ଏଣିକି ଗୁଗଲ ମ୍ୟାପରେ ଉପଲବ୍ଧ ହେବ ଆରଟିଓ ସମ୍ପର୍କିତ ଟିକିନିକି ତଥ୍ୟ : ଗାଡି ଚାଳକଙ୍କ ସୁବିଧା ପାଇଁ ଚିଠି ଲେଖିଲେ ପରିବହନ କମିଶନର
କନକ ବ୍ୟୁରୋ : ଏଣିକି ଆରଟିଓ ବାବଦରେ ଟିକିନିକି ତଥ୍ୟ ଗୁଗଲରୁ ପାଇପାରିବେ ଗାଡି ଚାଳକ । ସମସ୍ତ ଆରଟିଓ ଅଫିସ, ଡ୍ରାଇଭିଂ ଟେଷ୍ଟିଂ ଟ୍ରାକ୍, ପଲ୍ୟୁସନ୍ ଟେଷ୍ଟିଂ ସେଣ୍ଟରର ଠିକଣାକୁ ଗୁଗଲ ମ୍ୟାପରେ ସ୍ଥାନିତ କରିବାକୁ ସମସ୍ତ ଆରଟିଓ, ଅତିରିକ୍ତ ଆରଟିଓଙ୍କୁ ଚିଠି ଲେଖିଛନ୍ତି ପରିବହନ କମିଶନର । ଗାଡି ଚାଳକଙ୍କ ସୁବିଧା ପାଇଁ ଏହି ବ୍ୟବସ୍ଥା ଲାଗୁ କରିବାକୁ ନିର୍ଦ୍ଦେଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ସମସ୍ତ ଆରଟିଓ ଅଫିସର ଫଟୋ, ପଲ୍ୟୁସନ୍ ଟେଷ୍ଟିଂ ସେଣ୍ଟର ଫଟୋ ଗୁଗୁଲ ମ୍ୟାପରେ ସ୍ଥାନିତ କରିବାକୁ ନିର୍ଦ୍ଦେଶ ଦିଆଯାଇଛି । ଏହାଛଡା ଲର୍ଣ୍ଣିଂ ଓ ଲାଇସେନ୍ସ ପାଇଁ ଆବେଦନ କରିଥିବା ଗାଡି ଚାଳକଙ୍କୁ ଗୁଗଲ ଲୋକେସନର ଲିଙ୍କ୍ ପଠାଇବାକୁ ମଧ୍ୟ କୁହାଯାଇଛି । ଯାହାଫଳରେ ଜଣେ ବ୍ୟକ୍ତି ଗୁଗୁଲ ମ୍ୟାପ୍ ସାହାଯ୍ୟରେ ବେଶ ସହଜରେ ଆରଟିଓ ଅଫିସ ଓ ପଲ୍ୟୁସନ୍ ଟେଷ୍ଟିଂ ସେଣ୍ଟରରେ ପହଞ୍ଚିପାରିବେ ।