ବିଶ୍ୱ ବ୍ୟାଙ୍କର ବଡ ନିଷ୍ପତ୍ତି : ଜଳବାୟୁ ପରିବର୍ତ୍ତନ ଠାରୁ ଲଢ଼ିବା ପାଇଁ ଏବେ ଖର୍ଚ୍ଚ ହେବ ୨୦୦ ମିଲିୟନ୍ ଡଲାର
ଏହି ୫ବର୍ଷରେ ଜଳବାୟୁ ପରିବର୍ତ୍ତନ ଠାରୁ ଲଢ଼ିବା ପାଇଁ ୨୦୦ ମିଲିୟନ୍ ଡଲାର ଖର୍ଚ୍ଚ କରାଯିବ ।
ବିଶ୍ୱ ବ୍ୟାଙ୍କ ବର୍ଷ ୨୦୨୧-୨୫ ପାଇଁ ଜଳବାୟୁ ପରିବର୍ତ୍ତନର ସମସ୍ୟା ଠାରୁ ମୁକ୍ତି ପାଇବା ପାଇଁ ଫଣ୍ଡିଙ୍ଗକୁ ୨ଗୁଣ କରିଦେଇଛି । ଫଣ୍ଡକୁ ଦୁଇଗୁଣା କରି ୨୦୦ ମିଲିୟନ୍ ଡଲାର କରିଦିଆଯାଇଛି । ଜଳବାୟୁ ପରିବର୍ତ୍ତନ ଉପରେ ସଂଯୁକ୍ତ ରାଷ୍ଟ୍ର ଫ୍ରେମୱର୍କ କନଭେନ୍ସନ୍ ସମ୍ମିଟରେ ଏହାର ଘୋଷଣା କରାଯାଇଛି । ଅର୍ଥାତ୍ ଏହି ୫ବର୍ଷରେ ଜଳବାୟୁ ପରିବର୍ତ୍ତନ ଠାରୁ ଲଢ଼ିବା ପାଇଁ ୨୦୦ ମିଲିୟନ୍ ଡଲାର ଖର୍ଚ୍ଚ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ବ୍ୟାଙ୍କ ବୟାନ ଜାରି କରିଛି କି, ପାଖାପାଖି ୧୦୦ ମିଲିୟନ୍ ଡଲାର ସିଧାସଳଖ ବ୍ୟାଙ୍କରୁ ଫଣ୍ଡ କରାଯିବ । ଏହା ବ୍ୟତୀତ ବାକି ରହିଯାଇଥିବା ଫଣ୍ଡକୁ ବିଶ୍ୱ ବ୍ୟାଙ୍କର ଦୁଇଟି ଏଜେନ୍ସି ଠାରୁ ଏକତ୍ରିତ କରାଯିବ । ପୋଲାଣ୍ଡରେ ପାଖାପାଖି ୨୦୦ ଦେଶ ଏହି ସମ୍ମିଳନୀରେ ଭାଗ ନେଉଛନ୍ତି ଏବଂ ସମସ୍ତେ ହିଁ ଜଳବାୟୁ ପରିବର୍ତ୍ତନ ଠାରୁ ଲଢ଼ିବାକୁ ବହୁତ ଜରୁରୀ ମାନନ୍ତି ।
ଜଳବାୟୁ ପରିବର୍ତ୍ତନ କାରଣରୁ ଦୁନିଆର ତାପମାତ୍ରାରେ ବୃଦ୍ଧି ହେଉଛି । ଏହାର ପ୍ରଭାବ ସାମାନ୍ୟ ପାଣିପାଗ ଉପରେ ମଧ୍ୟ ପଡୁଛି । ଏହି ସମସ୍ୟା ଯୋଗୁଁ ଦୁନିଆର ସବୁ ଦେଶ ଚିନ୍ତିତ । ବିଶେଷ କରି ଛୋଟ ଓ ଗରୀବ ଦେଶ । ଜଳବାୟୁ ପରିବର୍ତ୍ତନ ର ଘାତକ ପରିଣାମର ଶିକାର କେବଳ ଗୋଟିଏ ନୁହେଁ ବରଂ ଅନେକ ଦେଶ ହେଉଛନ୍ତି । ସାରା ଦୁନିଆରେ ସମୁଦ୍ରର ଜଳସ୍ତର ବଢ଼ି ବଢ଼ି ଯାଉଛି । ଏହା ବ୍ୟତୀତ ଜଙ୍ଗଲରେ ବି ଭୀଷଣ ଅଗ୍ନିକାଣ୍ଡ, ଲୁ ଓ ଝଡ ତୋଫାନ ଭଳି ଖବର ଆସୁଛି । ଏହାର ସିଧା ପ୍ରଭାବ ଦେଶର ଅର୍ଥବ୍ୟବସ୍ଥା ଓ ବିକାଶ ଉପରେ ପଡୁଛି ।