କନକ ବ୍ୟୁରୋ: କାହା ହାତକୁ ଯିବ ହରିୟାଣା? ଭୋଟ୍ ଗଣତିରେ ଚାଲିଛି କଡ଼ାକଡି ଟକ୍କର । ୯୦ଟି ବିଧାନସଭା ଆସନ ବିଶିଷ୍ଟ ଏହି ହରିୟାଣାରେ ବର୍ତ୍ତମାନ ଟ୍ରେଣ୍ଡ ଅନୁସାରେ ବିଜେପି ୩୮ ସିଟ୍ ଥିବାବେଳେ କଂଗ୍ରେସ ୨୮ଟି ସିଟ୍ ପାଇ ଟକ୍କର ଦେଉଛି । ସେହିପରି ଅନ୍ୟ ଆଞ୍ଚଳିକ ଦଳ ଖାତାରେ ୧୬ଟି ସିଟ୍ ରହିଥିବେ ଟ୍ରେଣ୍ଡ କହୁଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ତେବେ ହରିୟାଣାରେ ପୁଣି ବିଜେପି କମବ୍ୟାକ୍ କରିବ କି? ନା କଂଗ୍ରେସ ଫେରିବ ତାହା ସମ୍ପୂର୍ଣ୍ଣ ଭୋଟ୍ ଗଣତି ପରେ ସ୍ପଷ୍ଟ ହେବ । ଆଉ ହରିଆୟାଣାର ଭୋଟର ପୁଣି ମନୋହର ଲାଲ ଖଟ୍ଟରଙ୍କ ଉପରେ ଭରଷା କରି ପୁଣି ମୁଖ୍ୟମନ୍ତ୍ରୀ କରୁଛନ୍ତି ନା ଜାତୀୟ କଂଗ୍ରେସକୁ ସରକାର ଗଢ଼ିବାରେ ସୁଯୋଗ ଦେବେ ତାହା ସ୍ପଷ୍ଟ ହେବ । କ୍ଷମତା କେନ୍ଦ୍ରରେ ଥିବା ବିଜେପି ଏଠାରେ କମବ୍ୟାକ୍ କରିପାରେ ବୋଲି ଅଧିକ ସମ୍ଭାବନା ଆକଳନ କରୁଛନ୍ତି ରାଜନୀତି ବିଶେଜ୍ଞ ।
ଅନ୍ୟପଟେ ହରିୟାଣା ଜନନାୟକ ଜନତା ପାର୍ଟି, ଭାରତୀୟ ଜାତୀୟ ଲୋକ ଦଳ ଭଳି ଛୋଟ ଛୋଟ ଆଂଚଳିକ ଦଳର ଭବିଷ୍ୟତ ନିର୍ଣ୍ଣୟ ହେବ । ତେବେ ଭୋଟଗ୍ରହଣ ପରେ ବିଭିନ୍ନ ସଂସ୍ଥା ପକ୍ଷରୁ କରାଯାଇଥିବା ବୁଥ୍ ବାହୁଡା ମତ ସର୍ଭେରେ ବିଜେପି ଏକକ ସଂଖ୍ୟାଗରିଷ୍ଠତା ହାସଲ କରି ସରକାର ଗଢ଼ିବେ ବୋଲି କୁହାଯାଇଛି । କିନ୍ତୁ ଗୋଟିଏ ସଂସ୍ଥାର ଏକ୍ସିଟ୍ ପୋଲ୍ ଅନୁଯାୟୀ ବିଜେପି ଓ କଂଗ୍ରେସ ମଧ୍ୟରେ କଡା ଟକ୍କର ହେବ । ତେବେ ବିଜେପି କ୍ଷମତାକୁ ଫେରିଲେ ହରିୟାଣାରେ ରେକର୍ଡ କରିବ । ଏବେ ଭୋଟର କାହା ମୁଣ୍ଡରେ ସୁନା କଳସ ଢ଼ାଳିବେ ତାହା ସନ୍ଧ୍ୟା ସୁଦ୍ଧା ସ୍ପଷ୍ଟ ହୋଇଯିବ ।