନା ଦେଇଛନ୍ତି ।