ଜନତାଙ୍କ ଉପରେ ମହଙ୍ଗା ମାଡ ! ଏଣିକି ଯେତେଟା ଟିଭି, ନେବାକୁ ହେବ ସେତେଟା କନେକ୍ସନ, ନଚେତ୍ ପକେଟରୁ ଚାଲିଯିବ ଶହ ଶହ ଟଙ୍କା
୧ ଫେବୃଆରୀରୁ ଆପଣଙ୍କ ଘରେ ଯେତିକି ବି ଟିଭି ଲାଗିଛି ଆପଣଙ୍କୁ ସେତିକି ହିଁ ନୂଆ କନେକ୍ସନ ନେବାକୁ ପଡିବ । ଖାଲି ଏତିକି ନୁହେଁ ପ୍ରତ୍ୟେକ କେବୁଲ କିମ୍ବା ଡିଟିଏଚ କନେକ୍ସନ ପାଇଁ ଆପଣଙ୍କୁ ପ୍ରତି ମାସ ଅଧିଳ ଟଙ୍କା ଖର୍ଚ୍ଚ କରିବାକୁ ହେବ । ତେବେ ଯେଉଁ ଲୋକମାନେ ଲମ୍ବା ସମୟ ପାଇଁ ଚ୍ୟାନେଲ ପ୍ୟାକେଜ୍ ନେଇ ରଖିଛନ୍ତି ତାଙ୍କୁ ଟ୍ରାଇ ପକ୍ଷରୁ ଆସ୍ୱସ୍ତି ମିଳିଛି ।
Kanak News is now on WhatsApp
Join and get latest news updates delivered to you via WhatsApp
କଣ ରହିଛି ନିୟମ
ବର୍ତ୍ତମାନ ଯେଉଁ ଘରମାନଙ୍କରେ ୧ରୁ ଅଧିକ କେବୁଲ କନେକ୍ସନ ରହିଛି, ତାଙ୍କୁ କେବୁଲ ଅଲଗା ସେଟଅପ ବକ୍ସ ଲଗାଇବାକୁ ପଡୁଥିଲା । ଗୋଟିଏ ହିଁ ପ୍ଲାନରେ ଆପଣ ୨ରୁ ୩ଟି ଟିଭି ଚଲାଇପାରୁଥିଲେ । ତେବେ ୧ ଫେବୃଆରୀରୁ ଆପଣଙ୍କୁ ଏଥିପାଇଁ ଅଧିକ ଟଙ୍କା ଖର୍ଚ୍ଚ କରିବାକୁ ହେବ । ଅର୍ଥାତ୍ ନିଜ ଘରେ କିମ୍ବା ଅନ୍ୟ କୌଣସି ଜାଗାରେ ୧ ରୁ ଅଧିକ ଲାଗିଥିବା ଟିଭି ପାଇଁ ଆପଣଙ୍କୁ ପୃଥକ ପୃଥକ କନେକ୍ସନ ନେବାକୁ ହେବ । ଏଥିସହିତ ହିଁ ପ୍ରତ୍ୟେକ ଟିଭି ପାଇଁ ଅଲଗା ପ୍ୟାକେଜ ନେବାକୁ ପଡିବ । ଏହାଦ୍ୱାରା ଲୋକଙ୍କ ପକେଟ ଉପରେ ଗଭୀର ପ୍ରଭାବ ପଡିବ ।
ଲମ୍ବା ପ୍ୟାକେଜ ପାଇଁ ଲୋକଙ୍କୁ ମିଳିଲା ଆସ୍ୱସ୍ତି
ତେବେ ଟ୍ରାଇ ତରଫରୁ ବର୍ତ୍ତମାନ ସେ ସମସ୍ତ ଲୋକଙ୍କୁ ଆସ୍ୱସ୍ତି ଦିଆଯାଇଛି, ଯେଉଁମାନେ କି ୩,୬,୯,୧୨ ମାସିଆ ପ୍ୟାକେଜ ନେଇଛନ୍ତି । ଏଭଳି ଲୋକଙ୍କର ପ୍ଲାନ ସରିବା ପର୍ଯ୍ୟନ୍ତ ଟିଭି ପୂର୍ବ ଭଳି ହିଁ ଚାଲୁ ରହିବ । ଆଉ ଯେତେବେଳେ ଏହି ପ୍ଲାନ ସରିଯିବ, ସେତେବେଳଠାରୁ ତାଙ୍କୁ ୧ ଫେବୃଆରୀରୁ ଲାଗୁ ହୋଇଥିବା ନିୟମ ଅନୁସାରେ ଟଙ୍କା ଦେବାକୁ ହେବ ।
ପେ ଚ୍ୟାନେଲ ପାଇଁ ଦେବାକୁ ପଡିବ ନେଟଓର୍କ କାପାସିଟି ଫିସ
ପ୍ରତ୍ୟେକ ପେ ଚ୍ୟାନେଲ ପାଇଁ ଗ୍ରାହକଙ୍କୁ ୧ ଫେବୃଆରୀରୁ ନେଟୱର୍କ କାପାସିଟି ଫିସ ବି ଦେବାକୁ ହେବ । ଏହି ଫିସ୍ ପେ ଚ୍ୟାନେଲର ଦାମ ବ୍ୟତୀତ ରହିବ । ୧୦୦ ଏସଡି ଚ୍ୟାନେଲ ବ୍ୟତୀତ ୨୫ ଏସଡି ଚ୍ୟାନେଲ ପାଇଁ ଅତିରିକ୍ତ ୨୦ ଟଙ୍କା ଅଧିକ ଦେବାକୁ ହେବ ।
୧ ଫେବୃଆରୀରୁ ଚାଲୁରହିବ ଏଫଡିଏ ଚ୍ୟାନେଲ
ଯେଉଁ ଗ୍ରାହକମାନେ ୩୧ ଜାନୁଆରୀ ସୁଦ୍ଧା ବି ନିଜ ଟିଭି ଚ୍ୟାନେଲ ବାଛି ନଥିବେ, ସେମାନଙ୍କ ଟିଭିରେ ୧ ଫେବୃଆରୀ ପରଠୁ ସମସ୍ତ ଫ୍ରି ଟୁ ଏୟାର ତଥା ଏଫଟିଏ ଚ୍ୟାନେଲଗୁଡିକର ପ୍ରସାରଣ ଜାରି ରହିବ । ତେବେ ପେଡ ଚ୍ୟାନେଲଗୁଡିକର ପ୍ରସାରଣ ବର୍ଧିତ ହୋଇଯିବ ।