ସାମ୍ନାକୁ ଆସୁଛି ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଦୁର୍ନୀତିର ସତ : ଷଷ୍ଠ ପାସ୍ କରି ପଇସା ଦେଇ ପାଇଛନ୍ତି ଚାକିରୀ
ଗୋଟିଏ ପରିବାରର ୧୩ ଜଣଙ୍କୁ ମିଳିଛି ନିଯୁକ୍ତି
କନକ ବ୍ୟୁରୋ : ସାମ୍ନାକୁ ଆସୁଛି ପଶ୍ଚିମବଙ୍ଗ ଶିକ୍ଷକ ଦୁର୍ନୀତି ମାମଲାର ସତ । ମାତ୍ର ଷଷ୍ଠ ଶ୍ରେଣୀ ପର୍ଯ୍ୟନ୍ତ ପଢିଥିବା ଜଣେ ପ୍ରାର୍ଥୀଙ୍କୁ ଚାକିରି ମିଳିଥିଲା । ଏମିତିକି ନିଯୁକ୍ତି ପରୀକ୍ଷା ଦେଇନଥିବା ପ୍ରାର୍ଥୀଙ୍କୁ ବି ମୋଟା ଲାଞ୍ଚ ଦ୍ୱାରା ମନୋନୀତ କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ ପାର୍ଥ ଚାଟାର୍ଜୀଙ୍କ ପୂର୍ବତନ ଅଙ୍ଗରକ୍ଷୀଙ୍କ ପରିବାରରୁ ୧୩ ଜଣଙ୍କୁ ଶିକ୍ଷା ବିଭାଗରେ ଚାକିରି ମିଳିଥିବା ଜଣାପଡ଼ିଛି । ଏମାନଙ୍କ ମଧ୍ୟରେ ଜଣେ ମହିଳା ଏଭଳି ରହିଛନ୍ତି, ଯିଏ ମାତ୍ର ଷଷ୍ଠ ଶ୍ରେଣୀ ଯାଏଁ ପାଠ ପଢିଛନ୍ତି । ଏହିଭଳି ଭାବେ ଅର୍ପିତାଙ୍କ ସୁପାରିଶ କ୍ରମେ ତାଙ୍କର ସଂପର୍କୀୟଙ୍କୁ ଚାକିରି ମିଳିଥିଲା । ଏମାନଙ୍କ ମଧ୍ୟରୁ ଏପର୍ଯ୍ୟନ୍ତ କାହାରିକୁ ଶିକ୍ଷା ବିଭାଗରୁ ହଟାଯାଇ ନାହିଁ । ହାଇକୋର୍ଟଙ୍କ ନିର୍ଦ୍ଦେଶକ୍ରମେ ମାମଲାର ସିବିଆଇ ତଦନ୍ତ କରୁଛି । ଅର୍ଥ ଠକେଇ ମାମଲା ପ୍ରବର୍ତ୍ତନ ନିର୍ଦ୍ଦେଶାଳୟ ତଦନ୍ତ କରୁଛି ।