ବଢୁଛି ସମୁଦ୍ରର ଜଳସ୍ତର । ବଢୁଛି ସଂକଟ
କନକ ବ୍ୟୁରୋ : ସାରା ବିଶ୍ୱରେ ସମୁଦ୍ରର ଜଳସ୍ତର ଦିନକୁ ଦିନ ବଢିବାରେ ଲାଗିଛି । ୧୯୯୩ରୁ ୨୦୦୨ ମଧ୍ୟରେ ଯେତିକି ଜଳସ୍ତର ବୃଦ୍ଧି ପାଇଥିଲା, ୨୦୧୩ରୁ ୨୦୨୨ ମଧ୍ୟରେ ତାଠାରୁ ଦୁଇଗୁଣା ଜଳସ୍ତର ବୃଦ୍ଧି ପାଇଛି । ଗତ ବର୍ଷ ଏହି ରେକର୍ଡ ଉଚ୍ଚ ସ୍ତରରେ ପହଞ୍ଚିଯାଇଥିଲା । ସବୁଠୁ ଚିନ୍ତାରେ ବିସୟ ହେଉଛି ଆଗକୁ ଆହୁରି ଶୀଘ୍ର ଜଳସ୍ତର ବଢିପାରେ ବୋଲି ଆକଳନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ବିଶ୍ୱ ପାଣିପାଗ ବିଜ୍ଞାନ କେନ୍ଦ୍ର ବା ଡବ୍ଲୁଏମଓର କହିବା ଆନୁସାରେ, ସମୁଦ୍ର ଜଳସ୍ତର ବୃଦ୍ଧି ପାଇବାର ବଡ କାରଣ ହେଉଛି ତାପମାତ୍ରା ବୃଦ୍ଧି । ଯେଉଁ କାରଣରୁ ଗ୍ଲେସିୟର ତରଳିବାରେ ଲାଗିଛି । ସମୁଦ୍ର ଭିତରେ ଉତ୍ତାପ ବଢିବାରେ ଲାଗିଛି । ଯେଉଁଥି ପାଇଁ ଜଳସ୍ତର ବୃଦ୍ଧି ପାଉଛି । ୨୦୧୩ରୁ ୨୦୨୨ ମଧ୍ୟରେ ସମୁଦ୍ର ଜଳସ୍ତର ପ୍ରତିବର୍ଷ ୪.୬୨ ମିଲିମିଟର ହିସାବରେ ବଢିଛି । ଏହା ୧୯୯୩ରୁ ୨୦୦୨ମଧ୍ୟରେ ବଢିଥିବା ଜଳସ୍ତରଠାରୁ ଦୁଇଗୁଣା ଅଟେ ।
ବିଶ୍ୱ ପାଣିପାଗ ବିଜ୍ଞାନ କେନ୍ଦ୍ରର ଜେନେରାଲ ସେକ୍ରେଟେରିଙ୍କ କହିବା ଅନୁସାରେ, ଗ୍ଲେସିୟର ତରଳିବା ଏବଂ ସମୁଦ୍ର ଜଳସ୍ତର ତିବ୍ର ଗତିରେ ବଢିବା ଏକ ସଂକଟଜନକ ପ୍ରକ୍ରିୟା ଅଟେ । ତୁବାଲୁ ଭଳି ଦ୍ୱିପ ଅଧିକ ସଂକଟରେ ପଡିପାରନ୍ତି । ସମୁଦ୍ର ଜଳସ୍ତର ବୃଦ୍ଧି କାରଣରୁ ତୁବାଲୁ ଭଳି ଦ୍ୱିପ ନକ୍ସାରୁ ହଟିଯାଇପାରେ ବୋଲି କୁହାଯାଉଛି ।