ମୁଖ୍ୟମନ୍ତ୍ରୀଙ୍କ ସଭାରେ ଜୋତାମାଡ଼ ନେଇ ସରଗରମ ରାଜନୀତି ! ଭାଇରାଲ ହେଲା ଆକ୍ରମଣ କରିଥିବା ଯୁବକର ପୂର୍ବ ଭିଡିଓ
କନକ ବ୍ୟୁରୋ : ମୁଖ୍ୟମନ୍ତ୍ରୀଙ୍କୁ ଜୋତା ଫିଙ୍ଗିଥିବା ଯୁବକର ଏକ ଭିଡିଓ ସ୍ଥାନୀୟ ଅଂଚଳରେ ଭାଇରାଲ ହୋଇଛି । ଏହି ଭିଡିଓରେ କିଛି ବର୍ଷ ପୂର୍ବରୁ ଯୁବକ ଜଣଙ୍କ ଉପ-ଜିଲ୍ଲାପାଳଙ୍କ କୋଠା ଉପରେ ଉଠିଯାଇ ଆତ୍ମହତ୍ୟା ପାଇଁ ଧମକ ଦେଇଥିଲେ । ବେଶ କିଛି ଘଂଟା ଧରି ଏହି ଡ୍ରାମା ଜାରି ରହିଥିଲା । ତଳେ ଲୋକ ବି ଜମା ହୋଇଯାଇଥିଲେ । ପରେ ତାଙ୍କୁ କାବୁ କରାଯାଇ ଉଦ୍ଧାର କରାଯାଇଥିଲା । ତେବେ ମୁଖ୍ୟମନ୍ତ୍ରୀଙ୍କ ଉପରେ ଜୋତାମାଡ ଘଟଣା ପରେ କାହା ପକ୍ଷରୁ ଏଭଳି ଉଦ୍ୟମ କରାଯାଇଛି ତାକୁ ନେଇ ଜୋର ଧରିଛି ଚର୍ଚ୍ଚା । ଆଉ ତା ଭିତରେ ପଦ୍ମପୁର ଆଇଆଇସି କହିଥିଲେ, ତାର ମାନସିକ ସନ୍ତୁଳନ ଠିକ ନାହିଁ । କିନ୍ତୁ ପରେ ଆଇଆଇସି କହିଥିଲେ ଭିନ୍ନ କଥା ।
Kanak News is now on WhatsApp
Join and get latest news updates delivered to you via WhatsApp
ତେବେ ଏସବୁ ଭିତରେ ମୁଖ୍ୟମନ୍ତ୍ରୀଙ୍କୁ ବରପାଲି କୁମ୍ଭାରୀ ପ୍ରଚାର ସଭାରେ ଚପଲ ମାଡ ଘଟଣାକୁ ନେଇ ସରଗରମ ହୋଇଛି ରାଜନୀତି । ଆଜି ବିଜେଡି ଏହାର ପ୍ରତିବାଦରେ ଜନତା ମଇଦାନ ସ୍ଥିତ ଗାନ୍ଧି ମୂର୍ତି ତଳେ ପ୍ରତିବାଦ କରିଛି । ନେତା ଓ କର୍ମୀ ଧାରଣାରେ ବସିବା ସହ ବିଜେପି ବିରୋଧରେ ନାରାବାଜି କରିଛନ୍ତି । ଏପରିକି ନିରଞ୍ଜନ ପଟ୍ଟନାୟକ ଓ ବିଜୟ ମହାପାତ୍ର ମଧ୍ୟ ଏହି ଘଟଣାକୁ ନିନ୍ଦା କରିଛନ୍ତି । ସେପଟେ ବିଜେଡି ବିରୋଧରେ ମୁଖ୍ୟନିର୍ବାଚନ ଅଧିକାରୀଙ୍କ ନିକଟରେ ଫେରାଦ ହୋଇଛି ବିଜେପି । ମୁଖ୍ୟମନ୍ତ୍ରୀଙ୍କ ଅଭିଯୋଗ ପ୍ରକୋଷ୍ଠରେ ତିନୋଟି ସୁଟକେଶ୍ରେ ଟଙ୍କା ରଖାଯାଇଛି ବୋଲି ବିଜେପି ଅଭିଯୋଗ କରିଛି ।