ଡ୍ରଗ୍ସଠାରୁ ମଧ୍ୟ ଅଧିକ କ୍ଷତିକାରକ ସ୍ମାର୍ଟଫୋନ୍ ! ମାତ୍ର ଏକ ଘଂଟା ଅଲଗା ରହିଲେ ଦୂର ହେବ ବିଷାଦ
ସ୍ମାର୍ଟଫୋନ ଆମ ଜୀବନର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଛି । ଦିନର ୨୪ ଘଣ୍ଟା ମଧ୍ୟରୁ ପ୍ରାୟ ୧୭/୧୮ ଘଣ୍ଟା ସ୍ମାର୍ଟଫୋନ କିମ୍ବା ମୋବାଇଲ ଫୋନ ଆମ ପାଖେପାଖେ ଅର୍ଥାତ୍ ଆମ ହାତରେ, ପକେଟରେ ବା ତକିଆ ପାଖରେ ରହୁଛି । ପ୍ରତିଦିନ ଅଧିକ ସମୟ ଧରି ସ୍ମାର୍ଟଫୋନ୍ ବ୍ୟବହାର କଲେ କ’ଣ କ’ଣ ଅସୁବିଧା ହୁଏ ବା ଭିବଷ୍ୟତରେ ହେବ ସେକଥା ବିଷୟରେ ମଧ୍ୟ ଅବଗତ ଥିବେ । ତଥାପି ଲୋକେ ନଛୋଡ଼ବନ୍ଧା । ବ୍ୟକ୍ତିର ଆଖି ଏବଂ ମସ୍ତିଷ୍କ ଉପରେ ଖରାପ ପ୍ରଭାବ ପକାଇଥାଏ ଅତ୍ୟଧିକ ସ୍ମାର୍ଟଫୋନ୍ ବ୍ୟବହାର । ସ୍ମାର୍ଟଫୋନର ବ୍ୟବହାର ଦ୍ୱାରା ଶରୀରର ମେଲାଟୋନିନ୍ ହର୍ମୋନ୍ ଲେବଲ୍ କମ୍ ହେବ ସହ ଅନିଦ୍ରା ଜନିତ ସମସ୍ୟାକୁ ଉପୁଜାଇଥାଏ ।
Kanak News is now on WhatsApp
Join and get latest news updates delivered to you via WhatsApp
ଏବେ ଯେତେ ସୋସିଆଲ୍ ମିଡିଆର ଚାହିଦା ବଢୁଛି,ଲୋକଙ୍କ ନଜର ବାସ୍ତବିକ ସମାଜ ଉପରୁ ହଟି ମୋବାଇଲ୍ ଭିତରେ ଅଟକି ଯାଇଛି । ଏକ ସର୍ଭେରୁ ଜଣା ପଡିଛି ଯେ ଯୁବଗୋଷ୍ଠୀ ଅଧିକ ସମୟ ମୋବାଇଲ୍ ଫୋନ୍ ବ୍ୟବହାର କରିବାରେ ଅପଚୟ କରନ୍ତି । ଆପଣ ଯେତେ ଅଧିକ ଫୋନକୁ ଦେଖିବାରେ ବ୍ୟସ୍ତ ରହିବେ ଏହି ରୋଗ ସେତେ ବଢିବାର ଆଶଙ୍କା ରହିଛି । ବିଶେଷଜ୍ଞଙ୍କ ମତ ଅନୁସାରେ ବର୍ତ୍ତମାନ ମୋବାଇଲ ଲୋକଙ୍କ ପାଇଁ ସାଇଲେଂଟ କିଲର ସାଜିଛି । ପ୍ରକୃତ କଥା ହେଲା ଫୋନ ରେଡ଼ିଏସନକ ବହୁତ ଭୟଙ୍କର ହୋଇଥାଏ । ଏହି ରେଡ଼ିଏସନ ୟୁଜରଙ୍କ ମସ୍ତିସ୍କରେ ବହୁତ ପ୍ରଭାବ ପକାଇଥାଏ ।
ଗତ ମାସରେ ଆପଲ୍ ଲଂଚ କରିଛି ସ୍କ୍ରିନ୍ ଟାଇମ୍ ଫିଚର । ଏହି ଯନ୍ତ୍ରକୁ ବ୍ୟବହାର କଲେ ଆପଣ ଜାଣିପାରିବେ, ଦିନରେ କେତେ ସମୟ ଆପଣ ଫୋନ୍ ସହ ବିତାଉଛନ୍ତି । ଅଫିସର କମ୍ପ୍ୟୁଟର, ଫୋନ୍, ଟାବଲେଟ୍,ରେ ନିଜର ସ୍କ୍ରିନ୍ ଟାଇମିିଂ ଚେକ୍ କଲେ ଆପଣ ଆଶ୍ଚର୍ଯ୍ୟ ହୋଇଯିବେ । ତେବେ ଆପଣ ମାତ୍ର ଘଂଟାଏ ବି ଯଦି ସ୍ମାର୍ଟଫୋନ୍ ଠାରୁ ଦୂରେଇ ରହିବେ, ଆପଣଙ୍କ ଟେନସନ୍ ଦୂର ହୋଇଯିବ ।