ବିମାନ ବିଳମ୍ବ କିମ୍ବା କ୍ୟାନସଲ ହେଲେ ଏୟାରଲାଇନ୍ସ କମ୍ପାନୀ ଯାତ୍ରୀଙ୍କୁ ଦେବ ଏହି ସୁବିଧା । ୫ରୁ ୧୦ହଜାର ଟଙ୍କା ସହିତ ମିଳିବ ଆହୁରି ଅନେକ ସୁବିଧା । ଜାଣନ୍ତୁ
ବିମାନ ଯାତ୍ରୀଙ୍କୁ ଅତିଶୀଘ୍ର ଅନେକ ପ୍ରକାରର ଅଧିକାର ମିଳିପାରିବ । ଘରୋଇ ବିମାନ ୬ଘଂଟା କିମ୍ବା ଏହାଠାରୁ ଅଧିକ ବିଳମ୍ବ ହେଲେ ଏୟାରଲାଇନକୁ ଏହାର ସୂଚନା ଯାତ୍ରୀଙ୍କୁ ପ୍ରଥମେ ହିଁ ଦେବାକୁ ପଡିବ । କେବଳ ଏତିକି ନୁହେଁ, ବିକଳ୍ପ ବିମାନର ବ୍ୟବସ୍ଥା କରିବାକୁ ପଡିବ କିମ୍ବା ପୁରା ଟିକେଟ୍ ଟଙ୍କା ରିଫଣ୍ଡ କରିବାକୁ ପଡିବ ।
Kanak News is now on WhatsApp
Join and get latest news updates delivered to you via WhatsApp
ଏୟାର ଲାଇନ୍ ଯଦି ଫ୍ଲାଇଟ୍ କ୍ୟାନସଲ କରିଦିଏ ଏବଂ ଏହାର ସୂଚନା ଆପଣଙ୍କ ପର୍ଯ୍ୟନ୍ତ ପହଂଚାଉନି, ତେବେ ଆପଣ ୫୦୦୦ରୁ ୧୦,୦୦୦ ଟଙ୍କା ଜରିମାନା ପାଇବାର ଅଧିକାରୀ ହେବେ ଯାତ୍ରୀ । ଏହି ଟଙ୍କା ଟ୍ରାଭେଲ ଟାଇମ୍ କିମ୍ବା ଇନ୍ଧନ ସରଚାର୍ଜ ସହିତ ବେସ୍ ଫେୟାର ଉପରେ ନିର୍ଭର କରିବ ।
ବୁଧବାର ବିମାନ ମନ୍ତ୍ରାଳୟ ଯାତ୍ରୀଙ୍କୁ ଅଧିକାରଗୁହିକ ସହିତ ଚାଟ୍ ଜାରି କରିଛି । ଏଥିରେ ସମସ୍ତ ବ୍ୟବସ୍ଥାକୁ ସ୍ଥାନ ଦିଆଯାଇଛି । ଏୟାର ଲାଇନ୍ ସହିତ ପାଖାପାଖି ୯ମାସର ଚର୍ଚ୍ଚା ପରେ ଏହାକୁ ଜାରି କରାଯାଇଛି । ଯଦି ଆପଣ ବିମାନ ବନ୍ଦରରେ ଅଛନ୍ତି । ବିମାନ ୨-୬ ଘଂଟା ବିଳମ୍ବ ହୋଇଯାଉଛି, ତେବେ ସେହି ସ୍ଥିତିରେ ଏୟାର ଲାଇନ୍ସ କମ୍ପାନୀ ଆପଣଙ୍କୁ ମାଗଣା ଖାଦ୍ୟ ଓ ରିଫ୍ରେଶମେଂଟ ଉପଲବ୍ଧ କରାଇବ । ରାତି ୮ରୁ ସକାଳ ୩ଟା ମଧ୍ୟରେ ନିର୍ଦ୍ଧାରିତ ଫ୍ଲାଇଟ୍ ୬ଘଂଟାରୁ ଅଧିକ ବିଳମ୍ବ ହେଲେ, ଏୟାରଲାଇନକୁ ଯାତ୍ରୀଙ୍କୁ ଗୋଟିଏ ଦିନ ପୂର୍ବରୁ ସୂଚନା ଦେବାକୁ ପଡିବ । ଏହା ସହିତ ହୋଟେଲରେ ରହିବାର ମାଗଣା ବ୍ୟବସ୍ଥା କରିବାକୁ ପଡିବ । ଅନ୍ୟ ବିମାନଗୁଡିକ ମାମଲାରେ ୨୪ ଘଂଟାରୁ ଅଧିକ ବିଳମ୍ବ ହେଲେ ମଧ୍ୟ ଏହି ଜିନିଷ ଲାଗୁ ହେବ ।