ରିଲ୍ ନୁହେଁ ବରଂ ରିୟଲ୍ ଲାଇଫର ବାହୁବଳୀ ! ମାଆ ପାଇଁ କୂଅ ଖୋଳିଲେ ଦୁଇ ଝିଅ
ବହୁ ଚର୍ଚ୍ଚିତ ସିନେମା ‘ବାହୁବଳୀ’ରେ ଜଳାଭିଷେକ ପାଇଁ ମାଆ ଦୂରରୁ ପାଣି ଆଣୁଥିବାର ଦେଖି ବାହୁବଳୀ ଶିବଲିଙ୍ଗକୁ ନିଜ କାନ୍ଧରେ ଉଠାଇ ପାଣି ନିକଟକୁ ନେଇ ଆସିଥିଲା । ତେବେ ଏହା ତଥିଲା ସିନେମା ପରଦାର ଏକ ଦୃଶ୍ୟ । କିନ୍ତୁ ବାସ୍ତବରେ ଏଭଳି ଦୃଶ୍ୟ ଦେଖିବାକୁ ଏବଂ ଶୁଣିବାକୁ ମିଳିଛି ଛତିଶଗଡ଼ର କୋରିୟା ଜିଲ୍ଲାରେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଛତିଶଗଡ଼ର କୋରିୟା ଜିଲ୍ଲାରେ ଦୁଇ ଭଉଣୀ ନିଜ ମାଆଙ୍କ ପାଣି ଆଣିବା କଷ୍ଟକୁ ହୃୃଦବୋଧ କରି କୁଅ ଖୋଳିବା ଘଟଣା ସମସ୍ତଙ୍କୁ ଚକିତ କରିପକାଇଛି । ତେବେ କଛୋଡର କସିହିୟାପାରାରେ ଅମର ସିଂ ଗୋଡଙ୍କ ପତ୍ନୀ ଜୁକମୁଲ୍ ଏବଂ ଦୁଇଝିଅ ଶାନ୍ତି ଓ ବିଜ୍ଞାତିଙ୍କ ସହ ବାସ କରନ୍ତି । ନିଜ ଅଂଚଳରେ ପାନୀୟ ଜଳର ସମସ୍ୟା ଥିବାରୁ ଜକମୁଲ ଦୁଇ କିଲୋମିଟର ଦୁରକୁ ଯାଇ ବାଧ୍ୟ ହୁଅନ୍ତି ପାଣି ଆଣିବାକୁ । ଅନେକ ସମୟରେ ଦୁଇ ଝିଅ ମଧ୍ୟ ମାଆଙ୍କୁ ସହଯୋଗ କରନ୍ତି ।
ସବୁଦିନର ଏହି ସମସ୍ୟାକୁ ଦୁର କରିବା ପାଇଁ ଦୁଇ ଭଉଣୀ ଘର ଆଗରେ ଏକ କୂଅ ଖୋଳିବାର ନିଷ୍ପତି ନେଇଥିଲେ । ଏସଂପର୍କରେ ସେମାନେ ଯେତେବେଳେ ସମସ୍ତଙ୍କୁ ଜଣାଇଥିଲେ ସେତେବେଳେ ଉଭୟଙ୍କ କଥାକୁ ହସରେ ଉଡାଇ ଦେଇଥିଲେ ସମସ୍ତେ । ଏହାପରେ ବି ହାର୍ ମାନିନଥିଲେ ଦୁଇ ଭଉଣୀ । କୋଡ଼ି ଫାଉଡ଼ା ହାତରେ ଧରି ବାହାରି ପଡିଥିଲେ କୂଳ ଖୋଳିବାକୁ । ଆଉ ଆରମ୍ଭ କରିଥିଲେ କୂଅ ଖୋଳା ।
ଖାଲି ସେତିକି ନୁହେଁ ତେବେ ଆପଣ ଜାଣି ଆଶ୍ଚର୍ଯ୍ୟ ହେବେ କି ଦୁଇ ଭଉଣୀଙ୍କ ଜିଦ୍ ଆଗରେ ମୁଣ୍ଡ ନୁଆଁଇଥିଲା ସଂପୂର୍ଣ୍ଣ ଗାଁ । ବଢାଇଥିଲେ ସହଯୋଗର ହାତ । ଶେଷରେ କୂଳ ଖୋଳା ଶେଷ ହୋଇଥିଲା । ଭଗାବାନଙ୍କ ଆର୍ଶୀବାଦରେ ମାତ୍ର ୨୦ ଫୁଟ୍ ଗଭୀର ଯାଏଁ ଖୋଲିବା ପରେ ବାହାରିଥିଲା ସ୍ୱଚ୍ଛ ପାଣି । ତେବେ ଦୁଇ ଝିଅଙ୍କ ଉଦ୍ୟମ ଫଳରେ ଆଜି ଗ୍ରାମରେ ପାନୀୟ ଜଳ ସମସ୍ୟା ଅନେକାଂଶରେ ଦୂର ହୋଇ ପାରିଛି ।
ଏହାସହ ମଧ୍ୟ ପଢନ୍ତୁ-ସାମ୍ନାକୁ ଆସିଲା ‘ତାଜମହଲ’ର ଭୟାନକ କାହାଣୀ ! ଆଜି ବି ପ୍ରେମିକ ଶାହଜାହାନଙ୍କ ପାଇଁ ଲୁହ ଢାଳୁଛନ୍ତି ମମତାଜ୍