ପ୍ରଥମେ ଆତଙ୍କବାଦ ଉପରେ ରୋକ ଲଗାଉ ପାକିସ୍ତାନ, ପରେ ହେବ ଆଲୋଚନା : ସୁଷମା ସ୍ୱରାଜ
କନକ ବ୍ୟୁରୋ : ଭାରତ-ପାକିସ୍ତାନ ମଧ୍ୟରେ କୌଣସି କଥାବାର୍ତ୍ତା ସେ ପର୍ଯ୍ୟନ୍ତ ସମ୍ଭବ ନୁହେଁ,ଯେ ପର୍ଯ୍ୟନ୍ତ ପାକିସ୍ତାନ ଆତଙ୍କବାଦୀ କାର୍ଯ୍ୟକଳାପ ବନ୍ଦ ନ କରିଛି । ଇସଲାମାବାଦରେ ଅନୁଷ୍ଠିତ ହେଉଥିବା ସାର୍କ ସମ୍ମିଳନୀରେ ଯୋଗ ଦେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପାକିସ୍ତାନ ପକ୍ଷରୁ ଆମନ୍ତ୍ରଣ କରାଯାଇଥିଲା । ଏହାକୁ ଭାରତ ପ୍ରତ୍ୟାଖ୍ୟାନ କରିବା ପରେ ଉପରୋକ୍ତ ମନ୍ତବ୍ୟ ଦେଇଛନ୍ତି ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ।
Kanak News is now on WhatsApp
Join and get latest news updates delivered to you via WhatsApp
କର୍ତ୍ତାରପୁର କରିଡର ନିର୍ମାଣ ଭଳି ଦ୍ୱିପାକ୍ଷିକ ପଦକ୍ଷେପ ଦୁଇ ଦେଶ ମଧ୍ୟରେ କାଥାବାର୍ତ୍ତା ଲାଗି ପଥ ପରିଷ୍କାର କରିନାହିଁ । ହାଇଦ୍ରାବାଦ୍ରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଯୋଗ ଦେଇ ସୁଷମା କହିଛନ୍ତି କି ଶେଷପର୍ଯ୍ୟନ୍ତ ଭାରତରେ ପାକିସ୍ତାନ ଆତଙ୍କବାଦୀ କାର୍ଯ୍ୟକଳାପ ବନ୍ଦ ନ କରିଛି, ସେ ପର୍ଯ୍ୟନ୍ତ କୌଣସି ଆଲୋଚନା ସମ୍ଭବ ନୁହେଁ କିମ୍ବା ଭାରତ ସାର୍କ ସମ୍ମିଳନୀରେ ଯୋଗ ଦେବ ନାହିଁ । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ କର୍ତ୍ତାରପୁର କରିଡରର ଶିଳାନ୍ୟାସ କରିବାର କିଛି ସମୟ ପରେ ସାମ୍ବାଦିକମାନଙ୍କ ପ୍ରଶ୍ନର ଉତ୍ତରରେ ଏଭଳି ମନ୍ତବ୍ୟ ରଖିଛନ୍ତି ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ।